တချို့ကောင်မလေးတွေ လှလည်းလှတယ်၊ တော်လည်း တော်ရဲ့သားနဲ့ သူတို့နဲ့ မလိုက်ဖက်တဲ့ ခပ်ဆိုးဆိုး ကောင်လေးတွေကို ချစ်နေကြတာမျိုး မြင်ဖူးလား။ ဒါမှမဟုတ် ကိုယ်တိုင်ရော ကြုံခဲ့ဖူးလား။ ခပ်ဆိုးဆိုးကောင်လေးတွေကို ကောင်မလေးတွေ ဘာကြောင့်များ ကြွေရသလဲဆိုတာ မတွေးတတ်တော့လောက်အောင်ပါပဲ။ အဲ့လို ခပ်ဆိုးဆိုးကောင်လေးတွေကို ရွေးချယ်မိသူတွေကတော့ ဒါတွေကြောင့် ရွေးချယ်ဖြစ်ကြတယ်ဆိုတာ ပြောသွားတယ်။

အရမ်းကို ဆိုးရွားပြင်းထန်လွန်းတဲ့ ခက်ခဲကြမ်းတမ်းမှုတွေနဲ့ ကြုံရတဲ့အခါ မိန်းကလေးတွေဟာ ပျက်စီးတတ်ကြတယ်။ ကိုယ့်ကိုယ်ကိုယ်လည်း မထိမ်းသိမ်းနိုင်တော့ဘူး။ အရမ်းစိတ်ညစ်ပြီး လုပ်ချင်ရာ လုပ်လာကြတော့တယ်။ ဒီတော့ ကိုယ်ဆိုးတာထက် ပိုဆိုးတဲ့ကောင်လေးတွေကို တွဲဖြစ်သွားရော။ တချို့ဆို မူးယစ်ဆေး စွဲသွားကြတာမျိုးတောင် ရှိတယ်။ အတူတူ ဆိုးကြရင်း နှစ်ယောက်အတူ ပျက်စီးသွားကြရတာက သိပ်နှမျောဖို့ကောင်းပါတယ်။