Photo - Tun Tun Min Facebook Page

၎င်းရဲ့ ပြိုင်ဖက်ကတော့ ထိုင်းနိုင်ငံမှ ထိပ်တန်း စာရင်းဝင် လက်ဝှေ့သမား ဆိုးယော့ဖြစ်ပြီး၊ ထွန်းထွန်းမင်း ဒဏ်ရာကြောင့် အနားယူပြီး ပထမ ဆုံး ပြန်ထိုးမယ့် နိုင်ငံတကာပွဲလည်း ဖြစ်လာမှာပါ။

Photo - Tun Tun Min Facebook Page

မေဝယ်လ်သာနဲ့ တစ်ကျော့ပြန် ထိုးသတ်ဖို့ ဆန္ဒရှိနေတဲ့ ပက်ကွီအို 

ဒဏ်ရာကို ကုသမပြီး ၄လအကြာမှာ ပွဲပြန်ထိုးပေမယ့်လည်း အရွတ်ဒဏ်ရာက အကင်းမသေလို့ ထိုင်းနိုင်ငံထိ သွားရောက် ခွဲစိတ်ကုသမှု ခံယူခဲ့ ရတယ်လို့လည်း သိထားရပါတယ်။

"ကျွန်တော်တို့ လက်ဝှေ့လောကက အခုဆိုရင် MMA အောက်ရောက်နေပြီ။ရန်ကုန်မှာဆို လူမရှိသလောက် ဖြစ်နေပြီ။နောက်ပြီး ကျွန်တော့်မှာ ပြိုင်ဖက်ကို ဘယ်လိုနိုင်အောင်ထိုးရမလဲဆိုတာ အမြဲတွေးတတ်တယ်။ဒါကြောင့် နောက်ဆုံးမှာ ကျွန်တော် လက်ဝှေ့လောကကနေ အနားယူ မယ်ဆိုရင်လည်းဒေ့ဗ်ကို အနိုင်ယူပြီးမှ အနားယူမယ်ဆိုပြီး အခုလို လက်ဝှေ့ပြန်ထိုးဖြစ်တာပါ။" လို့ ထွန်းထွန်းမင်းက ရှင်းလင်းပြောခဲ့ပါတယ်။

ယခုထိုးသတ်မယ့် ဆိုင်းယော့က ထိုင်းဖိုက် ပြိုင်ပွဲတွေမှာ တောာက်လျှောက်နာမည်ကြီးနေသူ ဖြစ်ကာ ထိုင်းနိုင်ငံမှာ ထိပ်ဆုံး (၁၀)ဦးစာရင်းဝင် သူဖြစ်တယ်လို့လည်းသိရပါတယ်။

" ကျွန်တော် ထွန်းထွန်းမင်းအတွက် ပွဲစီစဉ်ဖို့ လူလိုက်ရှာတော့ ထိုင်းမှာ သူ့(ဆိုင်းယော့)ကို သွားတွေ့ပါတယ်။နောက်ပြီးသူက မကြာသေးခင်က မှ တရုတ်ဖိုက်တာ ရိလုံကို ပထမအချီမှာပဲ အလဲထိုးအနိုင်ယူပြထားသူလည်း ဖြစ်ပါတယ်။ဒါကြောင့် သူ့ရဲ့ ဝိတ်တန်းကလည်း ထွန်းထွန်းမင်းနဲ့ တူညီတာကြောင့် သူ့ကို ရွေးချယ်ဖြစ်ခဲ့တာပါ။" လို့ ယခုရွှေခါးပတ်လုပွဲကို စီစဉ်သူ ကီးမား ဦးတင်ဝင်းက ဆိုပါတယ်။

ထွန်းထွန်းမင်းကတော့ ဒီပွဲက သူ့ဘ၀ အတွက် အဆုံး အဖြတ်ပွဲ ဖြစ်လာမယ်လို့ ဆိုခဲ့ပြီး၊ အကောင်းဆုံး ပြင်ဆင်ထားတယ်လို့လည်း ပရိသတ် တွေကို ဆိုခဲ့ပါတယ်။

လက်ဝှေ့လောကကနေ ၁ နှစ်ခွဲလောက်အနားယူပြီး ပြန်လည်ဝင်ရောက်လာတဲ့ ချန်ပီယံဟောင်းတစ်ယောက်ရဲ့ စိတ်ဓာတ်ခွန်အားက ဘယ် လောက်ထိ ရှိနေမလဲ၊ သက်လုံနဲ့ တိုက်ရည်ခိုက်ရည်တွေ ဘယ်လောက်ထိ ထက်မြက်နေမလဲ ဆိုတာကိုတော့ မနက်ဖြန် ဇူလိုင်လ ၂၂ ရက်နေ့ မှာ သိမ်ဖြူရုံမှာ အဖြေရှာတွေ့မှာပါ။