ယောက်ျားတွေဆိုတာ ကိစ္စအတော်များများကို ခေါင်းထဲထည့်တတ်သူတွေမဟုတ်ဘူး။ တော်ရုံကိစ္စနဲ့လည်း ခေါင်းစားမခံဘူး။ မိန်းကလေးတွေကျတော့ အတွေးလည်းများတယ်။ ဇီဇာကြောင်သလို စိုးရိမ်စိတ်လည်းကြီးတယ်။ အချစ်နဲ့ပတ်သက်လာရင်တော့ ယောက်ျားလေးတွေက ဒါတွေကို ခေါင်းထဲတောင်မထည့်တတ်ကြဘူး။
၁။ မချက်နိုင်ဘူး
ကိုယ်ယူတဲ့မိန်းမက ချက်ကျွေးတာကိုတော့ စားချင်ကြတာပေါ့။ ဒါပေမဲ့ ထမင်း၊ဟင်း မချက်တတ်လို့ မချစ်ဘူးဆိုတာ မရှိပါဘူး။ တကယ်ချစ်ရင် သူတို့ကတောင် ပြန်ချက်ကျွေးဦးမှာ။
၂။ ခန္ဓာကိုယ်အမွေးအမှင်
ခြေသလုံးမွေးတွေ ရှည်နေလို့ waxing ကလည်း မလုပ်နိုင်သေးလို့ ကိုယ်ကသာ စိတ်ညစ်နေတာ။ သူကတော့ အေးဆေးပဲ။ သူ့အတွက် ပြဿနာမရှိဘူး။ သတိတောင် ထားမိချင်မှ ထားမိမှာ။
၃။ မိတ်ကပ်
မိတ်ကပ်မလိမ်းထားရင် ပိုတောင်သဘောကျသေး။ မိတ်ကပ်တွေ ထူလပျစ်ကြီးလိမ်းထားရင်သာ သူတို့ကမကြိုက်တာ။ ချစ်သူမျက်နှာကို ပကတိအတိုင်းမြင်ရလို့ ဘာမှမဖြစ်ဘူးရယ်။