နုပျိုခြင်းဆိုတာ လူတိုင်းမက်မောတဲ့အရာပါပဲနော်။ အသက်လေး ၃၀ ကျော်လာပြီဆို မျက်နှာမှာ အရေးအကြောင်းတွေ ပေါ်လာလို့ စိတ်ညစ်ရတာနဲ့၊ အသားအရေခြောက်သွေ့လာတာနဲ့ စလာပြီ။ ကမ္ဘာကျော်ဆယ်လီအမျိုးသမီးတွေထဲမှာ အသက် ၃၀ ကျော် ၊ ၄၀ ဝန်းကျင်ရောက်တာတောင် နုပျိုနေသူတွေလည်း ရှိတာပေါ့။ သူတို့ရဲ့ အသားအရေနုပျိုစေမယ့် လျှို့ဝှက်ချက်တွေကိုရော မသိချင်ဘူးလား။
၁။ ကိတ်မစ်ဒယ်လ်တန်
ဗြိတိန်တော်ဝင်မင်းသား ဝီလျံရဲ့ ကြင်ယာတော် ကိတ်မစ်ဒယ်လ်တန်ဟာ တည်ငြိမ်တဲ့အလှပိုင်ရှင်ဖြစ်ပါတယ်။ ကလေးနှစ်ဦးရသည့်တိုင်အောင် သူမရဲ့အသားအရေ၊ အသွင်အပြင်က ပေါ့ပါးနုပျိုနေဆဲပါ။ သူမရဲ့ နုပျိုခြင်းလျှို့ဝှက်ချက်ကတော့ ရေနွေးဝတ်လေးနဲ့ မျက်နှာကို exfoliate လုပ်ပေးတာ ဖြစ်ပါတယ်။
၂။ ဆယ်လ်မာ ဟေးယဲ့ (Salma Hayek)
သူမရဲ့မျက်နှာလေး ကြည်လင်နေရတာကတော့ DIY မျက်နှာကြေးချွတ်ပေါင်းတင်ဆေးကြောင့်လို့ဆိုတယ်။ အိမ်တွင်းမှာ ကိုယ်တိုင်လုပ် သဘာဝပေါင်းတင်နည်းလေးတွေကိုသုံးလေ့ရှိသူပါ။ ပြီးတော့ နေရောင်ကာလူးဆေးကိုလည်း အမြဲလူးပါတယ်။
၃။ ဗစ်တိုးရီးယားဘက်ခမ်း
ဗစ်တိုးရီးယားရဲ့ ပင်ကိုယ်အသားအရေက ပြဿနာပေါင်းစုံရှိတဲ့ အသားအရေမျိုးပါ။ လော့စ်အန်ဂျလိစ်အခြေစိုက် အရေပြားနဲ့အလှအပရေးရာဆရာဝန် ဒေါက်တာ ဟာရိုး လန်ဆာနဲ့ သွားရောက်ပြသတဲ့အခါ ဟာရိုးက သူမကို ဆယ်လ်မွန်ငါး နေ့တိုင်းစားဖို့ တိုက်တွန်းခဲ့ပါတယ်။ အကျိုးရလဒ်ကတော့ ဗစ်တိုးရီးယားရဲ့ အသားအရေ ကောင်းမွန်လာပြီး အစက်အပျောက်မရှိ၊ တင်းရင်းလာတာပါပဲ။