AD
AD
AD

တစ်လတစ်လ မိတ်ကပ်ပစ္စည်းဖိုးတွေနဲ့ မွဲပါပြီလို့ အမြဲတမ်း ညည်းညူနေရတဲ့ ပျိုမေလေးတို့ကို မဒီက မိတ်ကပ်မလိမ်းဘဲနေကြည့်ပါလားလို့တော့ မပြောပါဘူး။ မဒီ တကယ်လုပ်ဖြစ်ခဲ့တဲ့ အကြောင်းလေးကို ပြန်မျှဝေချင်လို့ပါ။ အပြင်သွားတဲ့အခါ မိတ်ကပ်တွေပြင်ဆင်ခြယ်သတာကို ရပ်လိုက်ပြီး တစ်ပတ်တိတိ မိတ်ကပ်မလိမ်းဘဲ နေကြည့်ခဲ့တယ်။ အဲ့ဒီလိုနေကြည့်လိုက်တော့ ဘာတွေထူးလာသလဲဆိုရင်....

၁။ အစပိုင်းမှာ ကိုယ့်ကိုယ်ကိုယ်ယုံကြည်မှုမရှိဘူး

play

မျက်ကွင်းတွေကညိုနေတယ်။ မျက်နှာအသားအရောင်ကလည်း မညီသလို အပြစ်အနာအဆာတွေကို မြင်နေရတော့ ကိုယ့်ကိုယ်ကိုယ် စိတ်တိုင်းမကျတော့ဘူး။ လူတွေနဲ့တောင် မတွေ့ချင်ဘူး။ အစပိုင်း ၂ ရက်လောက်ကတော့ အဲ့လိုပဲ ခံစားရတယ်။

၂။ စိတ်ဖိစီးမှုလျော့လာတယ်

၃ ရက်မြောက်နေ့ကျတော့ မိတ်ကပ်မလိမ်းဘဲ နေရတာကို ဘာမှမဖြစ်တော့ဘူး။ အချိန်ကုန်သက်သာလို့ သဘောကျသလိုလို ဖြစ်လာပြီ။ လှလှ မလှလှ ဂရုမစိုက်တော့ဘူး။

၃။ အသားအရေကြည်လာတယ်

play
 

တကယ်ပါပဲ .... မိတ်ကပ်မလိမ်းတော့ သိသာလိုက်တာ။ အသားအရောင်က ညီလာတယ်။ အသားအရေကြည်လင် တင်းရင်းလာတယ်လေ။ ကိုယ်က မိတ်ကပ်မလိမ်းဘူးဆိုပေမဲ့ skincare တော့ သုံးတာကိုး။

၎။ အသားအရေကိုပိုဦးစားပေးဖို့နားလည်သွားပြီ

Skincare ပစ္စည်းတွေကို သုံးတဲ့အခါ ထိရောက်မှုကို ပိုသိသိသာသာ ခံစားလာရတယ်လေ။ အဲ့ဒီတော့ မိတ်ကပ်လိမ်းမှ လှတာထက် အသားအရေလေး ကောင်းမွန်နေတာကိုပဲ သဘောကျမိလာပြီ။ အသားအရေကောင်းနေရင် မိတ်ကပ်မလိမ်းလည်း ကြည့်ကောင်းနေတာကိုး။

၅။ ယုံကြည်မှုပိုရလာတယ်

play

၇ ရက်မြောက် နေ့မှာတော့ မိတ်ကပ်မလိမ်းဘဲနဲ့လည်း ကိုယ်က ကြည့်ကောင်းအောင် နေတတ်လာပါပြီ။ မျက်နှာသန့်စင်တာကို သေသေချာချာလုပ်တယ်။ Mouristurizer ကို နေ့ရောညပါလူးတယ်။ နေရောင်ကာလူးဆေးကိုလည်း မမေ့မလျော့လူးတယ်။ မျက်နှာပေါင်းတင်တာတွေ၊ အဆိပ်ထုတ်တာတွေနဲ့ဆိုတော့ ပင်ကိုယ်အသားအရေလေးက ကြည်လင်စိုပြေနေတာကိုပဲ ကျေနပ်လာပါတော့တယ်။ မျက်ခုံးမွေးလေးဆွဲပြီး နှုတ်ခမ်းနီလေး ဆိုးလိုက်ရုံနဲ့ မိတ်ကပ်မပါဘဲ နုပျိုနေတာမို့ မှန်ကြည့်တိုင်းလည်း စိတ်ချမ်းသာရတယ်။ မိတ်ကပ်မပါဘဲ ကြည့်ကောင်းတဲ့လူလို့ ကိုယ့်ကိုယ်ကိုယ် လက်ခံလာစေခဲ့ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD