အမေရိကရဲ့ အရှေ့မြောက်အရပ်မှာရှိတဲ့ New England နိုင်ငံရဲ့ Connecticut မြို့လေးက အသက်၂၇ နှစ်အရွယ် Cassie De Pecol အမည်ရတဲ့ အမျိုးသမီး ခရီးသွားတစ်ဦးဟာ ဧက္ကရာဇ်တွေအုပ်ချုပ်တဲ့ ကမ္ဘာ့နိုင်ငံတွေ အားလုံးကို အမြန်ဆုံးနဲ့ ပထမဆုံးသွားရောက်လည်ပတ်ခဲ့သူအဖြစ် စာရင်းဝင်ခဲ့ပါတယ်။
၂၀၁၅ ခုနှစ် ဇူလိုင်လမှာ သူမရဲ့ကမ္ဘာပတ် ခရီးစဉ်ကို စတင်ခဲ့တာဖြစ်ပြီးတော့ ၂၀၁၇ ခုနှစ် ဖေဖော်ဝါရီ ၂ ရက်နေ့မှာတော့ ၁၉၆ နိုင်ငံမြောက်အပြင် နောက်ဆုံးနိုင်ငံအဖြစ် အာရှအနောက်ပိုင်းမှာရှိတဲ့ အာရပ်နိုင်ငံ Yemen မြို့ကို ရောက်ရှိခဲ့ပြီး ခရီးစဉ်ကို အဆုံးသတ်ခဲ့ပါတယ်။ သူမရဲ့ ကမ္ဘာပတ်တဲ့ ခရီးစဉ်တစ်ခုလုံးဟာ ၁၈ လနဲ့ ၂၆ ရက်ကြာမြင့်ခဲ့ပြီး ယခင်ရှိခဲ့တဲ့ စံချိန် ၃ နှစ် နဲ့ ၃ လကို ချိုးဖျက်ခဲ့တာကြောင့် မကြာခင်မှာ ဂင်းနက်စ်စာရင်းဝင်ဖို့အတွက် လိုအပ်တဲ့စာရွက်စာတမ်းတွေကို ပြင်ဆင်နေပါတယ်။
De Pecol ဟာ သူမရဲ့ခရီးစဉ်ကို International Institute of Peace Through Tourism (IIPTT) ရဲ့ သံတမန်အနေနဲ့ လည်ပတ်ခဲ့တာဖြစ်ပြီး လည်ပတ်ခဲ့တဲ့ ခရီးစဉ်တလျှောက်မှာ သက်ဆိုင်ရာနိုင်ငံရဲ့ မြို့ဝန်များ ၊ ဟော်တယ်နဲ့ခရီးသွားလာရေး ဝန်ကြီးတွေနဲ့ တွေ့ဆုံခဲ့ပြီး Declaration of Peace စာချုပ်ကို လက်မှတ်ထိုးခဲ့ပါတယ်။ သူမဟာ ခရီးစဉ်တလျှောက်မှာ နိုင်ငံကူးလက်မှတ် (ပတ်စ်ပို့)ကို ၅ ကြိမ် ပြောင်းလဲခဲ့ပြီး လေကြောင်းခရီး ၂၅၅ ခေါက် စီးနှင်းခဲ့ပါတယ်။
အသက် ၂၇ နှစ်အရွယ် အမျိုးသမီးတစ်ဦးအနေနဲ့ တစ်ကိုယ်တော် ကမ္ဘာပတ်နိုင်ခဲ့တာ အံ့သြချီးကျူးစရာပါ။ သူမဟာ နိုင်ငံပေါင်း ၅၀ ကျော်မှာ ငြိမ်းချမ်းရေးအထိမ်းအမှတ် သစ်ပင်တွေလည်း စိုက်ခဲ့ပါတယ်။ နိုင်ငံတိုင်းမှာ ပျမ်းမျှ ၂ ရက်ကနေ ၅ ရက်အထိ အချိန်ယူနေထိုင်ခဲ့တယ်လို့ သိရပါတယ်။
Source : Time