၁။ " ခေါင်းဆောင်မှုဆိုတာ ရယူတဲ့သူအတွက်ပဲ ထိုက်တန်တာ"

နေရာတစ်နေရာရဖို့အတွက် ထိုက်တန်တဲ့ပေးဆပ်မှုတွေ လုပ်ရတယ်လေ။ ကိုယ်က ခေါင်းဆောင်ဖြစ်ချင်ရင် ခေါင်းဆောင်တစ်ဦးရဲ့ စိတ်နေစိတ်ထားနဲ့ အားထုတ်မှုတွေ လုပ်ရမှာပေါ့။ ကိုယ့်အတွက် ထိုက်တန်တဲ့နေရာဆိုတာ ကိုယ့်အားထုတ်မှုပေါ်မှာပဲ ရာနှုန်းပြည့်မူတည်တယ်ဆိုတာ ရှယ်ရီက သက်သေပဲ။

အခွင့်အရေးရဖို့ကို မျှော်နေမဲ့အစား ကိုယ်တိုင်က အခွင့်အရေးတွေကို ဖမ်းယူသူ ဖြစ်လာဖို့ သူက တိုက်တွန်းထားတာ။ လိုချင်တာရှိရင် ရအောင်ယူကြရမယ်မဟုတ်လား။

၃။ " အဲ့တာက ခက်ခဲတဲ့နေ့ရက်တွေပါ။ ကိုယ့်ရဲ့ဗဟိုအချက်အချာထိ ကိုယ်တိုင်စိန်ခေါ်ရတဲ့ အချိန်တွေက သင်ဘယ်သူလဲဆိုတာကို ဆုံးဖြတ်ပေးသွားမှာ"

ကိုယ့်ကိုယ်ကိုယ် စိန်ခေါ်ပါ။ ခက်ခဲတဲ့အချိန်တွေမှာ စိတ်ပျက်အားလျော့မသွားဘဲ ကြိုးစားရမယ်။ ကိုယ့်ကိုယ်ကိုယ်စိန်ခေါ်ရတာက အခက်ဆုံးပဲလေ။

ခက်ခဲကြမ်းတမ်းတဲ့ အချိန်တွေမှာ ကိုယ်ဘယ်လိုမျိုး ရုန်းကန်ကျော်ဖြတ်ခဲ့လဲ? ရိုးရိုးသားသားနဲ့ ကြိုးစားနေခဲ့တာလား... သူများကို အကောက်ကြံတာမျိုးတွေ လုပ်ခဲ့လား။ လွယ်လွယ်ကူကူနဲ့ အရှုံးမပေးဘဲ ရင်ဆိုင်ကျော်ဖြတ်လာတာလားဆိုတာတွေက ကိုယ်ဘယ်လိုလူမျိုးဆိုတာ သတ်မှတ်ပေးမှာပါ။

၅။ " တစ်နေ့တစ်နေ့ ဘာတွေပဲ ကြုံခဲ့ပါစေ ကိစ္စမရှိဘူး။ ကျွန်မကတော့ ဂုဏ်ယူဝမ်းမြောက်စရာ တစ်ခုခုအကြောင်းကို တွေးပြီးတော့ အိပ်ရာဝင်တယ်။ အဲ့လိုမျိုး လုပ်ကြည့်ပါ"

ရှယ်ရီရဲ့ ဒီစကားလေးကို မဒီကတော့ အရမ်းသဘောကျတယ်။ မဒီတို့ နေ့စဉ်ဘဝမှာ အဆင်မပြေစရာတွေကလည်း များတယ်မဟုတ်လား။ စိတ်ညစ်ပြီး အိပ်ရာဝင်၊ တော်တော်နဲ့လည်း အိပ်မပျော်ဘူး။ နိုးလာရင်လည်း စိတ်မောလူမောနဲ့ တစ်နေ့တာအစက ခွန်အားတွေမရဘဲ နုံးချိနေမှာ။ အဲ့ဒီတော့ ကောင်းတာလေးတွေကိုပဲ ရှာဖွေပြီး အာရုံစိုက်ပါလို့ ရှယ်ရီက အကြံပေးထားတာပါ။ လိုက်လုပ်ကြည့်ကြမယ်လေ။