အစားစားလို့ ပိုလှမယ်ဆိုရင် စားကြမှာပဲမဟုတ်လား။ အသားအရေလေးကို လှပသွားစေမယ့် အစားအစာတွေလို့ ပြောလိုက်ရင် ဟင်းသီးဟင်းရွက်တွေပဲ မြင်ယောင်မိကြတယ်။ တခြား အစားအစာတွေလည်း ရှိပါသေးတယ်။
၁။ လက်ဖက် (green tea)
လက်ဖက်ရွက် အပါအဝင် လက်ဖက်ပင်ကရတဲ့ အဆီအနှစ်တွေက အသားအရေကို ဝင်းလက်စေပါတယ်။ အရေပြားပေါ်က ဘက်တီးရီးယားတွေကိုလည်း ရှင်းလင်းပေးနိုင်လို့ ဝက်ခြံတွေကိုလည်း မြန်မြန်သက်သာစေတယ်လေ။ ဝက်ခြံတွေပေါက်နေရင် လက်ဖက်စိမ်းပါတဲ့ပစ္စည်းတွေကို အသုံးပြုပါနော်။
၂။ ပင်လယ်ရေညှိ
ရေညှိက စားလို့ကောင်းပါတယ်။ အာရလည်းရှိပြီး ကျန်းမာရေးကို အထောက်အကူပြုပါတယ်။ အထူးသဖြင့်တော့ အသားအရေကို အထောက်အကူပြုတဲ့ ဗီတာမင်နဲ့ သတ္ထုဓာတ်တွေ ပါဝင်နေပါတယ်။ ဝက်ခြံပေါက်လို့ နီရဲရောင်ရငမ်းတာတွေကို သက်သာစေတယ်။ အသားအရေအတွင်းပိုင်း အဆိပ်အတောက်တွေကို ရှင်းလင်းပေးတယ်။ ဒါ့အပြင် xefoliate လုပ်တဲ့အခါ ဆဲလ်သေတွေကို ဖယ်ရှားပေးနိုင်လို့ အသားဖြူလာစေပါတယ်။
၃။ အယ်လ်မွန် (almond)
Essential fatty acid တွေ အများကြီး ပါဝင်တဲ့ အယ်လ်မွန်စေ့ဟာ အဆီထွက်စေတဲ့ဂလင်းတွေကို ထိန်းချုပ်ပေးနိုင်စွမ်းရှိပါတယ်။ အဆီပြန်ပြီး ဝက်ခြံထွက်တတ်သူတွေအတွက်တော့ အယ်လ်မွန်က အားဆေးတစ်လက်ပါပဲနော်။ ဗီတာမင် E လည်း ပါဝင်တာကြောင့် နေလောင်ဒဏ်ကြောင့် ညိုမည်းနေတဲ့ အသားအရေကို ပြန်လည်ဖြူဝင်းလာစေပါတယ်။
Source : Beautiful