မိန်းမသားတွေအတွက်တော့ ဆံပင်ဆိုတာ အလွန်အရေးကြီးတဲ့ အစိတ်အပိုင်းတစ်မျိုးပဲဖြစ်ပါတယ်။ ဒါကြောင့်လည်း ဆံပင်ပုံစံအသစ်ပြောင်းတော့မယ်ဆိုရင် မိန်းကလေးတွေ အရမ်းစဉ်းစားကြပြီး ဆံသဆရာ/ဆရာမကိုလည်း အထူးရွေးချယ်ကြတာ ဖြစ်ပါတယ်။
နဖူးပေါ်မှာချထားတဲ့ဆံမြိတ် (bangs) စတိုင်လ်ဟာ နောက်ပိုင်းမှာအရမ်းခေတ်စားလာပါတယ်။ ဒါပေမယ့် သတိတော့ထားရမှာပါ။ ဆံမြိတ်ချတဲ့စတိုင်လ် (bangs) ဟာ ရွေးချယ်တာမှန်ရင် မျက်နှာလေးနဲ့ အလွန်လိုက်ဖက်ညီပြီး ကြည့်ကောင်းပေမယ့် မျက်နှာနဲ့လိုက်ဖက်မညီတဲ့ပုံစံကို ရွေးချယ်မိရင်တော့ အလွန်ကြည့်ရဆိုးပြီး နောက်ပိုင်းမှာ ပြန်နောင်တရ ရပါလိမ့်မယ်။ ဒီတော့ မိမိမျက်နှာအချိုးအစားကိုမူတည်ပြီး ထားရမယ့် ဆံပင်ပုံလေးတွေကို ဖော်ပြပေးလိုက်ပါတယ်။
၁။ မျက်နှာရှည်တဲ့သူတွေအတွက်
သင့်မျက်နှာဟာ ထောင့်မှန်စတုဂံပုံသဏ္ဍာန်ဆန်ပြီး မေးရိုးနားမှာမှ ပြေပြစ်သွားတယ်ဆိုရင် ဒါဟာမျက်နှာရှည်တယ်ဆိုတာကို ဖော်ပြနေတာပါပဲ။ ဒီလိုမျက်နှာပိုင်ရှင်တွေကတော့ poker straight လို့ခေါ်တဲ့ လှပတဲ့ဆံမြိတ်စတိုင်လ်မျိုးနဲ့ အထူးလိုက်ဖက်ပါတယ်။ (ပုံပါအတိုင်း) မျက်နှာက သိသာထင်ရှားတဲ့ပုံစံရှိတဲ့အတွက် ဒီလိုရေပြင်ညီပုံစံ ဆံပင်စတိုင်လ်က မျက်နှာကို အထောက်အကူပေးမှာပါ။
၂။ မျက်နှာဝိုင်းတဲ့သူတွေအတွက်
ဖော်ပြပါပုံထဲက ချစ်စရာမင်းသမီးလေး Emma Stone လို မျက်နှာဝိုင်းဝိုင်းလေးကို ပိုင်ဆိုင်ထားသူတွေကတော့ လှိုင်းတွန့်လေးတွေနဲ့ အတိုအရှည်မညီတဲ့ဆံမြိတ်စတိုင်လ်မျိုးကို ရွေးချယ်သင့်ပါတယ်။ ဒီလိုအနုပညာဆန်စွာ ဖရိုဖရဲဖြစ်ခြင်းက လှပတဲ့အသွင်သဏ္ဍာန်ကို ဖန်ဆင်းပေးနိုင်မှာပါ။ နောက်ပြီး မျက်နှာကို နက်ရှိုင်းစွာ ဘောင်ခတ်ပေးထားနိုင်မှာပါ။ အရမ်းခေါက်ချိုးညီနေမှာစိုးရင် ဆံပင်ကို ဘေးတစောင်းခွဲထားလိုက်လို့လည်းရပါတယ်။
၃။ ဘဲဥပုံမျက်နှာပိုင်ရှင်တွေအတွက်
ဘဲဥပုံမျက်နှာကို ပိုင်ဆိုင်ထားသူတွေအတွက်ကတော့ သတင်းကောင်းပါပဲ။ သူတို့ကတော့ ဘယ်လိုဆံမြိတ် (bangs) ပုံုစံမျိုးနဲ့မဆို လိုက်ဖက်ညီပါတယ်။ ဒါပေမယ့် အလိုက်ဖက်ဆုံးကတော့ pin-straight, breezy နဲ့ light bangs ပုံစံတွေပါပဲ။
၄။ စတုရန်းပုံစံမျက်နှာပိုင်ရှင်တွေအတွက်
မေးရိုးကျယ်ပြီး ကားတဲ့သူတွေကတော့ စတုရန်းပုံစံမျက်နှာပိုင်ရှင်တွေဖြစ်ပါတယ်။ (Rihanna လိုမျိုးပေါ့။) အဲဒီလိုမျက်နှာပိုင်ရှင် တွေအတွက်ကတော့ ပေါ့ပါးပြီး ကောင်းမွန်လှပတဲ့ဆံမြိတ်လေးတွေနဲ့ မျက်နှာကိုဘောင်ခတ်ဖို့ပါပဲ။ နဖူးကိုအရမ်းကြီးဖုံးမထားဘဲ ခပ်ကျဲကျဲချထားတဲ့ပုံစံက မျက်နှာကိုပေါ်လွင်စေပါတယ်။
၅။ အသည်းပုံမျက်နှာပိုင်ရှင်တွေအတွက်
Cheryl Cole လိုမျိုး အသည်းနှလုံးပုံမျက်နှာပိုင်ရှင်တစ်ယောက်ဖြစ်နေပါသလား။ နဖူးကိုပေါ်လွင်စေဖို့ light bangs စတိုင်လ်ကိုသာ ရွေးချယ်လိုက်ပါ။ သင့်မှာ ပါးရိုးမြင့်မြင့်နဲ့ ရှေ့ကိုနည်းနည်း စူးထွက်နေတဲ့ မေးရိုးတို့ရှိတာကြောင့် ဒီဆံပင်ပုံလေးက မျက်နှာကို ပေါ်လွင်စေမှာပါ။
Sourse: stylecraze
Share