Photo : Daily Mail

Photo : Forbes

နိုင်ငံရေးလောကထဲ ဝင်ရောက်ခဲ့ပြီး ဖိလစ်ပိုင်မှာ ဆီနိတ်တာအမတ်တစ်ယောက်အဖြစ် တာဝန်ယူခဲ့ပြီးနောက် ပက်ကွီအိုဟာ လက်ဝှေ့လောကကို ကျောခိုင်းခဲ့ပြီလို့ သတင်းများ ထွက်ပေါ်ခဲ့ဖူးပါတယ်။ ဒီသတင်းတွေကို ပက်ကွီအိုက ငြင်းဆန်ကပယ်ချခဲ့ပြီး သူ့အနေနဲ့ လက်ဝှေ့ကြိုးဝိုင်းအတွင်းမှာ ဆက်လက်ရှင်သန်နေဦးမှာဖြစ်တယ်လို့ ပြန်လည်တုံ့ပြန်ခဲ့ပါတယ်။

Photo : Daily Mail

ခြေအနုတ်အသိမ်း မြန်ဆန်မှု၊ လျှင်မြန်မှု နဲ့ ပြင်းထန်အားပါတဲ့ လက်သီးထိုးချက်တွေနဲ့ အောင်ပွဲရယူလေ့ရှိတဲ့ ပက်ကွီအိုဟာ ဒီနှစ်အတွင်းမှာ အာမီခန်းနဲ့ ထိုးသတ်ဖို့ ရည်ရွယ်နေပါတယ်။ လာမယ့် ဒီဇင်ဘာမှာ အသက် (၄၀) ပြည့်မြောက်တော့မယ် ပက်ကွီအိုအတွက် အာမီခန်းဟာ ငယ်ရွယ်နုပျိုတဲ့ ပြိုင်ဘက်တစ်ယောက်အဖြစ် ရှိနေခဲ့ပါတယ်။

Photo : Daily Mail

လက်ဝှေ့သမားဘဝတစ်လျှောက် (၆၉)ပွဲအထိ ထိုးသတ်ခဲ့ပြီးပြီဖြစ်တဲ့ ပက်ကွီအိုဟာ ပွဲပေါင်း (၆၀)အထိ နိုင်ပွဲရရှိခဲ့ပြီး (၇)ပွဲ ရှုံးနိမ့်ထားခဲ့ပါတယ်။ အာမီခန်းနဲ့ပွဲကို ဒီဇင်ဘာလအတွင်းမှာ ထိုးသတ်နိုင်ဖို့အတွက် ပက်ကွီအိုဘက်က အထူးမျှော်လင့်နေပြီး အာမီခန်းကို အနိုင်ရရှိခဲ့ပြီးပါက မေဝယ်လ်သာနဲ့ ဒုတိယအကြိမ်မြောက် ထိုးသတ်ဖို့ ရည်ရွယ်နေတာ ဖြစ်ပါတယ်။

Photo : Daily Mail

ပက်ကွီအို နဲ့ မေဝယ်သာတို့ဟာ ၂၀၁၅ ခုနှစ်၊ မေလ (၂)ရက်နေ့က အမေရိကန်နိုင်ငံ၊ လတ်စ်ဗီးဂက်စ်မှာ ထိုးသတ်ခဲ့ကြပြီး (၁၂)ချီအတွင်း အလဲမထိုးနိုင်ခဲ့ပဲ ဒိုင်လူကြီးများရဲ့ ဆုံးဖြတ်ချက်ကြောင့် မေဝယ်သာက အနိုင်ရရှိသွားခဲ့ပါတယ်။ အငြင်းပွားဖွယ်ရာ ဆုံးဖြတ်ချက်အဖြစ် လူပြောများခဲ့တဲ့ အဆိုပါပွဲစဉ်မှာ ပက်ကွီအိုဟာ မေဝယ်သာကို တောက်လျှောက်တိုက်စစ်ဆင်နိုင်ခဲ့ပေမယ့် မေဝယ်သာရဲ့ ပါးနပ်တဲ့ ထိုးသတ်မှုကြောင့် အရေးနိမ့်ခဲ့ရပါတယ်။

Photo : Daily Mail

လက်ရှိအချိန်မှာ ပရော်ဖက်ရှင်နယ်လက်ဝှေ့ကစားသမားဘဝကနေ အနားယူနေတဲ့ မေဝယ်သာဟာ ပွဲပေါင်း (၅၀)အထိ ထိုးသတ်ထားပြီး ပွဲ (၅၀)လုံးကို အနိုင်ရရှိကာ ရှုံးပွဲမရှိစံချိန် ရယူထားပါတယ်။ ဒါ့အပြင် မေဝယ်သာဟာ ဝိတ်တန်း (၅)ခုရဲ့ ပြိုင်ဘက်မရှိ ချန်ပီယံအဖြစ် ရပ်တည်နေတာ ဖြစ်ပါတယ်။