ရော်နယ်ဒိုရဲ့ ချစ်သူ ဂျော်ဂျီနာရိုဒရီဂွက်ဇ် ကိုယ်ဝန်ရှိနေပြီဆိုတဲ့ ကောလာဟလသတင်းတွေအပေါ် ရော်နယ်ဒိုမိခင်က ဒေါသတကြီး တုန့်ပြန်လိုက်ပါတယ်။

ရော်နယ်ဒိုက သူ့ရဲ့ချစ်သူနဲ့ နေအိမ်မှာ အနားယူနေတဲ့ ဓာတ်ပုံတစ်ပုံကို ပြီးခဲ့တဲ့ ရက်သတ္တပတ် အစောပိုင်းတုန်းက အင်စတာဂရမ်မှာ တင်ခဲ့တာဖြစ်ပါတယ်။ အင်စတာဂရမ်မှာ ရော်နယ်ဒို တင်ထားခဲ့တဲ့ ဓာတ်ပုံအရ ရော်နယ်ဒိုရဲ့ လက်ဟာ ဂျော်ဂျီနာရဲ့ဗိုက်ပေါ်မှာ ရှိနေခဲ့ပါတယ်။ နောက်ပြီးတော့ ဓာတ်ပုံအတွက် ဘာစာသားမှ မရေးဘဲ အသည်းပုံစတစ်ကာလေး တစ်ခုသာ ရော်နယ်ဒိုက ထည့်သွင်းခဲ့တာဖြစ်ပါတယ်။

play
အင်စတာဂရမ်မှာ တင်လိုက်တဲ့ ဓာတ်ပုံ

 

ဒီဓာတ်ပုံ လူမှုကွန်ယက်မှာ ပျံ့လာခဲ့ပြီးနောက် ပရိသတ်အချို့နဲ့ မီဒီယာအချို့က ဂျော်ဂျီနာရိုဒရီဂွက်ဇ် ကိုယ်ဝန်ရှိနေကြောင်း ခန့်မှန်းဖော်ပြခဲ့တာဖြစ်ပါတယ်။ ဒါပေမယ့် ရော်နယ်ဒိုရဲ့ မိခင်ဖြစ်သူ ဒိုလိုရက်စ်ကတော့ ပြင်းပြင်းထန်ထန် ငြင်းဆန်လိုက်ပြီး ရော်နယ်ဒိုမှာ ဒီလိုအစီအစဉ်မရှိသေးကြောင်း ပြောကြားလိုက်ပါတယ်။

play
မိခင်ဖြစ်သူနဲ့ တွေ့ရတဲ့ ရော်နယ်ဒို

 

“ ကျွန်မသိသလောက်တော့ ရော်နယ်ဒိုက နောက်တစ်ခါ ဖခင်ဖြစ်ဖို့ အစီအစဉ်မရှိဘူးထင်တာပဲ။ လုံးဝ အဓိပ္ပါယ်မရှိတဲ့ ကောလာဟလတွေပဲ။ ဗိုက်ပေါ်ကို လက်တင်ထားရုံပဲဆိုတာ ပုံမှာတွေ့နိုင်တာပဲ” လို့ ရော်နယ်ဒိုရဲ့မိခင်က ပြန်လည်တုန့်ပြန်ခဲ့တာဖြစ်ပါတယ်။ ရော်နယ်ဒိုက လက်ရှိမှာ ဂျူနီယာရော်နယ်ဒိုရဲ့ ဖခင်တစ်ဦးဖြစ်ပြီး ဂျူနီယာရော်နယ်ဒိုရဲ့ မိခင်ဘယ်သူဖြစ်သလဲ ဆိုတာကိုတော့ လျှို့ဝှက်ထားဆဲ ဖြစ်ပါတယ်။

play
ဂျော်ဂျီနာ၊ရော်နယ်ဒိုနဲ့ သားဖြစ်သူတို့ သုံးဦး

 

ဂျော်ဂျီနာရိုဒရီဂွက်ဇ်နဲ့ ရော်နယ်ဒိုတွေ့ဆုံတာ တစ်နှစ်လောက်ရှိသွားခဲ့တဲ့အချိန်မှာ အခုလို ကိုယ်ဝန်သတင်း ထွက်လာခဲ့တာပါ။ ရော်နယ်ဒိုက ရီးရဲလ်မက်ဒရစ်အသင်းနဲ့ လာမယ့်တစ်ပတ်ထဲမှာ ချန်ပီယံလိဂ် ဗိုလ်လုပွဲ ကစားရမှာဖြစ်ပါတယ်။

ှSource : Daily Mail

ဤအကြောင်းအရာကို သင်ဘယ်လိုထင်ပါသလဲ။
More From

International Sports

Video