၁။ အမွှေးဖယ်ရှားတဲ့နည်းလမ်းတွေကြောင့်

အမျိုးသမီးတွေ အမွှေးဖယ်ရှားဖို့အတွက် အသုံးအများဆုံးနည်းလမ်းတွေကတော့ ဂျုတ်သုံးပြီးရိတ်တာနဲ့ အမွှေးကျွတ်ဆေးခရင်မ်တွေ သုံးတာပါပဲ။ ဘာလို့လဲဆိုတော့ အဲဒီနည်းလမ်းတွေက လွယ်ကူတဲ့ နာကျင်မှု မရှိဘူးလေ။ အမှန်တကယ်တော့ အဲဒီနည်းလမ်း (၂) မျိုးလုံးက ချိုင်းကြားတွေကိုမဲစေနိုင်ပါတယ်။ ဂျုတ်သုံးပြီးအမွှေးရိတ်ခြင်းဟာ ဖယောင်းသုံးပြီး အမွှေးဖယ်ရှားခြင်းလို အရေပြားဆဲလ်သေတွေနဲ့ မွှေးညှင်းပေါက်ပေါ်က အညစ်အကြေးတွေကို ဖယ်ရှားပေးနိုင်ခြင်းမရှိပါဘူး။ အမွှေးကျွတ်ဆေးတွေ သုံးတာကျတော့ ဓာတုပစ္စည်းပါဝင်မှုတွေကြောင့် ချိုင်းကြားကို ညိုမဲစေပါတယ်။

၂။ ကျပ်ထုပ်နေတဲ့အင်္ကျ ီတွေကြောင့်

ကျပ်ထုပ်နေတဲ့အင်္ကျ ီတွေဟာ ခန္ဓာကိုယ်အပေါ်ပိုင်းက အလှတရားတွေကိုဖော်ပြပေးနိုင်ပေမယ့် ချိုင်းကြားတွေအတွက်တော့ သိပ်မကောင်းပါဘူး။ ချွေးထွက်တဲ့အချိန်မှာ အင်္ကျ ီတွေက ကျပ်ထုပ်နေရင် ပွတ်တိုက်မိပြီး ချိုင်းကြားညိုမဲစေနိုင်ပါတယ်။ အင်္ကျ ီကျပ်ကျပ်တွေကြောင့်ဖြစ်တဲ့ စိုထိုင်းမှုတွေရယ်၊ အချိန်ပြည့်ပွတ်တိုက်နေမှုတွေရယ် ပေါင်းစပ်လိုက်တဲ့အချိန်မှာ ချိုင်းကြားတွေကို ညိုမဲစေပါတယ်။ ဒါတွေကို ရှောင်ရှားဖို့ ပေါ့ပေါ့ပါးပါး အဝတ်အစားတွေကိုပဲ တတ်နိုင်သမျှရွေးချယ်သင့်ပါတယ်။

၃။ ဆဲလ်သေတွေစုပုံလာလို့

၄။ ပိုးဝင်လို့

မှိုရောဂါဖြစ်နိုင်သလို ဘက်တီးရီးယားပိုးမွှားတွေကူးစက်တာလည်း ဖြစ်နိုင်ပါတယ်။ ပွေးပေါက်တာလိုမျိုး မှိုရောဂါတွေဟာ ချိုင်းအောက်မှာလည်း ဖြစ်နိုင်ပါတယ်။ ချွေးထွက်လွန်ခြင်းဟာ အဏုဇီဝပိုးမွှားလေးတွေ များပြားလာစေပြီး ပွေးရောဂါဆီ ဦးတည်နိုင်ပါတယ်။ အဲဒီကမှ ချိုင်းကြားမဲခြင်းကို ဦးတည်နိုင်ပါတယ်။

၅။ ဟော်မုန်းအပြောင်းအလဲဖြစ်လို့

ကိုယ်ဝန်ဆောင်ချိန်နဲ့ အပျိုဖော်ဝင်ချိန်လို ဟော်မုန်းပြောင်းလဲတဲ့အချိန်တွေမှာ ခန္ဓာကိုယ်ရဲ့တချို့အစိတ်အပိုင်းတွေမှာ အရောင်ပြောင်းလဲတတ်တာကို တွေ့ရှိရပါတယ်။ အထူးသဖြင့် ချိုင်းကြားထဲမှာပေါ့။ အဲဒီဖြစ်စဉ်ကို melasma လို့ခေါ်ပြီး အရောင်ခြယ်ဆဲလ်တွေ မညီမျှခြင်းကြောင့် ဖြစ်ပွားရပါတယ်။ အဲဒီလိုဟော်မုန်းတွေ မညီမျှခြင်းကြောင့် ချိုင်းကြားအရေပြားညိုမဲမှု တွေလည်း ဖြစ်ပေါ်ရပါတယ်။

Source: stylecraze