AD
AD
AD
play

 

Vivo ကတော့ စမတ်ဖုန်း နယ်ပယ်ထဲမှာ အဆင့်အတန်းသစ်တစ်ခုကို သတ်မှတ်နိုင်ခဲ့တဲ့ NEX Flagship ဖုန်းအသစ်တွေကို မနေ့က တရုတ်နိုင်ငံမှာ မိတ်ဆက်လိုက်ပါပြီ။ Notch မပါတဲ့ Design ကြောင့် Display တစ်ခုလုံးကို အပြည့်အဝခံစားရမှာပါ။ အဲ့ဒီလို ကြီးမားလှတဲ့ Display ကိုတော့ Vivo က Ultra FullView Display လို့ နာမည်ပေးထားပါတယ်။ ဖုန်းအရှေ့မျက်နှာပြင်ရဲ့  ၉၁.၂၄ ရာခိုင်နှုန်းကို Display ကနေရာယူထားတာကြောင့် လက်ထဲမှာ Display တစ်ချပ်ကို ကိုင်ထားရသလိုခံစားစေမှာပါ။

စမတ်ဖုန်း Design သမိုင်းတစ်လျှောက်မှာလည်း NEX ဖုန်းတွေက Vivo ရဲ့ ဖန်တီးနိုင်မှုစွမ်းရည်ကို ဖော်ပြပေးနိုင်တဲ့ ဖုန်းတွေဖြစ်လာပါတယ်။ Premium Flagship စမတ်ဖုန်းဖြစ်တာနဲ့အညီ Design နဲ့ Performance ပိုင်းတွေအပြင် ဆန်းသစ်တဲ့နည်းပညာတွေနဲ့အတူ စမတ်ဖုန်းလောကရဲ့ နောက်တစ်ခေတ်ဆီ သင့်ကိုခေါ်ဆောင်ပေးသွားနိုင်ပါတယ်။

အခုလို သေသပ်လှပတဲ့ Display Design ကိုရရှိနိုင်စေဖို့အတွက် Selfie Camera ၊ Earpiece နဲ့ Sensor ပိုင်း မှာ နည်းပညာအသစ်တွေနဲ့ အစားထိုးလာပါတယ်။ Selfie Camera ကို အပေါက်ဖက်မှာ ထွက်လာစေမယ့် နည်းပညာအသစ်ကိုအသုံးပြုထားတာဖြစ်ပြီး Earpiece ကိုတော့ Display ကိုတုန်ခါစေတဲ့ နည်းပညာနဲ့အစားထိုးလိုက်ပါတယ်။ SoundCasting လို့နာမည်ပေးထားပြီး Vivo ရဲ့ဖန်တီးမှုတွေထဲက တစ်ခုလည်း ဖြစ်ပါတယ်။ NEX ကို လှပတဲ့မှန်တစ်ချပ်လိုပြေပြစ်နေစေတာကတော့ Vivo ရဲ့ 3rd Generation In-Display Fingerprint နည်းပညာကြောင့်ပါ။ NEX မှာထည့်ပေးထားတဲ့ In-Display Fingerprint Scanner ကလည်း တိကျမှုနဲ့ မြန်ဆန်မှုအပိုင်းမှာလည်း အရင်ကထက် ပိုတိုးတက်လာပါတယ်။

“လက်ရှိစမတ်ဖုန်းနယ်ပယ်ထဲက ထပ်နေတဲ့ Design နဲ့ Bezel-less Device တွေရဲ့ အဆုံးသတ်ကို NEX ဖုန်းတွေက ယူဆောင်လာခဲ့ပါပြီ။ စမတ်ဖုန်းလောကရဲ့အနာဂတ်ကိုပုံဖော်ပေးနိုင်မယ့် ဖောက်ထွက်လာတဲ့နည်းပညာအသစ်တွေကို ဖန်တီးဖို့အတွက် ကျွန်တော်တို့ အချိန်တွေအများကြီးယူခဲ့ရပါတယ်။” လို့ Vivo ရဲ့ Senior Vice President ဖြစ်သူ Alex Feng ကပြောကြားသွားခဲ့ပါတယ်။

Vivo NEX မှာတော့ Qualcomm Snapdragon 845 Processor ၊ 8GB RAM ၊ 4,000mAh Battery ၊ 256GB Storage ပါဝင်ပါတယ်။   6.59-inch 1080p+ Ultra FullView Display ကိုတော့ OLED အသုံးပြုပေးထားပါတယ်။ 12MP f/1.8 Lens နဲ့ 5MP f/2.4 Lens နှစ်လုံးတွဲပေးထားတဲ့ Dual Camra ကို ကျော်ဖက်မှာတွေ့ရပါတယ်။ အသုံးပြုဖို့လိုအပ်မယ့်အချိန်မှာ ဖုန်းရဲ့အပေါ်က ထွက်လာမယ့် Selfie Camera ကတော့ 8MP f/2.0 ရှိပါတယ်။ မြန်မာနိုင်ငံကိုရောက်လာမလားဆိုတာကိုတော့ မသိရသေးပေမယ့် တော်တော်လေး စိတ်ဝင်စားစရာကောင်းတဲ့ ဖုန်းတစ်လုံးဖြစ်နေတော့ အားလုံးလည်း စိတ်ဝင်စားကြမယ်လို့ထင်ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD