The Times ရဲ့ ဖော်ပြချက်အရ ပရီးမီးယားလိဂ် နဲ့ ဖေ့ဘွတ်ခ်တို့ကြားမှာ ပထမဆုံးအကြိမ် သဘောတူညီချက် ရရှိခဲ့တာ ဖြစ်တယ်လို့ သိရပါတယ်။ (၃)နှစ်သက်တမ်း ပြသခွင့်အတွက် ဖေ့ဘွတ်ခ်ဟာ ပေါင်သန်း (၂၀၀) အသုံးပြုခဲ့ရတယ်လို့လည်း The Times က ဖော်ပြသွားခဲပါတယ်။

Photo : beinSports

အင်္ဂလန်နိုင်ငံမှာ ရုပ်သံထုတ်လွှင့်ခွင့်ကို ကြီးစိုးထားတာကတော့ Sky Sports နဲ့ BT တို့ ဖြစ်ပြီး နာမည်ကျော် Amazon ကလည်း ပရီးမီးယားလိဂ်ပွဲစဉ်အချို့ကို ပြသဖို့အတွက် ဝယ်ယူနိုင်ခဲ့တယ်လို့လည်း သိရပါတယ်။

Photo : amazon

အွန်လိုင်းရောင်းဝယ်ရေးဝန်ဆောင်မှုတစ်ခုဖြစ်တဲ့ Amazon က ပရီးမီးယားလိဂ်ပွဲစဉ်ပေါင်း (၂၀)ကို ပြသဖို့ ဝယ်ယူခဲ့တာလည်း ဖြစ်ပါတယ်။ ဒါပေမယ့်လည်း အင်္ဂလန်နိုင်ငံက Amazon အဖွဲ့ဝင်တွေအနေနဲ့ အဆိုပါပွဲစဉ်များအတွက် အပိုငွေကြေး တစ်စုံတစ်ရာ ကုန်ကျမှုရှိမှာ မဟုတ်ဘူးလို့လည်း သိရပါတယ်။

Photo : Sky Sports

ပရီးမီးယားလိဂ်အမှုဆောင်ချုပ် ရစ်ချက်စကူဒါမိုးကတော့ နည်းပညာပိုမိုကျယ်ပြန့်တဲ့ ကုမ္ပဏီကြီးတွေနဲ့ စာချုပ်ချုပ်ဆိုဖို့ ရည်ရွယ်နေပြီး အကျိုးအမြတ်အများအပြား ရရှိမယ်လို့ ယုံကြည်နေကြောင်းလည်း 90 min က ဖော်ပြခဲ့ပါတယ်။ Netflix နဲ့ YouTube တို့လို ကုမ္ပဏီတွေက ပရီးမီးယားလိဂ်ပွဲစဉ်တွေကို ပြသလာစေဖို့အတွက် စကူဒါမိုးက ပစ်မှတ်ထားနေတယ်လို့လည်း သိရပါတယ်။

Photo : Engadget

ဖေ့ဘွတ်ခ်ဟာ ပရီးမီးယားလိဂ်ပွဲစဉ်တွေကို ပြသဖို့အတွက် စတင်ခြေလှမ်းလှမ်းခဲ့တာဖြစ်ပြီး ပွဲစဉ် (၃၈၀)လုံးကို ပြသသွားမှာ ဖြစ်ပါတယ်။ ဖေ့ဘွတ်ခ်ဟာ ပြီးခဲ့တဲ့နှစ်ကလည်း အိန္ဒိယရဲ့ ခရစ်ကတ်လိဂ်ပြိုင်ပွဲတွေကို ထုတ်လွှင့်ဖို့အတွက် ပေါင်သန်း (၄၅၀) နဲ့ ကမ်းလှမ်းဖို့ ကြိုးစား ခဲ့ပေမယ့်လည်း မအောင်မြင်ခဲ့ဘူးလို့ သိရပါတယ်။