AI အကူအညီနဲ့လည်း contents များ စောင့်ကြည့်နေပါတယ်

သတင်းတုတိုက်ဖျက်ရေး ၊ အမုန်းစကား တားမြစ်ရေးများအတွက် Facebook ဟာ မြန်မာစကား ကျွမ်းကျင်သူ ၆၀ ကျော် အသုံးပြုထားတယ်လို့သတင်းထုတ်ပြန်ထားပါတယ်။



74C3FFBD-02C8-4589-936D-A2E9E49E34AA_cx4_cy0_cw95_w1023_r1_s.jpg

Photo: VOA News

 

ပြီးခဲ့တဲ့ ဇွန်လအထိ Facebook ရဲ့ content review အဖွဲ့မှာ ပြည်တွင်းမှ ဘာသာစကား ကျွမ်းကျင်သူ ၆၀ ကျော် ခန့်အပ်ထားတာ ဖြစ်ပြီး ယခုနှစ်ကုန်ပိုင်းမှာတော့ Facebook ရဲ့ review team မှာ ဘာသာစကား ကျွမ်းကျင်သူ အနည်းဆုံး ၁၀၀ ကျော် ရှိလာမယ်လို့ဆိုပါတယ်။

Facebook ဟာ ကုမ္ပဏီရဲ့ မူဝါဒကို ချိုးဖောက်နေတဲ့ လူမှုကွန်ရက်သုံးစွဲသူများနဲ့ပို့စ်များကို စိစစ်ဖို့အတွက် မြန်မာနိုင်ငံမှ အရပ်ဖက် လူ့အဖွဲ့အစည်းများ နဲ့လက်တွဲ လုပ်ဆောင်နေသလို ဒစ်ဂျစ်တယ်အသိပညာပေးအစီအစဉ်များ ဖွဲ့စည်းထားတယ်လို့ဆိုပါတယ်။။ ဒါ့အပြင် Facebook အင်ဂျင်နီယာများရဲ့ အကူအညီနဲ့AI tools များ တည်ဆောက်ပြီး အမုန်းစကားနဲ့သတင်းတု ဖြန့်ဖြူးမှုများကို စောင့်ကြည့်နေတယ်လို့ထုတ်ပြန်ထားပါတယ်။

၂၀၁၈ ဒုတိယသုံးလပတ်မှာFacebook ဟာ ပြည်တွင်းမှ ဖယ်ရှားခဲ့တဲ့ အမုန်းစကားပါ ပို့စ်တွေရဲ့ ၅၂% လောက်ကို AI နည်းပညာအကူအညီနဲ့ကြိုတင်ထောက်လှမ်း သိရှိခဲ့တယ်လို့ဆိုပါတယ်။ ဒါဟာ ၂၀၁၇ နောက်ဆုံး ၃ လပတ်မှာ နည်းပညာနဲ့လူအကူအညီ ရယူပြီး သိရှိခဲ့တာထက် ၁၃% ပိုတက်လာတာလည်း ဖြစ်ပါတယ်။

Facebook ဟာ ခြိမ်းခြောက်မှု ဖြစ်နိုင်တဲ့ အကောင့်နဲ့ပို့စ်များကို ကြိုတင် စိစစ်ထားပြီး  ပြည်တွင်း အရပ်ဖက် လူ့အဖွဲ့အစည်းများထံ အသိပေးထားတယ်လို့လည်း ဆိုပါတယ်။ Facebook မှ ပိတ်ထားတဲ့စာရင်းမှာ မြန်မာနိုင်ငံမှ ဆရာတော် ဦးဝီရသူ ၊ ဦးသုစိတ္တ ၊ ဦးပါမောက္ခ ၊ အမျိုး ဘာသာ သာသနာစောင့်ရှောက်ရေးအဖွဲ့(မ.ဘ.သ) နဲ့ဗုဒ္ဓဓမ္မပရဟိတဖောင်ဒေးရှင်းတို့လည်း ပါဝင်နေပါတယ်။

ကုမ္ပဏီအနေနဲ့စံနှုန်းနဲ့မညီတဲ့ အကြောင်းအရာတွေ တားဆီးဖို့တင်မဟုတ်တာကြောင့် နောက်ထပ် reviewers တွေ ထပ်ဖြည့်တာနဲ့တင် မလုံလောက်သေးဘူးလို့လည်း ပြောပါတယ်။ Facebook ဟာ မြန်မာနိုင်ငံအတွင်း လူမှုကွန်ရက်သုံးစွဲသူများအကြား သတင်းတုနဲ့အမုန်းစကား ပြန့်ပွားခြင်းကို ထိထိရောက်ရောက် ကာကွယ်ပေးဖို့နှောင့်နှေးကြန့်ကြာမှုများ ရှိခဲ့တယ်လို့လည်း ဝန်ခံထားပါတယ်။

Photo: Life Wire

 

Facebook ကို ပုံမှန်သုံးစွဲသူ ၁၈ သန်းကျော် ရှိထားတဲ့ မြန်မာနိုင်ငံအတွက် Facebook ရဲ့ ကြိုးပမ်းမှုသစ်ထဲမှာ Unicode သုံးစွဲမှုအားပေးတဲ့အနေနဲ့ သုံးစွဲသူသစ်များအတွက် Zawgyi ဖောင့်ကို ဖယ်ရှားခဲ့ပြီး အရင် Facebook သုံးသူများအတွက်တော့ foint converter များကို အဆင့်မြှင့်တင်နေတယ်လို့လည်း သိရပါတယ်။


ဆက်စပ်အကြောင်းအရာများ

Share

Loading Next Article...
က္က