အမ်မာဝပ်ဆန်ကို အမျိုးသမီးတွေအတွက် တက်ကြွလှုပ်ရှားနေတဲ့ အမျိုးသမီးဝါဒီသမားတစ်ဦးအဖြစ်နဲ့လည်း သိကြတယ်။ အသက် ၂၇ နှစ်အရွယ် မင်းသမီးလေးက Time's Up လှုပ်ရှားမှုမှာလည်း ဦးဆောင်ပါဝင်နေသူပါ။ မနေ့ညက ပြုလုပ်ခဲ့တဲ့ အော်စကာ ဆုပေးပွဲအပြီး ပါတီမှာတော့ အမ်မာက Time's Up ကို တက်တူးနဲ့ ထုတ်ဖော်ခဲ့တယ်။

လုပ်ငန်းခွင်ထဲမှာ လိင်ပိုင်းဆိုင်ရာစော်ကားကျူးလွန်မှု ခံခဲ့ရသူတွေကို ကူညီပေးမယ့် Time's Up လှုပ်ရှားမှုကို အမ်မာအပါအဝင် ဟောလိဝုဒ်က အမျိုးသမီးအနုပညာရှင်တွေ စတင်ခဲ့တာပါ။ အဲ့ဒီနောက် အမျိုးသားတွေလည်း ပါဝင်လာကြပါတယ်။ ခုလို ဂွမ်းသွားရတာနဲ့ ပတ်သက်ပြီးတော့ အမ်မာက " apostrophes ဟာ မရှိမဖြစ်အရေးပါကြောင်းကို အတွေ့အကြုံရလိုက်ပါပြီ" လို့ တွစ်တာပေါ်မှာ ဟာသလေးနှောပြီး ရေးထားခဲ့ပါတယ်။ ဒါပေမဲ့ သူမကြောင့်ပဲ Time's Up ဟာ ပိုပြီးတော့ လူတွေသတိထားမိလာကြတာတော့ အမှန်ပါပဲ။