AD
AD
AD

ဟင်းခတ်အမွှေးအကြိုင် တစ်မျိုးဖြစ်တဲ့ နနွင်းမှုန့်ဟာ ဟင်းချက်ရာမှာ အရသာတမူထူးကဲစေရုံတင် မကပါဘူး။ ကျန်းမာရေး အကျိုးကျေးဇူးတွေလည်း အများကြီးရှိပါတယ်။ ဒါ့အပြင် အလှအပရေးရာအတွက်လည်း နနွင်းမှုန့်က အများကြီး အသုံးဝင်ပါတယ်။ နနွင်းမှုန့်ရဲ့ လူသိနည်းသေးတဲ့ အလှအပရေးရာ အသုံးတွေကတော့...

၁။ အသားအရေကို တောက်ပစေတယ်

play
 

အသားအရေကို သဘာဝအတိုင်း ဝင်းလက်တောက်ပစေချင်တယ် ဆိုရင်တော့ နနွင်းမှုန့်ကို စမ်းသုံးကြည့်ပါ။ ဒီရှေးဟောင်း ဟင်းခတ်အမွှေးအကြိုင်လေးဟာ ဟိန္ဒူဘာသာဝင်တွေရဲ့ ပွဲလမ်းသဘင်တွေမှာ အထွတ်အမြတ်ထားခံရပါတယ်။ ဟိန္ဒူ မင်္ဂလာဆောင်တွေမှာဆိုရင် သတို့သားနဲ့ သတို့သမီးကို နနွင်းမှုန့်လိမ်းပေးတတ်ကြပါတယ်။

နနွင်းမှုန့်လိမ်းလိုက်ရင် အသားအရေ ဝင်းလက်သွားပြီး မကြာခင်မှာ လက်ထပ်တော့မယ့် ဇနီးမောင်နှံအတွက် မင်္ဂလာရှိစေဖို့အတွက် လိမ်းတယ်လို့ ယူဆကြပါတယ်။ နနွင်းမှုန့်ထဲမှာ ပါဝင်တဲ့ curcumin ဆိုတဲ့ဓာတ်ဟာ အသားအရေကို ဝင်းဝါစေသလို အရေပြား အခြေအနေကိုလည်း ထိန်းညှိပေးပါတယ်။

၂။ မျက်ကွင်းညိုခြင်းကို ပျောက်ကင်းစေတယ်

play
 

အိပ်ရေးပျက်တာများပြီး မျက်ကွင်းတွေညိုလာတဲ့အခါ မိတ်ကပ်ဘယ်လောက်လိမ်းလိမ်း ကြည့်ရတော်တော်ဆိုးပါတယ်။ မျက်ကွင်းညိုခြင်းကို ပျောက်ကင်းစေတယ်လို့ပြောတဲ့ အလှကုန်ပစ္စည်းတွေ ဘယ်လောက်ပဲရှိတယ်ပြောပြော... ကိုယ့်အသားအရေနဲ့ တည့်ဦးမှလေ။ မဟုတ်ရင် အခြေအနေပိုဆိုး သွားနိုင်တာကိုး။ နနွင်းမှုန့်ကတော့ ဘာဘေးထွက်ဆိုးကျိုးမှ မရှိဘဲ မျက်ကွင်းညိုခြင်းကို သက်သာပျောက်ကင်းစေနိုင်ပါတယ်။

နနွင်းမှုန့်ဟာ အရေပြားရောင်ရမ်းခြင်းကို တားဆီးပေးပြီး အသားအရေကိုလည်း ဝင်းလက်စေတဲ့ အရာတစ်မျိုး ဖြစ်တဲ့အတွက် ဒီလိုပြဿနာမျိုးကို ဖြေရှင်းဖို့အတွက်တော့ အကောင်းဆုံးနည်းလမ်းပါပဲ။ နနွင်းမှုန့်ဟာ သွေးလည်ပတ်မှုကိုလည်း ပိုမိုကောင်းမွန် စေတဲ့အတွက် သွေးအားနည်းမှုကြောင့် ဖြစ်တတ်တဲ့ မျက်ကွင်းညိုခြင်းနဲ့ အရေပြားရောင်ရမ်းခြင်းတွေကိုလည်း တိုက်ဖျက်ပေး နိုင်ပါတယ်။

 

၃။ သွားတွေကို ဖြူဖွေးစေတယ်

အဝါရောင်တောက်တောက် အဆင်းရှိတဲ့ နနွင်းမှုန့်လို ဟင်းခတ်အမွှေးအကြိုင်မျိုးက သွားတိုက်ဆေးသဘောမျိုးလည်း လုပ်ဆောင်နိုင်တာကိုသိရင် အံ့သြသွားမလား။ တကယ်တော့ နနွင်းမှုန့်မှာ သွားတွေကို သဘာဝအတိုင်း ဖြူဖွေးစေတဲ့ အစွမ်းရှိပြီး သွားကိုက်သွားနာခြင်းကိုလည်း သက်သာစေပါတယ်။ နနွင်းမှုန့်ကိုသုံးပြီး ဖလောင်ရွိုက်မပါတဲ့ သဘာဝသွားတိုက်ဆေး တစ်မျိုးကို ဖန်တီးလို့ ရပါတယ်။ နနွင်းမှုန့် (၄) ဇွန်း၊ မုန့်ဖုတ်ဆိုဒါ (၂) ဇွန်း၊ အုန်းဆီ ဇွန်းဝက်တို့ကို ရောပေးလိုက်ရုံပါပဲ။

၎။ ဝက်ခြံပျောက်စေတယ်

play
 

နနွင်းမှုန့်ဟာ ဝက်ခြံအတွက်လည်း ကောင်းပါတယ်။ ဘာလို့လဲဆိုတော့ နနွင်းမှုန့်ဟာ ဘက်တီးရီးယားတွေ ပျံ့နှံ့ခြင်းကို တားဆီးပေးနိုင်တဲ့အပြင် ရောင်ရမ်းခြင်းကိုလည်း ကာကွယ်ပေးနိုင်လို့ပါပဲ။ နနွင်းမှုန့်ကို ပန်းသီးရှာလကာရည် နည်းနည်းနဲ့ရောပြီး ရလာတဲ့အနှစ်ကို လိမ်းပေးလိုက်ရုံနဲ့ အာနိသင်ကောင်းမွန်တဲ့ သဘာဝ ဝက်ခြံပျောက်ဆေးလေးကို ရရှိမှာပါ။

၅။ အမာရွတ်ပျောက်စေတယ်

ဝက်ခြံပေါက်ပြီးရင် ဖြေရှင်းရတတ်တဲ့ နောက်ဆက်တွဲပြဿနာတစ်ခုကတော့ အမာရွတ်တွေပါပဲ။ ဝက်ခြံကို လက်နဲ့ညှစ်မိလို့ပဲဖြစ်ဖြစ်၊ လက်သည်းနဲ့ ကုတ်မိလို့ပဲဖြစ်ဖြစ် မျက်နှာပေါ်မှာ ရုပ်ဆိုးတဲ့ အမာရွတ်ကြီးတွေ ကျန်ခဲ့တတ်ပါတယ်။ ဝက်ခြံအမာရွတ်တွေကို ပျောက်ကင်းစေဖို့ ဈေးကြီးပေးရတဲ့ အလှကုန်တွေကို သုံးဖို့မလိုအပ်ပါဘူး။ anti-inflammartory တစ်မျိုးဖြစ်တဲ့ နနွင်းမှုန့်ကိုပဲ အမာရွတ်ပျောက်ဆေးအဖြစ် အသုံးပြုနိုင်ပါတယ်။

နနွင်းမှုန့်ထဲက curcumin ဓာတ်ဟာ အားကောင်းတဲ့ antioxidant တစ်မျိုးလည်းဖြစ်တဲ့အတွက် melanin အလွန်အကျွံ ထုတ်လုပ်မှုတွေကို တားဆီးပေးပြီး အရေပြားအသားအရေကို ညီမျှစေပါတယ်။ တစ်နည်းအားဖြင့် အမာရွတ်တွေကို လျော့ပါးပျောက်ကွယ်စေပါတယ်။

၆။ နေလောင်ဒဏ်နဲ့ အရေးအကြောင်းတွေကို ပျောက်ကွယ်စေတယ်

play
 

အမျိုးသမီးတွေ အသက်အရွယ် ကြီးရင့်လာချိန်မှာ ဖြစ်ပေါ်လာတတ်တဲ့ အရေပြားအရေးအကြောင်းတွေကြောင့် တော်တော်စိတ်ရှုပ် ရပါတယ်။ American Academy of Dermatology ရဲ့ (၆၈) ကြိမ်မြောက် နှစ်ပတ်လည်အခမ်းအနားမှာ တင်ပြခဲ့တဲ့ သုတေသန တစ်ခုကတော့ နနွင်းမှုန့်ပါဝင်တဲ့ moisturizer တစ်မျိုးမှာ နေလောင်ဒဏ်ကြောင့်ဖြစ်တဲ့ အမဲကွက်တွေနဲ့ အရေပြား အရေးအကြောင်းတွေကို ဖယ်ရှားနိုင်တဲ့ အစွမ်းရှိတယ်လို့ ဆိုထားပါတယ်။

ဒါ့အပြင် နနွင်းမှုန့်ဟာ ခရမ်းလွန်ရောင်ခြည်နဲ့ အချိန်အကြာကြီး ထိတွေ့မှုကြောင့် ဖြစ်တတ်တဲ့ အရေပြား ကြုံ့ဆန့်နိုင်စွမ်း လျော့နည်းခြင်းကိုလည်း ဖြေရှင်းပေးနိုင်ပါတယ်။

Source: Reader's Digest

Postby

 

ဤအကြောင်းအရာကို သင်ဘယ်လိုထင်ပါသလဲ။
AD

AD