ပိန်ချင်ပါတယ်... ဝိတ်လျှော့ပါတော့မယ် အော်နေပြီး Gym သွားဖို့ အချိန်မရှိဘူးဆိုရင် နောက်တစ်နည်းရှိပါတယ်။ အိမ်အလုပ်တွေလုပ်ရင်း ဝိတ်ချတဲ့နည်းပါ။ Good Housekeeping Institute ရဲ့ လေ့လာမှုအရ အိမ်အလုပ်တွေ လုပ်ခြင်းဟာ ကယ်လိုရီတွေကို ထိထိရောက်ရောက် လောင်ကျွမ်းစေပါသတဲ့။
ဖုန်သုတ်၊ ကြမ်းတိုက်၊ ရေချိုးခန်းသန့်ရှင်းရေးလုပ် စတဲ့ အိမ်အလုပ်တွေကို လုပ်ကိုင်ခြင်းကြောင့် အိမ်ကနေ ခြေတစ်လှမ်းမှမခွာရဘဲ ကယ်လိုရီတွေလောင်ကျွမ်းကာ ဝိတ်ကျမှာဖြစ်ပါတယ်။ လေ့လာမှုရလဒ်အရ အိမ်အလုပ်သေသေချာချာလုပ်တဲ့လူတွေဟာ ၂ နာရီအတွင်း ကယ်လိုရီ ၆၀၀ လောင်ကျွမ်းသွားတယ်လို့ ဖော်ပြထားတယ်။
၅ ကီလိုမီတာလောက် ပြေးရင်တောင်မှ ကယ်လိုရီက ၃၇၄ ပဲ လောင်ကျွမ်းနိုင်တာမို့ အိမ်အလုပ်လုပ်ရတာ ပိုပြီးဝိတ်ကျတယ်ဆိုတဲ့သဘောပါပဲ။
ဖုန်သုတ်တာကတော့ အတော်ကို ထိရောက်တဲ့ ကယ်လိုရီလောင်ကျွမ်းမှု အိမ်အလုပ်ပါပဲ။ မိနစ် ၄၀ ကြာ ဖုန်သုတ်မယ်ဆိုရင် ကယ်လိုရီ ၁၉၄ အထိ လောင်ကျွမ်းနိုင်မှာဖြစ်တယ်လို့ GHK က ဖော်ပြခဲ့ပါတယ်။
Source : GHK