မနာလိုစိတ်နဲ့ သဝန်တိုစိတ်က မတူပါဘူး။ သဝန်တိုစိတ်ဆိုတာ သင်ပိုင်ဆိုင်ထားတဲ့ အရာတစ်ခု ဆုံးရှုံးသွားနိုင်တယ်ဆိုတဲ့ ခြိမ်းခြောက်မှုကို ကြုံရတာပါ။ မနာလိုစိတ်ကတော့ သင့်မှာ မရှိတဲ့ အရာတစ်ခုအပေါ် သင့်ရဲ့ တုံ့ပြန်မှုပါ။ မနာလိုစိတ်ပြင်းထန်လာပြီဆိုရင်တော့ အောက်ပါ နည်းလမ်းငါးခု နဲ့ သင့်ကို ဒုက္ခပေးနေနိုင်ပါတယ်။
၁ - အချိန်
မနာလိုစိတ်တွေ ဖြစ်စေတဲ့ အကြောင်းအရာဆီပဲ စိတ်ရောက်နေပါတယ်။ ဘာမှမလုပ်နိုင်လောက်အောင် သင့်အချိန်တွေကို မနာလိုစိတ်က ကိုက်ဖဲ့စားသောက်နေပါတယ်။
၂ - အတွေး
အတွေးထဲ ဒီအကြောင်းပဲ ရှိနေတာကြောင့် သင့်အတွေးတွေကိုလည်း စားနေပါတယ်။
၃ - ဆက်ဆံရေး
ဒီမနာလိုစိတ်က ဖိစီးနေတာကြောင့် လုပ်ဖော်ကိုင်ဖက်တွေနဲ့ ဆက်ဆံရေး၊ မိတ်ဆွေတွေနဲ့ ဆက်ဆံရေးပါ အဆင်မပြေတော့ပါဘူး။ ဆက်ဆံရေးတွေ ထိခိုက်လာပါတယ်။
၄ - ပုံရိပ်
သင့်ပုံရိပ်ကိုပါ ထိခိုက်လာပါတယ်။ တစ်ဖက်သားကို ရန်လိုတတ်တာ၊ ငြူစူတတ်တာ စတဲ့ တံဆိပ်တွေ သင်ရလာနိုင်ပါတယ်။
၅ - မကောင်းမြင်မှု
မကောင်းမြင်မှုတွေ များလာပါတယ်။ မကောင်းဘက်ပဲ တွေးပြီး အခြေအနေတစ်ခု မကောင်းဘက်ရောက်အောင် ဖော်ဆောင်လာပါတယ်။
Photos & Source: wikiHow