Relationships: ပိုက်ဆံကို အလွန်အကျွံ မသုံးသင့်တဲ့ နေရာ (၃) ခု

ဒီနေရာတွေမှာ ဆင်ခြင်လိုက်မယ်ဆိုရင် ပိုက်ဆံမရှိမှာ ပူပန်နေစရာ မလိုတော့ပါဘူး

ပိုက်ဆံနဲ့ သင့်ပျော်ရွှင်မှုကို မဝယ်နိုင်ဘူးလို့ ပြောကြပေမယ့် ပိုက်ဆံဟာ နေ့စဉ်ဘဝအတွက် မရှိမဖြစ် ထိတွေ့သုံးစွဲရမယ့်အရာပါ။ ပိုက်ဆံကို မှန်မှန်ကန်ကန် အသုံးချတတ်မယ်ဆိုရင်တော့ သင့်အတွက် ခေါင်းရှုပ်စရာတွေ ပေါ်လာမှာ မဟုတ်ပါဘူး။ မသုံးသင့်တဲ့ အရာတွေမှာ ပိုက်ဆံကို သုံးမိမယ်ဆိုရင်တော့ သင့်ကို ပျော်ရွှင်မှုတွေ ပေးမယ့်အရာတွေအတွက် မကျန်တော့ဘဲနေပါလိမ့်မယ်။ လူတော်တော်များများက ပိုက်ဆံသုံးဖို့ မလိုအပ်ပေမယ့် သုံးမိနေကြတဲ့နေရာ (၃) ခု ရှိတာကို သတိထားမိပါတယ်။

 

(၁) ဖက်ရှင်အသုံးအဆောင်ပစ္စည်း

play

 

ခေတ်မီအောင်လို့ ဆိုပြီး ပေါ်သမျှ ဖက်ရှင် အသုံးအဆောင်နဲ့ နောက်ဆုံးပေါ် ပစ္စည်းတွေကို မရမက လိုက်ဝယ်ပြီး သုံးနေဖို့ မလိုပါဘူး။ ကိုယ်ပိုင်စတိုင်လ်ရှိသူတွေက ဖက်ရှင်နောက်လိုက်လေ့မရှိသလို ဒီလို အသစ်ထွက်တိုင်းသာ လိုက်ဝယ်ရမယ်ဆိုရင် ရှာလို့တောင် လောက်မှာ မဟုတ်ပါဘူး။ သဘောကျတိုင်း၊ အသစ်ထွက်တိုင်း အရူးအမူးဝယ်ယူဖို့ မသင့်ပါဘူး။ လက်ပတ်နာရီနဲ့အခြား Fancy လက်ဝတ်ရတနာတွေဟာ လည်းနေ့စဉ်ဘဝအတွက် လိုအပ်ပါတယ်။ ဒါပေမယ့် ဒီအရာတွေကိုလည်း ချင့်ချိန်ပြီးမှ ဝယ်ယူသင့်ပါတယ်။

 

(၂) အီလက်ထရောနစ် ပစ္စည်း

play

 

စမတ်ဖုန်းတွေဆိုရင် တစ်နှစ်ကို မော်ဒယ်လ်တစ်မျိုးအသစ်ထုတ်နေတာကို သိမယ်ထင်ပါတယ်။ ထွင်တဲ့သူက ထွင်၊ ဝ.်တဲ့သူက ဝယ်၊ ဒီလို ထုတ်သမျှ အီလက်ထရောနစ်ပစ္စည်းတွေကို သုံးနိုင်တာက အဆင့်အတန်းတစ်ခုလို သတ်မှတ်ထားတဲ့သူတွေ ရှိပါတယ်။ မရှိမဖြစ်အရာတွေဆိုပေမယ့် ဖက်ရှင်ပစ္စည်းတွေလိုပဲ နေ့တိုင်းနေ့တိုင်း အသစ်အသစ်တွေ ထွက်ရှိနေတာပါ။ အသစ်တွေထွက်တိုင်း မဝယ်ဘဲ ကိုယ် Lifestyle နဲ့ သင့်တော်တဲ့ ပစ္စည်းတွေကိုသာ ဝယ်သင့်ပါတယ်။ သုံးမရတော့ဘဲ ပျက်သွားတဲ့အခါမှာ ပြင်လို့ ရရင်ပြင်၊ ရောင်းသင့်ရင် ရောင်းပြီး အသစ်တစ်ခု ဝယ်တာက ပိုကောင်းပါတယ်။

 

(၃) အသောက်အစားနဲ့ အပျော်အပါးကိစ္စ

play

 

သူငယ်ချင်း အပေါင်းအသင်းတွေနဲ့ တွေ့ဆုံပြီး စကားပြောကြတာ၊ သွားလာစားသောက်တာက တစ်ပတ်မှာ တစ်ခါလောက်ဆိုရင် လုံလောက်ပါပြီ။ ချစ်သူရည်းစားနဲ့ ချိန်းတွေ့တဲ့အခါမှာလည်း အတူတူပါပဲ။ စိတ်ပြေလက်ပျောက်မဖြစ်ဘဲ ဒီလိုသွားဖို့အတွက် ပိုက်ဆံမရှိမှာပါ ပူပန်နေရမယ်၊ သင် စိတ်ပင်ပန်းနေရမယ်ဆိုရင် ဒီလို တွေ့ဆုံပွဲတွေ သွားတာကို ပြန်စမ်းစစ်ဆင်ခြင်သင့်ပါပြီ။

Source : lifehack

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ