Sports: မန်စီးတီး - အဲဗာတန် ပွဲကြိုခန့်မှန်းချက်

မန်စီးတီးအသင်းက ခြေစွမ်းမာကျောတဲ့ အဲဗာတန်ကို အိမ်ကွင်းမှာ ဧည့်ခံ ကစားရမှာပါ။

play

 

အမှတ်ပေးဇယား အဆင့်-၃ နေရာမှာ ရပ်တည်နေရသူ မန်စီးတီးအတွက် အမှတ်ပေးဖလား ရဖို့ အရေးပါတဲ့ ပွဲစဉ်ကို ဒီကနေ့ ကစားရမှာပါ။ ခြေစွမ်းမာကျောတဲ့ အဲဗာတန်နဲ့ တွေ့ရမှာဖြစ်လို့ မန်စီးတီးဘက်က အနိုင်သုံးမှတ်ရမယ်ဆိုတာ မသေချာတဲ့ ကိစ္စဖြစ်ပါတယ်။

ပထမအကျော့တွေ့တုန်းကတော့မန်စီးတီးဘက်က အဝေးကွင်းမှာ ၀-၂ ဂိုးနဲ့ အနိုင်ရခဲ့တာပါ။ ဒါကို ရှုံးကြွေးဆပ်တဲ့ အနေနဲ့ လိဂ်ဖလားမှာ အဲဗာတန်က မန်စီးတီးကို ပြန်အနိုင်ယူလိုက်ပါတယ်။ အမှတ်ပေးဇယား အလယ်ရောက်ပြီး သောင်မတင်ရေမကျဖြစ်နေတဲ့ အဲဗာတန်အတွက်လည်း အရေးကြီးသလို မန်စီးတီးအတွက်လည်း အမှတ်ပေးဖလား ရဖို့ အရေးကြီးတဲ့ပွဲစဉ်ပါ။

play

 

မန်စီးတီးဘက်မှာ တိုက်စစ်မှူး ဘိုနီ၊ ဖာနန်ဒင်ဟို၊ ကွန်ပနီနဲ့ နာဆရီတို့ ပါနိုင်မှာ မဟုတ်ပါဘူး။ သတင်းကောင်း အနေနဲ့ကတော့ ဒေးဗစ်ဆေးလ်ဗားနဲ့ ယာယာတိုယေးတို့ ကြံ့ခိုင်မှုအပြည့်နဲ့ ပါလာမှာ ဖြစ်ပါတယ်။ အဲဗာတန်ဘက်မှာလည်း အဓိကတိုက်စစ်မှူး လူကာကူနဲ့ နောက်ခံလူ  ရိုမီယိုတို့ ပါလာနိုင်ပါပြီ။

မန်စီးတီးက အဲဗာတန်နဲ့ ပရီးမီးယားလိဂ် နောက်ဆုံးငါးပွဲ တွေ့ခဲ့ရာမှာ လေးပွဲနိုင်ပြီး တစ်ပွဲသရေကျခဲ့ပါတယ်။ ယာယာတိုယေးက အဲဗာတန်နဲ့ ရှစ်ကြိမ်ရင်ဆိုင်ထားရာမှာ သုံးဂိုးသွင်းပြီး သုံးဂိုးဖန်တီးပေးခဲ့ဖူးပါတယ်။ ဒီတော့ အဲဗာတန်ကို အဓိကဒုက္ခပေးနိုင်တဲ့ ကစားသမားက ယာယာတိုယေးပါ။

play

 

မန်စီးတီးကွင်းမှာဖြစ်နေတဲ့အပြင် နောက်ဆုံးထိပ်တိုက်တွေ့ဆုံမှုတွေမှာလည်း အဲဗာတန်ဘက်က အသာစီးရထားတာ မရှိပါဘူး။ လူစုံတက်စုံနီးပါး ပြန်ဖြစ်လာတဲ့ မန်စီးတီးပဲ နိုင်ပွဲရဦးမယ်လို့ ယူဆရပါတယ်။

Source : Skysports

Photos : telegraph

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ