အောက်မှာဖော်ပြထားတာက နက္ခတ္တဗေဒပညာအရ အီမိုရှင်နယ်အဆန်ဆုံးလို့ ယူဆခံထားရတဲ့ ရာသီခွင်တွေပါပဲ။ ကိုယ့်သူငယ်ချင်းထဲမှာ အဲဒီရာသီခွင်ဖွားတွေ ပါနေမယ်ဆိုရင် သူတို့နဲ့ ဆက်ဆံရာမှာ သူတို့ရဲ့ခံစားချက်ကို မထိခိုက်မိစေဖို့ သတိထားရမှာဖြစ်ပါတယ်။

၁။ မိဿ (Aries)

အဲဒီလိုဖြစ်မယ်လို့ မထင်ရပေမယ့် တကယ်တမ်းကျတော့ မိဿရာသီဖွားတွေဟာ အီမိုရှင်နယ်ဆန်တဲ့လူတွေပါပဲ။ သူတို့ဟာ စွန့်စားမှုတွေကို ဝါသနာထုံသလို ဘဝရဲ့စစ်မှန်တဲ့ ပျော်ရွှင်မှုတွေကို အပြည့်အဝရရှိအောင် ဘာလုပ်ရမယ်ဆိုတာကိုလည်း သိပါတယ်။ သူတို့ကိုကြည့်လိုက်ရင် အမြဲတက်ကြွလန်းဆန်းပြီး ပျော်ရွှင်နေတာကို တွေ့ရှိရမှာပါ။

၂။ မေထုန် (Gemini)

မေထုန်ရာသီဖွားတွေကတော့ အရာရာတိုင်းမှာ အသေးစိတ်ကျလွန်းသူတွေဖြစ်ပါတယ်။ သူတို့မျှော်လင့်ထားသလို ဖြစ်မလာတဲ့အချိန်တိုင်းမှာ သူတို့ဟာ အလွယ်တကူ စိတ်တို၊ စိတ်ရှုပ်၊ စိတ်ဓာတ်ကျ လွယ်ကြပါတယ်။ ဝမ်းနည်းမှုကိုလည်း ဖော်ပြဖို့ရာ ဝန်မလေးတတ်ကြပါဘူး။ သူတို့ခံစားချက်တွေကို မျက်နှာပေါ်မှာ စာရေးထားသလို အမြဲပေါ်လွင်နေစေတဲ့အတွက် သူတို့နဲ့ ဆက်ဆံရတာ သိပ်အခက်ခဲကြီးတော့ မဟုတ်ပါဘူး။

၃။ ကရကဋ် (Cancer)

ဟုတ်ပါတယ်။ ကရကဋ်ရာသီဖွားတွေဟာလည်း အီမိုရှင်နယ်ဆန်ပြီး စိတ်ပိုင်းဆိုင်ရာ ထိလွယ်ရှလွယ်သူတွေလည်း ဖြစ်ကြပါတယ်။ တစ်ခုရှိတာက ကရကဋ်ရာသီဖွားတွေဟာ သူ တို့ရဲ့စိတ်ခံစားမှုတွေကို ကိုင်တွယ်ရာမှာ ညံ့ဖျင်းပါတယ်။ ဒါကြောင့် သူတို့စိတ်ထဲမှာ ဝမ်းနည်းသလိုခံစားလာရတိုင်း သူများတွေရှေ့မှာ အပြုံးတုလေးပြုံးပြပြီး သူတို့ပျော်နေသယောင် ထင်ရအောင် ဖန်တီးတတ်ပါတယ်။ ဒါပေမယ့် အဲဒီလို အပြုံးတုလေးပြုံးနေရင်း သူတို့ရဲ့ဝမ်းနည်းမှုတွေကို တခြားသူတွေက သတိပြုမိစေဖို့ တိတ်တိတ်လေးကျိတ်ပြီး မျှော်လင့်နေမိတတ်ပါတယ်။

၄။ ဗြိစ္ဆာ (Scorpio)

ဗြိစ္ဆာရာသီဖွားတွေကတော့ ဒဲ့တိုးဆန်ပြီး ဘာကြီးပဲဖြစ်နေပါစေ။ သူတို့ရဲ့စိတ်ခံစားချက်တွေကို ဒဲ့ဖော်ပြဖို့ရာ ဝန်မလေးပါဘူး။ သေချာတာတစ်ခုကတော့ သူတို့ဟာ သင့်ကို နောက်ကျောက ဓားနဲ့ထိုးမယ့် လူစားမျိုးတွေမဟုတ်ပါဘူး။ သင့်မှာသူတို့မကြိုက်တဲ့အချက်တွေ ရှိနေရင်တောင် သူတို့က ဒဲ့တိုးပဲလာပြောမှာဖြစ်ပါတယ်။ များသောအားဖြင့် သူတို့စိတ်ထဲမှာ ဝမ်းနည်းသလိုခံစားလာရတိုင်း အပြုအမူတွေကတဆင့်ပဲ ဖော်ပြတတ်ကြပါတယ်။ သူတို့ဟာ ဒေါသလည်း ထွက်လွယ်ကြပါတယ်။

၅။ မိန် (Pisces)

မိန်ရာသီဖွားတွေကတော့ အီမိုရှင်နယ်အဆန်ဆုံး ရာသီဖွားတွေပါ။ သူတို့အတွက်တော့ သူများတွေက သူတို့ရဲ့ စိတ်ခံစားချက်တွေကို အလေးမထားရင်တောင်မှ သူတို့ကတော့ သူများတွေရဲ့ စိတ်ခံစားချက်တွေကို အမြဲအလေးထားပါတယ်။ သူတို့အပေါ် သူများတွေက ဆိုးဆိုးဝါးဝါးဆက်ဆံလာတိုင်းလည်း အမြဲရင်ဘတ်ကြီးနဲ့ ခံစားလေ့ရှိကြပါတယ်။

ဘာလို့လဲဆိုတော့ သူတို့က အရမ်း စိတ်ခံစားလွယ်တတ်ကြလို့ပါပဲ။ သူများတွေရဲ့စကားတွေ၊ ဟန်ပန်အမူအရာတွေကိုလည်း အရမ်းအလေးထားပါတယ်။ သူတို့အပေါ်လေးစားမှုကိုလည်း မျှော်လင့်တတ်ကြပါတယ်။

Source: Youngisthan