EPL: အိုဇေးလ်ကို အာဆင်နယ် စာချုပ်သစ်ချုပ်ရန် နီးစပ်နေပြီး အာဆင်နယ်တွင် လစာအများဆုံး ဖြစ်ဖွယ်ရှိ

စာချုပ်သစ်ချုပ်ဖြစ်ခဲ့ရင် ဆန်းချက်ဇ်ထက်တောင် အိုဇေးလ်က လစာများသွားနိုင်ပါတယ်။

play

 

အာဆင်နယ်အသင်း အဓိက ကစားသမား အိုဇေးလ်ကို တစ်ပတ်လုပ်ခလစာ ပေါင်နှစ်သိန်းခန့် ပေးပြီး စာချုပ်ချုပ်ဖို့ နီးစပ်နေပြီလို့ သိရပါတယ်။ကလပ်အသင်းနဲ့ ကစားသမားအကြား နှစ်ဖက်ဆွေးနွေးစရာ ကိစ္စတွေ ရှိနေသေးပေမယ့် အာဆင်နယ်အသင်း တာဝန်ရှိသူတွေက စာချုပ်အတွက် အဆင်ပြေမယ်လို့ ယုံကြည်နေကြောင်း ဗြိတိန်သတင်းဌာနကတွေက ဖော်ပြပါတယ်။

play

 

လက်ရှိမှာ လုပ်ခလစာ ပေါင်တစ်သိန်းလေးသောင်း ရရှိနေတဲ့ အိုဇေးလ်ဟာ ကလပ်အသင်းနဲ့ ၁၈ လသာ စာချုပ်သက်တမ်း ကျန်တော့တဲ့အချိန်မှာ အသစ်ထပ်မံ  ချုပ်ဆိုဖို့ နှောင့်နှေးနေတာ ဖြစ်ပါတယ်။ လစာကိစ္စ ညှိနှိုင်းမှု အဆင်မပြေဖြစ်နေတဲ့အတွက် စာချုပ်ချုပ်ဖို့ ကြန့်ကြာနေတဲ့ ဖြစ်ပြီး တစ်ပတ် လုပ်ခပေါင်နှစ်သိန်းဟာ အိုဇေးလ်ဘက်က တောင်းဆိုတဲ့ လစာပမာဏဖြစ်ပါတယ်။

အိုဇေးလ်က တစ်ပတ်လုပ်ခ ပေါင်နှစ်သိန်းနဲ့ စာချုပ်ချုပ်ဆိုဖြစ်ခဲ့မယ်ဆိုရင် အသင်းမှာ လစာအများဆုံးရထားတဲ့ ဆန်းချက်ဇ်ထက် လစာပိုမို ရရှိသွားမှာဖြစ်ပါတယ်။ အာဆင်နယ်အသင်းက ဘယ်လာရင်ကို ခြောက်နှစ်စာချုပ်သစ် ချုပ်ဆိုပြီးနောက်ပိုင်း အိုဇေးလ်ကိုလည်း ကာလကြာရှည် စာချုပ်သစ်ချုပ်ဆိုဖို့ ကြိုးပမ်ေးနတာပါ။

မကြာသေးခင် ကာလတုန်းကလည်း အိုဇေးလ်က လန်ဒန်မှာ ပေါင်ဆယ်သန်းတန် အိမ်တစ်လုံး ဝယ်လိုက်ပြီဖြစ်ပြီး တောင်းဆိုတဲ့ လစာကိုသာ ရခဲ့မယ်ဆိုရင် စာချုပ်ဆက်ချုပ်ဖြစ်မယ်လို့ ဆိုပါတယ်။

Source : Mirror

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ