သင်လည်း ခံစားတတ်သူ၊ ထိခိုက်တတ်သူလို့ တစ်ဖက်က ထင်ထားရင်ပိုကောင်းပါတယ်။
 

လူတစ်ယောက်ဆီက ယုံကြည်မှု လျင်လျင်မြန်မြန်ရဖို့ဆိုတာ မလွယ်ပါဘူး။ သူတို့သဘောကျနှစ်သက်စရာ၊ အထင်ကြီးလေးစရာမျိုး ရှိမှသာ လွယ်လွယ်နဲ့ ယုံကြည်ကြတာပါ။ ဒါပေမဲ့ လျင်လျင်မြန်မြန်ပဲ ယုံကြည်မှုရဖို့ ကူညီပေးနိုင်တဲ့ နည်းလမ်းလေးတွေ ရှိပါတယ်။

၁ - အပြုံး

စစ်မှန်တဲ့အပြုံးမျိုး ပြုံးခြင်းဟာ ပြုံးပြလိုက်တဲ့လူအပေါ် သင့်ဘက်က ယုံကြည်တယ်ဆိုတဲ့ ညွှန်းဆိုမှုဖြစ်ပါတယ်။ သင့်ဆီက ယုံကြည်မှုကို ခံစားရတဲ့အခါ တစ်ဖက်ကလည်း သင့်ကို ယုံကြည်မှုနဲ့ တုံ့ပြန်မှာပါ။ စစ်မှန်တဲ့အပြုံးဟာ စိတ်ခံစားချက်ကလာတာပါ။ ကောင်းမွန်တဲ့ စိတ်ခံစားချက်ကလာမှ နှစ်လိုဖွယ်ကောင်းတဲ့အပြုံးကို ရရှိတာပါ။ နှစ်လိုဖွယ်အပြုံးဖြစ်ဖို့ အပြုသဘောဆောင်တဲ့ ကောင်းမွန်တဲ့အတွေးမျိုးတွေ သင့်ဆီမှာ ပြည့်လျှံနေဖို့ လိုပါတယ်။

 

၂ - ထင်ဟပ်ပါ

သင်ယုံကြည်မှုတည်ဆောက်တဲ့လူရဲ့ ပုံစံဟန်အတိုင်း လိုက်လံပြုမူတာမျိုး ဖြစ်ပါတယ်။ သူ့ဘက်က အကြောင်းအရာတစ်ခုကို ဝမ်းနည်းဟန်နဲ့ပြောနေတဲ့အခါ သင့်အပြုအမူကလည်း ဝမ်းနည်းရိပ်သန်းနေတဲ့ အပြုအမူမျိုးရှိရမှာ ဖြစ်ပါတယ်။ တစ်ဖက်လူက ဖြည်းဖြည်းပြောတဲ့အခါမျိုးမှာ သင့်ဘက်ကလည်း ဖြည်းဖြည်းပြောသင့်ပါတယ်။ တစ်ဖက်လူက လက်ဟန်ခြေဟန်တွေနဲ့ပြောတဲ့အခါ သင့်ဘက်ကလည်း စကားပြောရင်လုပ်တတ်တဲ့ လက်ဟန်ခြေဟန်လေးတွေနဲ့ တုံ့ပြန်သင့်ပါတယ်။

(သင်စိတ်ဝင်စားနိုင်မယ့် ဆောင်းပါး -အလုပ်မှာ ခင်တဲ့လူ မရှိရတဲ့ အကြောင်းရင်း (၇) ချက် )

 

၃ - အာရုံစိုက်ပါ

နှစ်ယောက်တွေ့တဲ့အခါ သင်စကားပြောနေတဲ့လူကိုပဲ အာရုံစိုက်ပါ။ မျက်နှာကို တည့်တည့်ကြည့်နေရမယ်လို့ ဆိုလိုတာမဟုတ်ပါဘူး။ သူ့ကို အာရုံစိုက်ဂရုပြုနေတယ်လို့ တစ်ဖက်က ခံစားမိဖို့ ဖြစ်ပါတယ်။ ပြောနေတုန်းမှာ ကိုယ့်ဘက်က တခြားလူတွေကို ကြည့်နေတာ၊ အဝေးကို မျက်နှာလွှဲနေတာတွေဟာ ယုံကြည်မှုတည်ဆောက်ဖို့ အတွက် ကောင်းမွန်တဲ့ လက္ခဏာမျိုး မဟုတ်ပါဘူး။

၄ - ပျော့ပြောင်းသူ

လူတွေဟာ လူဆန်သူကို ပိုသဘောကျပါတယ်။ လူဆန်သူဆိုတာကတော့ အကောင်းတွေရှိသလို အဆိုးတွေလည်း ရှိသူပါ။ သင်ယုံကြည်မှု တည်ဆောက်ချင်သူနဲ့ ဆက်ဆံတဲ့အခါ သင့်ဘက်မှာလည်း အားနည်းချက်တွေ ရှိတယ်ဆိုတာမျိုး သူ့ဘက်က သိထားရင် ပိုကောင်းပါတယ်။ သင်လည်း ခံစားတတ်သူ၊ ထိခိုက်တတ်သူလို့ တစ်ဖက်က ထင်ထားရင်ပိုကောင်းပါတယ်။

 

၅ - တကယ်လုပ်ပါ

ပြုံးပြရုံ၊ စကားပြောရင် ဂရုစိုက်နားထောင်ရုံလောက်နဲ့ တစ်ဖက်လူရဲ့ ယုံကြည်မှုကို လျင်လျင်မြန်မြန်မရသေးပါဘူး။ အရေးကြီးဆုံးအချက်ကတော့ ပြောပြီးရင်တကယ်လုပ်ပါ။ အပြောနဲ့ အလုပ်မညီတဲ့လူကို ဘယ်သူကမှ တကယ်မယုံကြည်ပါဘူး။ ပြောပြီးရင် တကယ်လက်တွေ့အကောင်အထည်ဖော်သူဖြစ်ကြောင်း တစ်ဖက်က သိဖို့လည်း အရေးကြီးပါတယ်။ သင်ပြောတာကိုသာသိပြီး တကယ်အကောင်အထည်ဖော်တာမသိရင်တော့ ဘာမှထူးခြားမှာ မဟုတ်ပါဘူး။

(သင်စိတ်ဝင်စားနိုင်မယ့်ဆောင်းပါး - သင့်လက်တွဲဖော်က ပွင့်လင်းမှု မရှိတာ ဘာကြောင့်လဲ)

Photos & Source: Lifehack

Share

Loading Next Article...
က္က