အရွယ်လည်းရလာပြီ၊ အလုပ်အကိုင်လေးလည်းရှိ၊ ရုပ်ရည်လေးကလည်းမဆိုးဘူး။ ချစ်သူရည်းစားမရှိဘဲ အထီးကျန်ဝေဒနာကို ခံစားနေရတာလေးပဲဆိုးတာ။ တွဲကြည့်လိုက်တယ်၊ တကယ်ချစ်ဖို့၊ ဘဝလက်တွဲဖော်အဖြစ် ရွေးချယ်ဖို့ကျတော့ ခက်နေရတဲ့ အကြောင်းအရင်းတွေဟာ ဒါတွေပါပဲ။
၁။ ဒဏ်ရာတွေမကျက်သေးဘူး
အရင်တုန်းက ရခဲ့တဲ့ အချစ်ဒဏ်တွေက မေ့မေ့ပျောက်ပျောက် ရှိနေတာတောင် တိုက်ဆိုင်တိုင်း ခံစားနေရတုန်းပဲ။ နောက်တစ်ကြိမ်ထပ်ပြီး နာကျင်ခံစားရမှာ ကြောက်နေမိတယ်။
၂။ စံနှုန်းတွေကများလွန်းတယ်
အရက်မသောက်ရဘူး၊ ဆေးလိပ်မသောက်ရဘူး၊ ဘာဘွဲ့ရမှ၊ ဘယ်လိုမျိုးမှ ဆိုပြီးတော့ စံသတ်မှတ်တွေက များလွန်းနေရင်လည်း ချစ်သူရဖို့ခက်တယ်။
၃။ ပိုင်ရှင်ရှိပြီးသားကိုမှချစ်မိတယ်
ပိုင်ရှင်ရှိတယ်ဆိုတာက သူ့မှာ အိမ်ထောင်ရှိတာလည်းဖြစ်နိုင်တယ်၊ ချစ်သူရှိတာလည်းဖြစ်နိုင်တယ်။ ဘယ်လိုပဲဖြစ်ဖြစ် ကိုယ့်ဘက်က ရှေ့ဆက်တိုးလို့ မရဘူးလေ။ နောက်တစ်မျိုးကတော့ ကိုယ်မဟုတ်ဘဲ တခြားလူကိုနှလုံးသားအပိုင်ပေးထားတဲ့လူမျိုးပေါ့။ သူလည်း single ပဲ။ ဒါပေမဲ့ သူ့နှလုံးသားက သူများဆီမှာ။
၄။ သံသယများတဲ့ကိုယ်
ကိုယ့်စိတ်က တစ်ခုခုဆို အယုံမလွယ်ဘူး။ သံသယကြီးတယ်။ အဲ့ဒီတော့ လူတစ်ယောက်ကိုချစ်ဖို့လည်းခက်တယ်လေ။
၅။ ငြီးငွေ့လွယ်သူ
ကိုယ့်ကိုယ်ကိုယ် အချစ်ကြီးသူဆိုပြီး မထင်လိုက်နဲ့နော်။ အချစ်ကြီးတော့ လူတွေကို လွယ်လွယ်ချစ်၊ လွယ်လွယ်ဖြတ်နေမိတာ။ ရည်းစားသာ များသွားတယ်။ တကယ့်လက်တွဲဖော်ဆိုတာ ခုထိ ဘာမှန်းမသိသေးတဲ့ အပျိုကြီးတွေ အများကြီးပဲ။
၆။ ကြောက်တယ်
အိမ်ထောင်ကျသွားရင် တာဝန်ဝတ္တရားတွေကို ထမ်းဆောင်ရတော့မယ်။ အဲ့တာကို တွေးကြောက်တယ်။ ကိုယ့်ရဲ့ လွတ်လပ်ခွင့် ဆုံးရှုံးမှာရော၊ မလှတော့မှာရော ကြောက်နေတာနဲ့ ချစ်ပါတယ်ဆိုတဲ့လူကိုတောင် မယူရဲသူတွေအများကြီး