In partnership with  logo
ပြဿနာပေါင်း ၉၉ ခု ရှိပေမဲ့လည်း ဝတာက ပြဿနာတစ်ခုမဟုတ်ဘူး။

Jewelz ဆိုတဲ့ ကောင်မလေးကို အကိတ်လွန်ဆိုဒ်လို့ပဲ ပြောရမယ်။ သူ့ကို ဝတယ်လို့ ပြောလာရင် သူက လက်မခံသလို ဝတာက စိတ်ညစ်စရာ၊ ရှက်စရာမဟုတ်ဘူးလို့လည်း ခံယူထားတယ်။ ဝိတ်ချဖို့ ပြောလာရင်လည်း သူက ငြင်းပစ်တယ်။

 

ကမ်းခြေမှာ ဘီကီနီလေးဝတ်ပြီး ဓာတ်ပုံရိုက်ခံတော့ ကိုယ့်ကိုယ်ကိုယ် ဆက်စီကျတယ်လို့ ခံစားမိသတဲ့။ ကိုယ့်ခန္ဓာကိုယ်ကိုလည်း ချစ်ခင်သူ ဖြစ်ပါတယ်။ ဝိတ်ချဖို့ ဖိအားတွေပေးလာသမျှကိုလည်း ပါးစပ်ပိတ်သွားအောင် လုပ်ပစ်တယ်။ ဘာကြောင့်လဲဆိုတော့ ကိုယ့်ရဲ့ခန္ဓာကိုယ်နဲ့ ပတ်သက်ပြီး ကိုယ့်ကိုယ်ကိုယ် ယုံကြည်မှုရှိတယ်လေ။ Jewelz လည်း ကိုယ်ခန္ဓာကိုယ်အပေါ် ကိုယ့်ကိုယ်ကိုယ်ယုံကြည်မှု ရှိတယ်ဆိုရင် မဒီလေးတို့လည်း ဒီလိုစိတ်ထားမျိုး ရှိနေအောင် အားကျသင့်တယ်။

 

ကျောင်းတုန်းကဆို အရမ်းကို လှောင်ပြောင်စနောက်ခံခဲ့ရလို့ ခဏခဏ ကျောင်းပြေးခဲ့ရတယ်။ Jewelz အသက် ၂၃ နှစ်မှာတော့ ခန္ဓာကိုယ်အပေါ် အကောင်းမြင်လာစေမယ့်အကြောင်းအရာတွေကို အင်တာနက်ပေါ်ကနေ တွေ့ခဲ့တယ်။ အဲ့ဒီကစလို့ ကိုယ့်ခန္ဓာကိုယ်အပေါ် ရှက်ရွံ့နေမယ့်အစား ကိုယ့်ခန္ဓာကိုယ်ကို ချစ်တတ်လာခဲ့တယ်။

 

" ကိုယ့်ကိုယ်ကိုယ်ယုံကြည်မှုရှိခြင်းဟာ ကျွန်မရခဲ့သမျှ လက်ဆောင်တွေထဲမှာ အကြီးကျယ်အခမ်းနားဆုံးပါပဲ။ ပိန်ပြီး မပျော်ရွှင်ရတာထက် ခန္ဓာကိုယ်ကြီးမားတဲ့ မိန်းကလေးဖြစ်ရတာက ကျွန်မကို နိုးကြားစေခဲ့တယ်။ ပိန်တာက ကျွန်မကို ဘယ်လိုမှပျော်အောင်လုပ်နိုင်မှာမဟုတ်ဘူးဆိုတာ နားလည်သဘောပေါက်ခဲ့တယ်" လို့ အကိတ်လွန် ကောင်မလေးက ပြောတယ်။ အဲ့ဒီနောက်ပိုင်းကစလို့ Jewelz ဟာ သူ့စိတ်ကြိုက်ဖက်ရှင်တွေကိုပဲ ဝတ်ပါတော့တယ်။ အင်စတာဂရမ်မှာလည်း ကိုယ့်ကိုယ်ကိုယ်ချစ်လာစေဖို့ အားတက်စေမယ့် စကားတွေကို သူမရဲ့ပုံတွေနဲ့အတူ အမြဲတမ်း တင်ဆက်နေခဲ့ပါတယ်။

Source : Metro

Share

Loading Next Article...
က္က