Sports: ရော်နယ်လ်ဒိုနဲ့ ရီးရဲလ် ၂၀၂၁ ခုနှစ်အထိ စာချုပ်သက်တမ်းတိုး

ရော်နယ်လ်ဒိုဟာ မန်ချက်စတာယူနိုက်တက်မှ ပြောင်းရွှေ့လာခဲ့ပြီးနောက် လက်ရှိအချိန်ထိ ရီးရဲလ်အတွက် ၃၇၁ ဂိုး သွင်းယူထားပါတယ်။

play


ခရစ္စတီယာနို ရော်နယ်လ်ဒိုနဲ့ ရီးရဲလ်မက်ဒရစ်တို့ကြား ၅ နှစ်သက်တမ်းတိုး စာချုပ်သစ်ချုပ်ဆိုခဲ့ကြောင်း ကလပ်အသင်း တရားဝင်ဝက်ဘ်ဆိုက်မှာ ဖော်ပြပါတယ်။ ရော်နယ်လ်ဒိုရဲ့ သက်တမ်းတိုး စာချုပ်သစ်ချုပ်ဆိုမှု တရားဝင် အခမ်းအနားကို ယနေ့ (နိုဝင်ဘာ ၇ ရက်) မွန်းလွဲပိုင်းမှာ ဘာနေမျူးကွင်းမှာ ပြုလုပ်သွားမယ်လို့ ဆိုပါတယ်။

play


သက်တမ်းတိုး စာချုပ်သစ်ချုပ်ဆိုတဲ့ တရားဝင် အခမ်းအနားကို ရီးရဲလ်အသင်း ဥက္ကဋ္ဌ ဖလော်ရင်တီကို ပီရက်ဇ်နဲ့ ရော်နယ်လ်ဒိုတို့ တက်ရောက်မှာပါ။ ရော်နယ်လ်ဒိုရဲ့ လက်ရှိစာချုပ်ဟာ ၂၀၁၈ ခုနှစ် ဇွန်လမှာ ကုန်ဆုံးမှာဖြစ်ပြီး စာချုပ်သစ်သက်တမ်းကတော့ ၂၀၂၁ ခုနှစ် ဇွန်လ ၃၀ ရက်အထိ ဖြစ်ပါတယ်။

play
ရီးရဲလ်မက်ဒရစ်အသင်းဥက္ကဋ္ဌ ပီရက်ဇ်


ရော်နယ်လ်ဒိုဟာ ရီးရဲလ်နဲ့ စာချုပ်သက်တမ်းကုန်ဆုံးချိန်မှာ အသက် ၃၆ နှစ်အရွယ်ရှိနေမှာပါ။ သက်တမ်းတိုး စာချုပ်သစ်အရ ရော်နယ်လ်ဒိုရဲ့ လုပ်ခလစာမှာ တစ်ပတ်လျှင် ပေါင်စတာလင် ၃၆၅,၀၀၀ ဆက်လက် ရရှိမယ်လို့ သတင်းများက ဆိုပါတယ်။

ရော်နယ်လ်ဒိုဟာ မန်ချက်စတာယူနိုက်တက်မှ ပြောင်းရွှေ့လာခဲ့ပြီးနောက် လက်ရှိအချိန်ထိ ရီးရဲလ်အတွက် ၃၇၁ ဂိုး သွင်းယူထားပါတယ်။
Source & Photo: BBC, Managing Madrid

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ