နှစ်စဉ်ကျင်းပတဲ့ MTV EMAs ဆုပေးပွဲကို ယခုနှစ်မှာတော့ နယ်သာလန်နိုင်ငံ၊ ရော့တာဒန်မြို့က Ahoy Rotterdam မှာ ပြုလုပ်ခဲ့ပါတယ်။ ဥရောပဂီတဆုပေးပွဲဖြစ်တာကြောင့် ဒီဆုကို ပိုင်ဆိုင်လိုသူတွေလည်း များပါတယ်။ ပွဲကြီးဖြစ်တာကြောင့် ပွဲတက်ဖက်ရှင်တွေကို အစုံအလင် မြင်ရမှာပါ။ ဘယ်သူတွေက ဘယ်လိုတွေဝတ်တယ်ဆိုတာ ကြည့်ကြည့်ပါဦး။

ရှောင်းမန်းဒက်စ်ဟာ ဒီနှစ်ရဲ့ အကောင်းဆုံးအမျိုးသားအနုပညာရှင်ဆုကို ရခဲ့ပါတယ်။ သူ့အတွက် ပထမဆုံး MTV EMA ဆုလည်း ဖြစ်ပါတယ်။

လူသစ်တန်းအနုပညာရှင်ဆုကိုတော့ အဆိုတော်မလေး ဇာရာ လာစ်ဆန်က ဆွတ်ခူးသွားပါတယ်။ ဂါဝန်ဖြူဖြူလေးနဲ့ ချစ်စရာအသွင်လေးနဲ့ မြင်ရမှာပါ။

DNCE အဖွဲ့သားတွေကတော့ မြန်မြန်ဆန်ဆန်နဲ့ပဲ အောင်မြင်လာခဲ့ကြသူတွေပါ။ Best Rush ဆုရှင်အဖြစ် ရွေးချယ်ခံလိုက်ရပါတယ်။

မော်ဒယ် ဂျော်ဒန်ဒန်းကတော့ သူမရဲ့ သွယ်လျတဲ့ပုံရိပ်ကို ပေါ်လွင်စေတဲ့ဝတ်စုံကို ဝတ်ဆင်လာပါတယ်။ ဒီဝတ်စုံဟာ ယခုပွဲတက်ဖက်ရှင်တွေထဲမှာ မျက်စိကျခံရဆုံးတစ်ခုပါပဲ။

အစီအစဉ်တင်ဆက်သူလေး ဘက်ကာ ဒက်လေကို ပန်းပွင့်ချပ်လေးတွေနဲ့ ဇာဂါဝန်လေးနဲ့အတူ မြင်ရပါတယ်။

Photos : Headlineplanet