Local: မြန်မာ့ရိုးရာလက်ဝှေ့ ကမ္ဘာ့ချန်ပီယံပြိုင်ပွဲကြီးအတွက် တွဲဆိုင်းအားလုံး ထွက်ပေါ်

အလဲထိုးနိုင်ခြင်းမရှိရင် ပူးတွဲချန်ပီယံ သတ်မှတ်မှာ ဖြစ်ပါတယ်။

play

 

ရန်ကုန်မြို့မှာ ကျင်းပမယ့် မြန်မာ့ရိုးလက်ဝှေ့ကမ္ဘာ့ချန်ပီယံလုပွဲအတွက် တွဲဆိုင်းတွေ ထွက်ပေါ်လာပြီ ဖြစ်ပါတယ်။ အဆိုပါ ကမ္ဘာ့ချန်ပီယံလုပွဲကြီးကို ရန်ကုန်မြို့ သုဝဏ္ဏ အမျိုးသားအားကစားပြိုင်ပွဲရုံ (၁) မှာ ကျင်းပဖို့  စီစဉ်ထားပြီ်း ထိုင်း၊ ကနေဒါ၊ ရုရှား၊ အီရန်၊ ကင်ညာ၊ ဂျပန်၊ ကာဇက်စတန် နဲ့ လာအိုနိုင်ငံတွေက  လက်ဝှေ့သမားတွေ လာရောက်ယှဉ်ပြိုင်မှာ ဖြစ်ပါတယ်။

တွဲဆိုင်းတွေဟာ ၈၀ ကီလိုတန်းမှာ မြန်မာပြည်ချန်ပီယံ ထွန်းထွန်းမင်းနဲ့ ထိုင်းလက်ဝှေ့သမားချူထိုင်း၊ ၇၅ ကီလိုတန်းမှာ  တူးတူးနဲ့ ကနေဒါလက်ဝှေ့သမား ဒေ့ဗ်လက်ဒပ်၊ ၇၂ ကီလိုတန်းမှာ စောဂေါ်မူဒိုနဲ့ ရုရှားလက်ဝှေ့သမား ရှပ်ရှာကော့ဗ်အာတမ်တို့ ယှဉ်ပြိုင်မှာ ဖြစ်ပါတယ်။

၆၇ ကီလိုတန်းမှာတော့  ဖျံသွေးနဲ့ အီရန်လက်ဝှေ့သမား မာဆွတ်၊ ၆၃ မှာ သားအသည်းတစ်ပွင့်နဲ့  ကင်ညာလက်ဝှေ့သမား လီယိုနာ့ဒ်၊ ၆၀ မှာ ထွန်းလွင်မိုးနဲ့ ဂျပန်လက်ဝှေ့သမား အုက၊ ၅၇ မှာ ရဲသွေးနီနှင့် ကာဇက်စတန် လက်ဝှေ့သမား အယ်လ်ဂိုရှော့ဗ်အာဇာမက်၊ ၅၄ မှာ စွမ်းထက်နိုင်နဲ့ လာအိုလက်ဝှေ့သမား ဆူပါဘောတို့ ယှဉ်ပြိုင်ကြမှာ ဖြစ်ပါတယ်။

 မြန်မာ့ရိုးရာ လက်ဝှေ့စနစ်အတိုင်း ငါးချီယှဉ်ပြိုင်ကာ အလဲထိုးနိုင်ခြင်းမရှိရင် ပူးတွဲချန်ပီယံ သတ်မှတ်မှာ ဖြစ်ပါတယ်။

Photos & Source: 7Day Daily, Aung Naing (Facebook)

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ