AD
AD
AD

Always-on ပါတဲ့ OLED နဲ့ LCD display နှစ်ခုကို စိတ်ကြိုက်ပြောင်းသုံးနိုင်တဲ့ TicWatch Pro ဟာ ဆန်းဆန်းပြားပြား စမတ်နာရီများထဲမှ ရှားရှားပါးပါး ထုတ်ကုန်တစ်ခုလို့ ဆိုရမှာပါ။

play
photo: engadget

 

Mobvoi ထုတ် TicWatch Pro ဟာ မေလကုန်ပိုင်းက ထွက်ထားတာ ဖြစ်ပြီး Display နှစ်ထပ်နဲ့ လာတာ ဖြစ်ပါတယ်။ WearOS စနစ်သုံး အန်းဒရိုက်နာရီတစ်လုံးဖြစ်ပြီး OLED screen ပေါ်မှာ သာမန်ဒစ်ဂျစ်တယ်နာရီတစ်လုံးမှာ တွေ့ မြင်နေကျ ထွင်းဖောက်မြင် LCD display တစ်ခု ထည့်ထားတာပါ။

OLED screen ဟာ WearOS interface ပြဖို့ သုံးထားတာ ဖြစ်ပြီး နာရီကို မသုံးချိန်မှာ LCD နဲ့ တွေ့ ရမှာ ဖြစ်ပါတယ်။ ဒီ LCD display ကတော့ နာရီကြည့်ဖို့ နဲ့ ကိုယ်လက်ကြံ့ခိုင်ရေးအချက်အလက်တွေ ပြသပေးနေမှာပါ။ display ပေါ်လိုက်ပြီး ဘက်ထရီသုံးစွဲမှု ကလည်း ကွာသွားမှာ ဖြစ်ပါတယ်။

 

ဘက်ထရီနည်းလာပြီဆိုတာနဲ့ LCD display နဲ့ fitness data တွေလိုမျိုး အရေးကြီးတဲ့ sensor တွေ သုံးဖို့ အတွက် Essential Mode ပါလာပါတယ်။ Essential Mode ချည်း သုံးမယ်ဆိုရင် ရက် ၃၀ အထိ အသုံးခံမှာပါ။

OLED display အတွက် သုံးတဲ့ Smart Mode ကတော့ WearOS UI ဖြစ်လို့ မက်ဆေ့ခ်ျပို့ တာ ၊ သီချင်းဖွင့်တာနဲ့ Google စမတ်နာရီတစ်လုံးမှာ ပါတဲ့ လုပ်ဆောင်ချက်အားလုံးကို သုံးနိုင်မှာ ဖြစ်ပါတယ်။ smat mode မှာတော့ ဘက်ထရီက ၂ ရက်ကနေ ၅ ရက်အထိပဲ အားခံမယ်လို့ ဆိုပါတယ်။fitness data တွေကိုတော့ ဒီ mode နှစ်မျိုးစလုံးမှာ သုံးနိုင်မှာပါ။

play
photo: Android Authority

 

TicWatch Pro ဟာ အဆင့်မြင့် စမတ်နာရီတစ်လုံးဖြစ်တဲ့ အတိုင်း IP68 rating ရေစို/ဖုန်တင်ဒဏ် ခံနိုင်သလို GPS နဲ့ NFC စနစ်များလည်း ပါဝင်ပါတယ်။ အနက်နဲ့ ငွေ နှစ်ရောင်နဲ့ ထွက်ထားတဲ့ ဒီနာရီကို Amazon မှာ ဒေါ်လာ ၂၅၀ (မြန်မာငွေ ၃ သိန်းခွဲကျော်) ဈေးနဲ့ ရောင်းချနေပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD