ဒါဟာ စိတ်ဖိစီးမှုများပြားခြင်း၊ ရေနဲ့ လေထုညစ်ညမ်းခြင်းတို့ကြောင့် ဖြစ်လာရတာဖြစ်ပါတယ်။ ဆံပင်ဖြူပေါက်ပြီဆိုရင် ဆံပင်ဆိုးဆေးပြန်ဆိုးရတာက အလုပ်တစ်ခုပါ။ ဒါပေမယ့် ဒါဟာ ယာယီဖြေရှင်းနည်းသာဖြစ်ပါတယ်။ ဆံပင်ဖြူ ပြန်ထွက်လာတိုင်း ဆေးပြန်ဆိုးနေရတာ အလုပ်လည်းရှုပ်ပါတယ်။ အောက်မှာဖော်ပြထားတာကတော့ ဆံပင်ဖြူကို ကူညီဖယ်ရှားပေးနိုင်တဲ့ အိမ်သုံးဆေးမြီးတိုလေးတွေပဲ ဖြစ်ပါတယ်။

၁။ အုန်းဆီ

အုန်းဆီကို ပျဉ်းတော်သိမ်ရွက်နဲ့ရောပြီး လိမ်းပေးတာက ဆံပင်ဖြူခြင်းကို တားဆီးပေးနိုင်တဲ့ အကောင်းဆုံးနည်းလမ်းတစ်မျိုးပါပဲ။ အုန်းဆီ (၁/၈) ခွက်ရယ်၊ ပျဉ်းတော်သိမ်ရွက် (၁/၄) ခွက်ရယ်ကိုယူပြီး ရောစပ်ပေးလိုက်ပါ။ ပြီးရင် ဒယ်အိုးပြားတစ်လုံးကိုယူပြီး အပူပေးလိုက်ပါ။ ခဏလောက်အပူပေးပြီးရင်တော့ မီးသတ်ဖို့ ခဏလောက် အအေးခံပေးလိုက်ပါ။ ရလာတဲ့ဆီကို ဆံသားပေါ်မှာလိမ်းပေးပြီး မိနစ် (၂၀) လောက်ထားပေးပါ။ ပြီးမှ ခေါင်းပြန်လျှော်ပေးလိုက်ပါ။

၂။ ဆီးဖြူသီး

၃။ မုန်လာဥစေ့ဆီ နဲ့ နှမ်းဆီ

မုန်လာဥစေ့ဆီ နဲ့ နှမ်းဆီရောထားတာကလည်း အကောင်းဆုံးအိမ်သုံး ဆေးမြီးတိုတစ်မျိုးပါပဲ။ အရင်ဆုံး နှမ်းဆီ (၄) ဇွန်းလောက်ကို ပုလင်းတစ်လုံးထဲထည့်ပါ။ ပုလင်းက အမဲရောင်ဖန်ပုလင်းတော့ ဖြစ်ပါစေ။ ပြီးရင် မုန်လာဥစေ့ဆီ ဇွန်းဝက်လောက်ကိုလည်း ထည့်ရောပါ။ ပြီးရင် နည်းနည်း လှုပ်ခါပေးလိုက်ပါ။ ရလာတဲ့ဆီကို ဦးရေပြားပေါ်မှာလိမ်းပြီး မိနစ် (၂၀) လောက် ထားပေးလိုက်ပါ။ ပြီးရင်တော့ ခေါင်းလျှော်ရည်နဲ့ ပေါင်းဆေးတို့နဲ့ရောပြီး ပြန်လျှော်ပေးလိုက်ပါ။

၄။ လက်ဖက်ရည်ကြမ်း

ကျွန်တော်တို့မြန်မာလူမျိုးတွေ သောက်နေကျ လက်ဖက်ရည်ကြမ်း (black tea) ဟာလည်း ဆံသားကို နက်မှောင်တောက်ပပြီး ပျော့ပျောင်းနူးညံ့စေပါတယ်။ အရင်ဆုံး ရေနွေးတစ်အိုးတည်လိုက်ပါ။ ပြီးရင် လက်ဖက်ခြောက်နဲ့ ဆားနည်းနည်းထည့်ပြီး လက်ဖက်ရည်ကြမ်းဖြစ်အောင် တည်လိုက်ပါ။ ပြီးရင် မီးပိတ်ပြီး ခနအအေးခံထားလိုက်ပါ။ ပြီးတာနဲ့ လက်ဖက်ရည်ကြမ်းနဲ့ ခေါင်းလျှော်ပြီး မိနစ် (၂၀) လောက် ထားပေးလိုက်ပါ။ ပြီးရင်တော့ ရိုးရိုးရေနဲ့လည်း ပြန်ဆေးပေးလိုက်ပါ။ ပုံမှန်သုံးပေးမယ်ဆိုရင် ကောင်းမွန်တဲ့ရလဒ်တွေကို ဆောင်ကြဉ်းပေးနိုင်ပါတယ်။

Source: youngisthan