Sports: ရှဝိန်းစတိုင်ဂါ သုံးပွဲပယ်ခံရတဲ့ အကြောင်းအရင်း

မန်ယူကစားသမား ရှဝိန်းစတိုင်ဂါကို သုံးပွဲပယ်ပြစ်ဒဏ် ချမှတ်လိုက်တာကြောင့် လာမယ့်ဘုန်းမောက်နဲ့ ပွဲစဉ်ကစလို့ ပါနိုင်တော့မှာ မဟုတ်ပါဘူး

play

 

ပြိုင်ဘက်ကစားသမားအပေါ် ကိုယ်ထိလက်ရောက် တိုက်ခိုက်ခဲ့တာကြောင့် မန်ယူအသင်း ကွင်းလယ်ကစားသမား ရှဝိန်းစတိုင်ဂါကို အက်ဖ်အေက သုံးပွဲပယ်ပြစ်ဒဏ် ချမှတ်လိုက်ပါတယ်။ ဝက်စ်ဟမ်းကို ဂိုးမရှိသရေကျခဲ့တဲ့ပွဲစဉ်မှာ ရှဝိန်းစတိုင်ဂါက ဝင်စတန်ရိဒ်ကို တွန်းထိုးခဲ့တာ ဖြစ်ပါတယ်။

play

 

ရှဝိန်းစတိုင်ဂါရဲ့ လုပ်ရပ်ကို ကွင်းလယ်ဒိုင်က ပွဲမှတ်တမ်းထဲမှာ ထည့်မရေးခဲ့ပေမဲ့ ပွဲစဉ်အပြီး ရုပ်သံမှတ်တမ်းကို စည်းကမ်း ထိန်းသိမ်းရေးအဖွဲ့က ပြန်ကြည့်ပြီးတဲ့နောက် အခုလို အပြစ်ဒဏ်ချလိုက်တာပါ။ အခုမန်ယူမှာ ကစားနေတဲ့ ရှဝိန်းစတိင်ဂါဟာ ဘိုင်ယန်မြူးနစ်တုန်းက ရှဝိန်းစတိုင်ဂါလိုမျိုး ခြေစွမ်းပြနိုင်သူမဟုတ်တော့ဘူးလို့ ဗန်ဟားလ်က ဝေဖန်ထားပါသေးတယ်။

play

 

ဝက်စ်ဟမ်းကစားသမားရိဒ်ကလည်း ဒီလိုပြောထားပါသေးတယ်။ “သူကျွန်တော့်ကို ဘာလုပ်ခဲ့တယ် ဆိုတာ သူသိပါတယ်။ မျက်နှာကို တံတောင်နဲ့ တွတ်ခဲ့တာလေ” လို့သူက ပြောပါတယ်။ လာမယ့် တစ်ပတ် ဘုန်းမောက်နဲ့ ကစားမယ့်ပွဲစဉ်ကစလို့ နောဝှစ်ခ်ျ၊ စတုတ်စီးတီးတို့နဲ့ ပွဲစဉ်မှာ ရှဝိန်းစတိုင်ဂါ မပါနိုင်တော့ပါဘူး။

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ