AD
AD
AD

၂၀၁၈ ခုနှစ် သြဂုတ်လတွင် မက္ကဆီကိုနိုင်ငံ မက္ကဆီကိုစီးတီးတွင်ကျင်းပမည့် “FIRST Global Robotics Challenge” စက်ရုပ်ပြိုင်ပွဲတွင် မြန်မာနိုင်ငံကို ကိုယ်စားပြုပြီး ဝင်ရောက်ယှဉ်ပြိုင်နိုင်ရန် အရည်အချင်းပြည့်မှီသော လူငယ်များကို  ဖန်တီးရာမှ ရှာဖွေနေပြီဖြစ်သည်။ နိုင်ငံပေါင်းများစွာပါဝင်ပြီး နှစ်စဉ်ကျင်းပတဲ့ အဆိုပါပြိုင်ပွဲကို နိုင်ငံတစ်ကာမှ လူငယ်များ ရင်းနှီးစွာတွေ့ဆုံကာ အတူတကွယှဉ်ပြိုင်ရမည်ဖြစ်သည်။

 

ဖန်တီးရာသည် မြန်မာနိုင်ငံတိုးတက်ပြောင်းလဲမှုအတွက် အမြဲတန်းကူညီထောက်ပံ့ပေးနေသော အဖွဲ့အစည်းဖြစ်သည့်အားလျော်စွာ ယခုလည်း FIRST Global Robotics Challenge စက်ရုပ်ပြိုင်ပွဲတွင် မြန်မာနိုင်ငံကို ကိုယ်စားပြုမည့်အသင်းကို စေလွှတ်ရန် လူရွေးချယ်မှုစတင်နေပြီဖြစ်သည်။ အဆိုပါလူရွေးချယ်မှုတွင် မြန်မာနိုင်ငံမှ အသက် ၁၄ နှင့် ၁၈ ကြား mechanical design ပိုင်း၊ Electronics ပိုင်း နှင့်  Programming ပိုင်းတွင် အရည်အချင်းပြည့်မှီသော ကျောင်းသူကျောင်းသားများအား လူတွေ့ခေါ်ယူစစ်ဆေးပြီး ရွေးချယ်မည်ဖြစ်သည်။ ရွေးချယ်ခြင်းခံရသော ကျောင်းသူကျောင်သား ၅ ယောက်သည် မြန်မာနိုင်ငံကိုယ်စားပြုအသင်းအဖြစ် မက္ကစီကိုနိုင်ငံသို့ သွားရောက်ရမည်ဖြစ်သည်။

play

 

အဆိုပါပြိုင်ပွဲအား ကမ္ဘာပေါ်ရှိလူငယ်များ Science (သိပ္ပံ)၊ Technology (နည်းပညာ)၊ Engineering (အင်ဂျင်နီယာ) နဲ့ Mathematics (သချာင်္ အတတ်ပညာ) (STEM) တို့တွင် ပိုမိုစိတ်ဝင်စားလာစေရန် FIRST Global အဖွဲ့အစည်းမှ ၂၀၁၇ခုနှစ်မှ စတင်၍  နှစ်စဉ် ဦးဆောင်ကျင်းပခြင်းဖြစ်ပြီး ကမ္ဘာတစ်ဝန်းရှိ လူမှုရေးနောက်ခံ၊ ဘာသာစကား၊ ဓလေ့ထုံးတမ်းများနှင့် ဘာသာအယူဝါဒ မတူညီသော နိုင်ငံအသီးသီးမှ လူငယ်များအား ပေါင်းကူးတံတားတစ်ခုတည်ဆောက်ပေးပြီး အချင်းချင်း တွေ့ဆုံကာ တစ်ဦးနှင့်တစ်ဦး ပူးပေါင်းချိတ်ဆက် နိုင်စေရန် ရည်ရွယ်သည်။

 

 

ထိုပြိုင်ပွဲကို အိုလံပစ်ပြိုင်ပွဲကြီးကျင်းပသကဲ့သို့ နိုင်ငံတစ်နိုင်ငံမှ အသင်းတစ်သင်းသာ ဝင်ယောက်ယှဉ်ပြိုင်နိုင်မည်ဖြစ်ကာ စက်ရုပ်များကိုပြုလုပ်ပြီး သတ်မှတ်ထားသော စိန်ခေါ်မှုများကို ဖြေရှင်းပေးနိုင်ရမည်ဖြစ်သည်။ ၂၀၁၇ တွင် ထူးချွန်ထက်မြတ်သော လူငယ်ကျောင်းသားများပါဝင်သည့် အဖွဲ့တစ်ဖွဲ့ကို ဖန်တီးရာမှ ပထမဦးဆုံးအကြိမ်အဖြစ်  စေလွှတ်ခဲ့ရာ ပါဝင်ယှဉ်ပြိုင်သော နိုင်ငံပေါင်း ၁၅၇ နိုင်ငံရှိသည့်အနက် မြန်မာကိုယ်စားပြုအသင်းသည် တစ်ကမ္ဘာလုံးတွင် အဆင့် ၆ ရရှိခဲ့ကြောင်းသိရသည်။

 

ဖန်တီးရာ Makerspace Manager ဖြစ်သူ ကိုထူးဝေထက်က အောက်ပါအတိုင်း ပြောကြာသွားခဲ့ပါသည်။

 

“အခုဆိုရင် မြန်မာနိုင်ငံက ကျောင်းသူကျောင်းသား တော်တော်များများက မနှစ်ကဝင်ပြိုင်ခဲ့တဲ့ အသင်းကို အားကျအတုယူပြီး ဒီနှစ်မှလည်း ပါဝင်ယှဉ်ပြိုင်ချင်ကြပါတယ်။ ဒီပြိုင်ပွဲက အနိုင်ရရှိရေးအတွက် အဓိကထားပြီး ယှဉ်ပြိုင်တာထက် ပူးပေါင်းဆောင်ရွက်ပြီး စိန်ခေါ်မှုတွေကို ဖြေရှင်းရမှာဖြစ်ပါတယ်။ မတူညီတဲ့ နိုင်ငံတွေနဲ့ ဖွဲ့စည်းထားတဲ့ အသင်းတွေက အချင်းချင်းပူးပေါင်းဆက်သွယ်ကြပြီး ပိုမိုကောင်းမွန်အောင် ပြုလုပ်ကြတာဖြစ်ပြီး ဒီနှစ်ပြိုင်ပွဲမှာတော့ National Academies of Engineering ကနေ ကမ္ဘာပေါ်မှာရှိတဲ့ သိပ္ပံနဲ့ အင်ဂျင်နီယာပညာရှင်များ ရင်ဆိုင်နေရတဲ့ အဓိက အခက်အခဲ ၁၄ ခုထဲက တစ်ခုအဖြစ် သတ်မှတ်ထားတဲ့ “Energy Impact” ဆိုတဲ့ အကြောင်းအရာ ခေါင်းစဉ်အောက်ကနေ ပါဝင်ယှဉ်ပြိုင်ရမှာပဲ ဖြစ်ပါတယ်”

play

 

ပြိုင်ပွဲမစတင်မှီ သုံးလအလိုဖြစ်သော မေလ ၁ရက်နေ့တွင် (နိုင်ငံဒေသပေါ်မူတည်ပြီး ကွဲပြားနိုင်ပါသည်) ပါဝင်ယှဉ်ပြိုင်သည့်နိုင်ငံများသည် စက်ရုပ်တည်ဆောက်ရန် ထပ်တူကျသော စက်ပစ္စည်းများပါဝင်သည့်  Robot Kitကို ရရှိကြမည်ဖြစ်သည်။ ဖန်တီးရာမှလည်း မြန်မာကိုယ်စားပြုအသင်းအတွက် လူရွေးချယ်ခြင်း၊ ပြိုင်ပွဲတွင်ပါဝင်နိုင်ရန်လိုအပ်သော အထောက်အပံ့များပေးအပ်ခြင်း၊ လိုအပ်သော နည်းပေးလမ်းညွှန်မှုများ တို့အပြင် ရွေးချယ်ခြင်းခံရသော အဖွဲ့သည် စက်ရုပ်တည်ဆောက်ချိန်ကာလတစ်လျှောက် ပုံစံထုတ်ခြင်း၊ တည်ဆောက်တပ်ဆင်ခြင်းတို့ကို ဖန်တီးရာတွင် လုပ်ဆောင်နိုင်မည် ဖြစ်ကြောင်း သိရသည်။

 

ပြိုင်ပွဲတွင် ပါဝင်ယှဉ်ပြိုင်ရန် စိတ်ပါဝင်စားကြသော ကျောင်းသူကျောင်းသားများသည် ကိုယ်တိုင်ရေးထားသော စာစီစာကုံးနှင့်အတူ မိမိတို့၏အတွေ့အကြုံများနှင့်ပတ်သက်သော အကြောင်းအရာများကို www.bit.ly/FGCregister တွင် မတ်လ ၃၁ ရက် မတိုင်မှီ  ဝင်ရောက်ဖြည့်စွက်ပြီး စာရင်းပေးသွင်းရန်လိုအပ်ပါသည်။ ပဏာမရွေးချယ်ခြင်းခံရသူများကို ဧပြီလတွင် လူတွေ့စစ်ဆေးမည်ဖြစ်ပြီး ဝင်ရောက်ယှဉ်ပြိုင်ခွင့်ရရှိသူ ၅ ဦးကို ရွေးချယ်မည်ဖြစ်ကြောင်း သိရသည်။

ဤအကြောင်းအရာကို သင်ဘယ်လိုထင်ပါသလဲ။
AD

AD