အမျိုးသမီးတွေအပေါ် ဓလေ့ထုံးတမ်းတွေနဲ့ တားမြစ်မှုတွေများပြားတဲ့ အိန္ဒိယနိုင်ငံမှာ Avani Chaturvedi ဟာ တိုက်လေယာဉ်ကို မောင်းနှင်ခွင့်ရတဲ့ ပထမဆုံးအမျိုးသမီး ဖြစ်လာပါတယ်။ သူမရဲ့အသက်က ၂၄ နှစ်သာ ရှိပါသေးတယ်။ အိန္ဒိယသမိုင်းမှာရော အမျိုးသမီးတွေရဲ့သမိုင်းမှာပါ မှတ်တမ်းဝင်သူတစ်ဦး ဖြစ်ပါလာတယ်။
Avani ဟာ ယခုသီတင်းပတ်အစောပိုင်းက MiG-21 Bison တိုက်လေယာဉ်ကို မိနစ် ၃၀ ကြာ ပျံသန်းခဲ့တယ်လို့ အိန္ဒိယလေတပ်က အတည်ပြုပါတယ်။ တနင်္လာညနေပိုင်းက Jamnagar လေတပ်အခြေစိုက်စခန်းမှာ တစ်ကိုယ်တော် ပျံသန်းခဲ့တာပါ။ အိန္ဒိယလေတပ်ဟာ အမျိုးသမီးအရာရှိတွေကို တန်းတူညီမျှတဲ့တာဝန်ပေးအပ်ဖို့ ဦးဆောင်လေ့ရှိပါတယ်။ Madhya Pradesh က Deolond ဆိုတဲ့ မြို့ငယ်လေးမှာ မွေးဖွားကြီးပြင်းခဲ့တဲ့ Avani ဟာ အိန္ဒိယသူတစ်ဦးအနေနဲ့ တိုက်လေယာဉ်မောင်းနှင်နိုင်တဲ့ ပထမဆုံးအမျိုးသမီးဖြစ်လာခြင်းက တကယ်ကို ချီးကျူးစရာကောင်းပါတယ်။
တယောတီးရတာကြိုက်ပြီး ပန်းချီဆွဲရတာ ဝါသနာပါတဲ့ Avani ဟာ သမိုင်းဝင်အမျိုးသမီးတစ်ဦး ဖြစ်လာပါတယ်။ Avani နဲ့အတူ နောက်ထပ် အမျိုးသမီးပိုင်းလော့နှစ်ဦးကို အိန္ဒိယလေတပ်က လေ့ကျင့်သင်ကြားပေးခဲ့တာဖြစ်ပါတယ်။ နောက်ထပ်တစ်နှစ်ကျော်လေ့ကျင့်ပြီးရင်တော့ Avani က တိုက်ပွဲတွေမှာ ဝင်ရောက်ရတော့မှာဖြစ်ပါတယ်။
" ဘယ်လေတပ်မဆို သူ့ရဲ့ တိုက်လေယာဉ်မှူးတွေနဲ့ပဲ အဓိပ္ပာယ်သတ်မှတ်ရတာ။ ကျွန်မရဲ့အိပ်မက်ကတော့ တကယ်တော်တဲ့ တိုက်လေယာဉ်မှူးတစ်ယောက် ဖြစ်လာဖို့ပါပဲ။ အကောင်းတကာအကောင်းဆုံး တိုက်လေယာဉ်နဲ့ ပျံသန်းချင်တယ်။ ပြီးတော့ နေ့စဉ်နေ့တိုင်းပဲ ပိုပိုပြီး သင်ယူနေပါဦးမယ်" လို့ Avani က ဆိုပါတယ်။
Source : TOI, BBC