အေသင်မြို့သားတွေဟာ သံလွင်ပင်နဲ့ သံလွင်သီးရဲ့အသုံးဝင်ပုံကို နားလည်သဘောပေါက်ပြီး အေသီနာကို ကိုးကွယ်ရာ နတ်ဘုရားမအဖြစ် ရွေးချယ်ခဲ့ကြပါတယ်တဲ့။ တကယ်တမ်းမှာလည်း သံလွင်ဆီရဲ့အသုံးဝင်မှုတွေက များပြားစုံလင်လှပါတယ်။

သဘာဝအချိုရည်တစ်မျိုးဖြစ်တဲ့ ပျားရည်ဟာလည်း ထိုနည်း၎င်းပါပဲ။ အစားအစာတွေကို အရသာပိုမိုကောင်းမွန်စေဖို့အတွက် အသုံးပြုနိုင်သလို အလှအပရေးရာကိစ္စရပ်တွေမှာလည်း အသုံးပြုနိုင်ပါတယ်။ အထူးသဖြင့် ဆံသားနက်မှောင်ရေးနဲ့ ဆံသားကျန်းမာရေးကို ပျားရည်က အကောင်းဆုံး ကူညီထောက်ပံ့ပေးနိုင်တာကို တွေ့ရှိရပါတယ်။

ပြုလုပ်နည်း

ဒီ hair mask လေး ပြုလုပ်ဖို့အတွက်တော့ ပန်းကန်လုံးတစ်လုံးရယ်၊ ပျားရည်ရယ်၊ သံလွင်ဆီရယ်ပဲ လိုအပ်ပါတယ်။ အရင်ဆုံး ပန်းကန်လုံးတစ်လုံးထဲမှာ ပျားရည် (၄) ဇွန်းခန့်ရယ်၊ သံလွင်ဆီ (၅) ဇွန်းခန့်ရယ်ကို ထည့်ပြီး ဇွန်းတစ်ချောင်းနဲ့ သမအောင် မွှေပေးလိုက်ပါ။ ပြီးရင်တော့ ရလာတဲ့အနှစ်ကို ဆံပင်ပေါ်ကို အသာလေးလိမ်းပေးနိုင်ပါပြီ။

ဆွဲဆောင်မှုအားကောင်းတဲ့ လူတစ်ယောက်ဖြစ်လိုတယ်ဆိုရင် 

အဲဒီမှာ တစ်ခုသတိထားရမှာက ဦးရေပြားအတွင်းထိ စိမ့်ဝင်အောင်လိမ်းပေးဖို့နဲ့ ဆံသားအရင်းကနေ အဖျားထိ သေသေချာချာလိမ်းပေးဖို့ပါပဲ။ ပြီးရင်တော့ ဆံပင်ကိုပြန်ထုံးပြီး ရေချိုးရင်သုံးတဲ့ shower cap လေးနဲ့ အုပ်ထားပေးလိုက်ပါ။ ပြီးရင် မိနစ် (၃၀) အနည်းဆုံး ထားပေးလိုက်ပါ။ မိနစ် (၃၀) ပြည့်ရင်တော့ ရေနဲ့ပြန်ဆေးချပေးနိုင်ပါပြီ။ ပျားရည်က စေးကပ်တတ်တဲ့ သဘောရှိတော့ လွယ်လွယ်နဲ့တော့ ပြောင်စင်အောင် ပြန်ဆေးချလို့မရနိုင်ပါဘူး။

နောက်ပိုင်းမှာ မဒီလေးတို့ရဲ့ဆံကေသာလေးတွေဟာ ပိုမိုနက်မှောင်၊ တောက်ပြောင်၊ ပျော့ပြောင်း၊ တောက်ပလာတာကို တွေ့ရှိရမှာပါ။ Hair Mask မသုံးခင်က ဆံသားအခြေအနေနဲ့ hair mask သုံးပြီးနောက်ပိုင်း ဆံသားအခြေအနေ မတူညီတော့ဘဲ သိသိသာသာကြီး ပြောင်းလဲသွားတာကို တွေ့မြင်ရမှာပါ။ ဒီ hair mask လေးကို တစ်ပတ်တစ်ကြိမ် အနည်းဆုံး အသုံးပြုနိုင်ပါတယ်။

Source: Youngisthan