တက်တူးထိုးပြီးနောက်မှာ နီရဲရောင်ရမ်းတာနဲ့ အနာဖြစ်နိုင်ပါတယ်။
 

မျက်ခုံးကို တက်တူးထိုးခြင်းဟာ မျက်ခုံးပါးသူတွေနဲ့ မျက်ခံုံးမလှသူတွေအဖို့ရာ တစ်ကြိမ်တည်းနဲ့ ပြီးပြည့်စံုံမယ့်အလှကို ဖန်တီးပေးနိုင်ပါတယ်။ ဒါပေမဲ့ သူများက မျက်ခုံးတက်တူးထိုးလို့ လှတိုင်းလည်း ကိုယ်ကလှဖို့ဆိုတာတော့ မလွယ်ပါဘူး။ အဲဒီအတွက် ဘာတွေကြိုတင်ပြင်ဆင်သင့်သလဲ?

၁။ စိတ်ကိုကြိုပြင်ဆင်ထားပါ

ပထမဆုံးအကြိမ် တက်တူးထိုးရတာဖြစ်တဲ့အပြင် မကြိုက်လို့ ပြန်ဖျက်ရတာမျိုးလည်းမဟုတ်တော့ စိတ်ကို သေသေချာချာလေး ဆုံးဖြတ်ထားဖို့လိုပါတယ်။ ဘယ်လိုပုံစံဖြစ်လာဖြစ်လာ လက်ခံနိုင်ဖို့လည်း ပြင်ထားပါ။

feather-touch-eyebrow-tattoo.jpg 

၂။ ရုပ်ပိုင်းဆိုင်ရာခံစားချက်

တက်တူးထိုးနေတုန်းမှာ အနည်းငယ် နာကျင်ရပါတယ်။ ဒါပေမဲ့ ဆိုးဆိုးရွားရွားကြီးမဟုတ်ဘဲ ခံံနိုင်ရည်ရှိလောက်တဲ့အနေအထားမို့ ကြောက်လန့်ပြီး မရုန်းမိပါစေနဲ့။ တက်တူးထိုးပြီးနောက်မှာ နီရဲရောင်ရမ်းတာနဲ့ အနာဖြစ်နိုင်ပါတယ်။ နောက်ရက်မှာ တက်တူးနေရာတွေက အနာတွေလိုဖြစ်ပြီး အနာဖေးတွေကွာမှ တက်တူးအစစ်အမှန် ပေါ်လာမှာပါ။

beauty-trends-blogs-daily-beauty-reporter-2015-07-22-saran-wrap.jpg 

၃။ စိတ်ညစ်တာ မစောပါနဲ့

သဘာဝကျကျနေလာရင်းကနေ ပုံစံအတိအကျ ဖော်ထားလိုက်ပြီးပြီဖြစ်တဲ့ မျက်ခုံးတွေကို အစပိုင်းမှာ စိတ်ပျက်မိတာမျိုး ကြုံရပါလိမ့်မယ်။ ဆန္ဒမစောပါနဲ့။ တစ်ပတ်လောက်နေရင် တက်တူးအရောင်က မှန်သွားပြီး သဘာဝကျကျ လှနေတော့မှာပါ။

beauty-trends-blogs-daily-beauty-reporter-2015-07-22-new-shape.jpg 

၄။ ငွေကြေးပိုင်း

ကိုယ်က ကောင်းကောင်းမွန်မွန်လိုချင်ရင် တန်ရာတန်ကြေးအလိုက် ကောင်းတဲ့ဆိုင်ကို သေသေချာချာရွေးပါ။ ဈေးသက်သာတိုင်း ရလဒ်က ကောင်းချင်မှကောင်းမှာမို့ သေသေချာချာစုံစမ်းဖို့လိုပါတယ်။ ပြီးသွားရင်လည်း နှမျောမနေပါနဲ့။ မျက်ခုံးဆွဲခဲတံမလိုအပ်တော့တာမို့ အဲဒီအစား တစ်ကြိမ်တည်းနဲ့ အဆင်ပြေသွားတာကို ရွေးလိုက်တာလို့တွေးပါ။

Source : Allure

Share

Loading Next Article...
က္က