ကင်မရွန်းနွယ်ဖွား တိုက်ခိုက်ရေးသမား ဂါလာနီနဲ့ ထိုးသတ်မယ့် ပွဲမှာ မြန်မာပရိသတ်ကြီးရှေ့မှာ ယှဉ်ပြိုင်ရမှာ ဖြစ်တာကြောင့် ခက်ခဲပေမယ့်လည်း အားတက်စေမိတယ်လို့ အောင်လအန်ဆန်က ထုတ်ဖော်ပြောခဲ့ပါတယ်။

play

 

ကင်မရွန်းနွယ်ဖွား ဂါလာနီအနေနဲ့ အောင်လအန်ဆန်ထက် ၀ိတ်တန်းများသူဖြစ်တာကြောင့် ၀ိတ်တန်းမတူပဲထိုးသတ်မယ့် စိန်ခေါ်ပွဲလည်း ဖြစ်လာမှာ ဖြစ်ပါတယ်။

play

အောင်လအန်ဆန်အနေနဲ့ အဆိုပါ ပွဲကို သမိုင်းဝင်ပွဲတစ်ပွဲအဖြစ် သတ်မှတ်ကာ လက်ခံခဲ့တာကြောင့်ယခုလို စီစဉ်ဖြစ်တာ ဖြစ်တယ်လုိ့လည်း သိရပါတယ်။

 

"ကျွန်တော့်ဘ၀အတွက် သမိုင်းဝင်မယ့် ပွဲတစ်ပွဲ ဖြစ်လာမယ်လို့ မျှော်လင့်ပါတယ်။ဘ၀မှာ စိန်ခေါ်မှုတွေအများကြီးရှိနေတာဟာ ကျွန်တော်တို့ကို ပိုပြီးစွမ်းဆောင်နိုင်စေဖို့ တွန်းအားတွေ ဖြစ်စေနေတာပါ။ကျွန်တော် ပြောချင်တာကတော့ ဒီပွဲဟာ ခက်ခဲမယ့် ပွဲဆိုတာ သိပေမယ့်လည်း မြန်မာပရိသတ်ကြီးရှေ့မှာ ထိုးသတ်ရမှာ ဖြစ်တာကြောင့် တစ်ကယ့်ကို အားတက်စေပါတယ်။မြန်မာနိုင်ငံဂုဏ်ကို ဆောင်နိုင်ဖို့ အကောင်းဆုံး ကြိုးစားသွားမယ်လို့ ကတိပေးပါတယ်။" လို့ အောင်လအန်ဆန်က ၎င်းရဲ့ ကိုယ်ပိုင် လူမှု စာမျက်နှာကနေတဆင့်ရေးသား ဖော်ပြခဲ့ပါတယ်။

အောင်လအန်ဆန်နဲ့ ထိုးသတ်မယ့် ကင်မရွန်းနွယ်ဖွားဂါလာနီအနေနဲ့ နောက်ဆုံး ထိုးသတ်ခဲ့တဲ့ ပွဲမှာ ၁၁ စက္ကန့် ပွဲသိမ်းနိုင်ခဲ့ပြီး အမြန်ဆုံး စံချိန်ကို တင်ထားနိုင်သူလည်း ဖြစ်ပါတယ်။MMA ပြိုင်ပွဲမှာ ၇ ပွဲထိုးသတ်ထားသူလည်း ဖြစ်ကာ ဟဲဗီးဝိတ်တန်း ဖိုက်တာ တစ်ဦးလည်း ဖြစ်ပါတယ်။

လာမယ့် နိုဝင်ဘာလ ၃ ရက်နေ့မှာတော့ ရန်ကုန်မြို့မှာ အောင်လအန်ဆန်နဲ့ ထိုးသတ်သွားမှာ ဖြစ်ပါတယ်။

Postby
ဤအကြောင်းအရာကို သင်ဘယ်လိုထင်ပါသလဲ။
Video