ဖယောင်းသုံးပြီးအမွှေးဖယ်ရှားခြင်းနည်းလမ်း (waxing) က နည်းနည်းနာကျင်ပေမယ့် အမွှေးတွေကိုပြန်မပေါက်အောင် တားထားနိုင်တဲ့ကြာချိန်ကတော့ ဂျုတ်သုံးတာထက် ပိုကြာပါတယ်။ အမွှေးပေါက်နှုန်းနဲ့ အရေပြား အခြေအနေပေါ်မူတည်ပြီး (၃) ပတ် ကနေ (၆) ပတ်အတွင်း အမွှေးပြန်မပေါက်နိုင်ပါဘူး။ ကောင်းတာတစ်ခုကတော့ ဖယောင်းသုံးပြီးအမွှေးဖယ်ရှားခြင်းက အရေပြားအောက်မှာကျန်နေခဲ့တဲ့ အမွှေးကောက်လေးတွေကိုရော၊ အရေပြားပေါ်ကဆဲလ်သေတွေကိုပါ ဖယ်ရှားပေးနိုင်တဲ့အတွက် အမွှေးကင်းစင်ရုံသာမက အရေပြားလဲလိုက်သလိုလည်း ဖြစ်သွားစေပါတယ်။ နောက်ပြီး ဖယောင်းသုံးခြင်းက အမွှေးတွေကိုပါးသွားစေတဲ့အတွက် အချိန်ကြာလာလေလေ၊ ခန္ဓာကိုယ်ပေါ်မှာအမွှေးတွေနည်းသွားလေလေ ဖြစ်လာမှာပါ။ ရန်ကုန်မြို့မှာဆိုရင် Reveal တို့၊ Yangon Sanctuary Spa တို့လို spa တွေမှာ waxing လုပ်လို့ရပါတယ်။

လေဆာသုံးပြီးအမွှေးဖယ်ရှားခြင်း (I2PL method) က ခန္ဓာကိုယ်ပေါ်ကအမွှေးတွေကို လုံးဝဖယ်ရှားပေးနိုင်တဲ့ နည်းလမ်းတစ်ခုဖြစ်သလို ပြန်ပေါက်လာမယ့်အမွှေးထွက်နှုန်းကိုလည်း လျှော့ချပေးနိုင်ပါတယ်။ ကုသနည်းကထိရောက်ပေမယ့် ကုသမှုခံယူဖို့ အချိန်နဲ့ငွေတော့ ရင်းရပါလိမ့်မယ်။ အနည်းဆုံး (၆) ကြိမ်လောက်ကုသမှုခံယူရပြီးရင် ပျမ်းမျှ (၂) နှစ်အတွင်းတော့ အမွှေးပြန်မပေါက်တတ်ပါဘူး။ မြန်မာနိုင်ငံမှာ လေဆာနဲ့အမွှေးဖယ်ရှားချင်ရင်တော့ Reveal Clinic မှာ သွားရောက်ဆွေးနွေးနိုင်ပါတယ်။ 

Source: Wikihow