၁။ ဝက်ခြံကို လက်နဲ့သွားမညှစ်နဲ့

မျက်နှာပေါ်က ဝက်ခြံက ကြီးမားနီရဲပြီး အလှဖျက်နေတယ်ဆိုရင် အဲဒီအချိန်မှာ သင်အလုပ်ချင်ဆုံးက အဲဒီဝက်ခြံကို အမြန်ဆုံး နေရာက ပျောက်ကွယ်သွားစေချင်တာပဲ ဖြစ်ပါလိမ့်မယ်။ အဲဒီအချိန်မှာ လက်ကလည်း ဝက်ခြံရှိရာကို ရောက်သွားပြီး ညှစ်မိတတ်ပါတယ်။ အဲဒီလိုညှစ်ပါများရင်လည်း လူကအကျင့်ပါပြီး ဝက်ခြံပေါက်တိုင်း ညှစ်ချင်နေမိတတ်ပါတယ်။

ဒါပေမယ့် ဝက်ခြံညှစ်ခြင်းဖြင့် အရေပြားပေါ်မှာ အနာတရဖြစ်အောင်ဖန်တီးမယ်ဆိုရင် ရောဂါပိုးကူးစက်နိုင်ခြေရှိနိုင်ပြီး အမာရွတ်တွေဘာတွေလည်း ရလာနိုင်ပါတယ်။ ဒါကြောင့် ဝက်ခြံပေါက်လာပြီဆိုရင် သနပ်ခါးလေးတစ်စက်လောက် တို့ထားတာတို့၊ ဝက်ခြံပျောက်ဆေးတို့ထားတာ တို့လောက်ပဲ လုပ်သင့်ပါတယ်။

၂။ နေလောင်ခံခရင်မ်မလိမ်းဘဲ အိမ်အပြင်မထွက်ပါနဲ့

နေလောင်ခံခရင်မ် မလိမ်းဘဲ အသားအရေကို နေရောင်ခြည်နဲ့ ထိတွေ့ခြင်းဟာ အရေပြားကင်ဆာဖြစ်နိုင်ခြေကို မြင့်တက်စေပြီး အရေပြားကိုလည်း ရှိရင်းစွဲထက် ပိုမိုအိုမင်းစေပါတယ်။

၃။ နေပူထဲသွားရမယ်ဆိုရင် အရေပြားပေါ်မှာ သံပုရာရည်မလိမ်းထားမိစေနဲ့

၄။ မှင်ဖြူနဲ့ တက်တူးမထိုးနဲ့

တက်တူးတွေဆိုတာ လေဆာကုသမှုနဲ့သာပြန်မဖျက်ရင် အရေပြားပေါ်မှာ ထာဝရရှိနေမယ်ဆိုတာကို ကျွန်တော်တို့အားလုံး သိထားကြပြီးသားပါ။ ဒါပေမယ့် မှင်ဖြူနဲ့တက်တူးထိုးထားရင်တော့ ပြန်ဖျက်လို့ မရပါဘူး။ တစ်ခါတလေမှာဆိုရင် လေဆာနဲ့ ပြန်ဖျက်လိုက်တဲ့အခါကျမှ မှင်ဖြူကနေ မှင်မဲပြောင်းသွားတာမျိုးတောင်ရှိပါတယ်။ ပြန်ဖျက်ရခက်တဲ့ တခြားအရောင်တွေထဲမှာ အဝါရောင်နဲ့ အစိမ်းရောင်လည်း ပါဝင်ပါတယ်။ တက်တူးမဖြစ်မနေထိုးချင်တယ်ဆိုရင်လည်း (ပြန်ဖျက်မယ်စိတ်ကူးထားရင်) မှင်မဲနဲ့ စိမ်းပြာရောင်ကိုပဲ ရွေးချယ်သင့်ပါတယ်။

၅။ မျက်နှာအရေပြားကို အားအားနေ မကလိပါနဲ့

ဒါမျိုးတွေ လုုပ်ဖူးကြမှာပါ။ လုပ်စရာမရှိ၊ ပျင်းရိနေချိန်မှာ မှန်တင်ခုံရှေ့မှာထိုင်ပြီး မိမိမျက်နှာအရေပြားကို လက်နဲ့ထိုင်ပွတ်လိုက်၊ ဖုလေးတွေကို လက်နဲ့သွားဆွလိုက်၊ မှဲ့ခြောက်တွေကိုင်ကြည့်လိုက် လုပ်မိတတ်ပါတယ်။ ဒါပေမယ့် ဒါဟာ လုံးဝမလုပ်သင့်ပါဘူး။ ဝက်ခြံတွေ၊ မှဲ့ခြောက်တွေ၊ အကောင်ကိုက်တာတွေကြောင့်ဖြစ်တဲ့ ဖုတွေကို လက်နဲ့တောက်လျှောက်ကလိနေတာက အရေပြား ပိုးဝင်စေရုံသာမက အမာရွတ်ထင်ခြင်းနဲ့ အရေပြားရောင်ခြယ်ဆဲလ် ထာဝရပြောင်းလဲခြင်းတို့ကိုပါ ဖြစ်စေပါတယ်။ ဒါကြောင့် မျက်နှာကို အားအားနေ ကလိနေတတ်တာဟာ အကျင့်ကောင်းတစ်ခုတော့ မဟုတ်ပါဘူး။

Source: Reader's Digest