AD
AD
AD

အမြင့်စား လုပ်ဆောင်ချက်တွေနဲ့ သင့်တင့်တဲ့ ဈေးနှုန်းကြောင့် ထင်ရှားတဲ့ OnePlus 6 ဟာ luxury brand အဖြစ် ထွက်လာချိန်မှာတော့ မူရင်းဈေးထက် အနည်းဆုံး ၆ ဆကျော် ဈေးမြောက်သွားပါတယ်။

play
Photo: CNET

 

ပြင်သစ်brand တစ်ခု ဖြစ်တဲ့ Hadoro ကနေ custom ဒီဇိုင်းအဖြစ် ပြန်ထုတ်လိုက်တဲ့ ဗားရှင်းသစ်မှာတော့ ဈေးနှုန်းဟာ ၃၁၅၆ ဒေါ်လာဈေး ရှိလာပါတယ်။ လက်ရှိပေါက်ဈေး မြန်မာငွေနဲ့ ဆို အနည်းဆုံး ၄၈ သိန်းခွဲကျော်တန် ဖုန်းဖြစ်သွားတာပါ။

Hadoro ကတော့ သူ့ ရဲ့ ဗားရှင်းသစ်မှာ Aero Damascus ကာဗွန် သတ္ထုသားနဲ့ ထုတ်ထားတယ်လို့ ဆိုပါတယ်။ ကာဗွန်ဖိုက်ဘာ ၃၆ လွှာအုပ်ထားပြီး လေယာဉ်မှာသုံးတဲ့ အလူမီနီယံဖရိန်နဲ့ ကွပ်ထားတာပါ။ ဒီဇိုင်းမှာ မျက်စိကို အဆွဲဆောင်ဆုံးက ကျောဘက်က လှိုင်းကောက်ကြောင်းများနဲ့ အတူ logo ကလည်း LED panel နဲ့ နောက်ကနေ လင်းနေအောင် ထုတ်လာတာ ဖြစ်ပါတယ်။

ဒီဖုန်းဟာ OnePlus တွေထဲမှာ ပထမဆုံး မှန်ကိုယ်ထည်နဲ့ လာတဲ့ ဖုန်းပါ။ အစင်းခြစ်ခံနိုင်တဲ့ နီလာမှန်အုပ်ထားပြီး ရှေ့ display ကလည်း AMOLEd နဲ့ ထွက်လာတာ ဖြစ်ပါတယ်။ ဒီဖုန်းဟာ မျက်နှာပြင် ၆.၂၈ လက်မ 19:9 screen နဲ့ notch ဒီဇိုင်းကို ပထမဆုံး သုံးလာတဲ့ OnePlus ဖုန်းဆိုလည်း မမှားပါဘူး။

၂၀၁၈ ရဲ့ high-end ဖုန်းများအတိုင်း Snapdragon 845  SoC နဲ့ လာတာ ဖြစ်ပြီး storage ကို 256GB အထိ သုံးလာခဲ့ပါတယ်။ RAM ပမာဏကို အနိမ့်အတွက် 6GB နဲ့ အမြင့်မော်ဒယ် 8GB နှစ်မျိုး ထွက်ထားပါတယ်။ အားသွင်းစနစ်ပိုင်းမှာ USB Type C port ကနေ အားသွင်းနိုင်မယ့် 3300 mAh ဘက်ထရီ ပါရှိပါတယ်။

ကျောဘက်မှာ OIS ရုပ်ငြိမ်စနစ် ပါရှိတဲ့ 16MP+20MP ကင်မရာနှစ်လုံးတွဲဟာ ဓါတ်ပုံအရည်အသွေးကို လိုသလို ပြင်ပေးမယ့် Smart Capture နဲ့ HDR စနစ်သစ်တို့ သုံးထားပါတယ်။ ရှေ့ ဘက်မှာ 16MP ကင်မရာ ပါရှိပြီး face Unlock ဖုန်းလော့ခ်စနစ်ပါ သုံးနိုင်မှာပါ။

play
Photo: CNET

 

OnePlus 6 မော်ဒယ်တွေဟာ အနိမ့်ဆုံး ၇ သိန်းခွဲကျော်ကနေ ၈ သိန်းခွဲကျော်ဈေးတွေနဲ့ ထွက်ရှိထားတာပါ။ တကယ်လို့ Hadoro ဗားရှင်းကို ဝယ်ချင်တယ်ဆိုရင်တော့ ဒေါ်လာ ၃ ထောင်ကျော် (မြန်မာငွေ  ၄၈ သိန်း ၈ သောင်းခန့် ) အထိ ကျသင့်မှာ ဖြစ်ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD