အသက် ၄၉ နှစ်အရွယ် အမျိုးသမီးတစ်ယောက်ဟာ သူမရဲ့အိမ်ထောင်ရေးပြိုကွဲသွားလို့ အသည်းကွဲခံစားရတဲ့ဒဏ်ရာကို ကုစားဖို့အတွက် ခရီးရှည်တစ်ခု ထွက်ခဲ့တယ်။ ကမ္ဘာတစ်ဝန်းက လူသိများထင်ရှားတဲ့ နေရာတွေကို သွားရောက်လည်ပတ်ပြီး ဒေသအလိုက် ဝတ်စားဆင်ယင်ကာ ဆယ်ဖီပုံတွေ ရိုက်ခဲ့ပါတယ်။
ခရီးစဉ်တစ်လျှောက် မတူညီတဲ့ဝတ်စုံတွေနဲ့ ဓာတ်ပုံတွေရိုက်ခဲ့တာ ဝတ်စုံပေါင်း ၁၅၀ လောက် ဝတ်ခဲ့ပြီးပါပြီ။ အွန်လိုင်းမှာ နာမည်ကြီးပြီး အပြင်မှာပါ လိုက်လုပ်ကြတဲ့ pose နဲ့ ဓာတ်ပုံတွေကို ရိုက်ခဲ့တာ ဖြစ်ပါတယ်။ ချစ်သူလက်ကိုဆွဲပြီး ရှေ့ကနေသွားနေတဲ့ ကောင်မလေးရဲ့ပို့စ်အတိုင်း ရိုက်ခဲ့တာပါ။ ဒါပေမဲ့ ချစ်သူတော့ မပါဘူးပေါ့။
သူမရဲ့ အတွေ့အကြုံတွေကိုလည်း လူမှုကွန်ရက်တွေပေါ်မှာ ပြန်တင်ထားပါသေးတယ်။ အဲ့တာတွေကိုမြင်ရတာ Eat Pray Love ရုပ်ရှင်ကားကိုလည်း ပြန်ပြီး သတိရမိစေတယ်။ အဲ့ဒီကားထဲမှာ ဂျနီဖာဂါနာဟာ ကွာရှင်းပြီးနောက် ကိုယ့်ကိုယ်ကိုယ်ပြန်ရှာဖွေဖို့အတွက် အိန္ဒိယနဲ့ အီတလီကို သွားခဲ့ပါတယ်။ ပြီးတော့မှ သူ့ရဲ့အချစ်စစ်ကို ထပ်မံရှာတွေ့သွားတဲ့ဇာတ်လမ်းဖြစ်ပါတယ်။
ချစ်သူနဲ့ ကမ္ဘာပတ်ပြီး ဓာတ်ပုံတွေရိုက်တင်တဲ့ ပုံလေးတွေက စုံတွေအဖို့ အားကျစရာ ဖြစ်ခဲ့ပါတယ်။ ဒါပေမဲ့ ချစ်သူမရှိလည်း တစ်ယောက်တည်းလည်း ရပ်တည်နိုင်တယ်ဆိုတဲ့အမြင်နဲ့ အဆိုပါအမျိုးသမီးက ဓာတ်ပုံတွေကို ရိုက်ကူးခဲ့တာဖြစ်ပါတယ်။ သူမရဲ့လက်ကို ဘယ်သူကမှ ဆွဲမထားပေမဲ့ တစ်ယောက်တည်းဓာတ်ပုံတွေရိုက်ခဲ့ပါတယ်။
Source : CGTN