Relationships: Single ဘဝမှာ သာယာနေလို့ ဒီစကားတွေ မကြားလိုပါ

အိမ်ထောင်မပြုချင်လို့ အပျို/လူပျိုဘဝမှာ လွတ်လွတ်လပ်လပ် ပျော်နေတဲ့ single တစ်ယောက်မှာ အခွင့်အရေးတွေ အများကြီးမှ အများကြီး ရှိပါတယ်။ အမှီအခိုကင်းတယ်၊ သွားချင်တဲ့နေရာသွား၊ လုပ်ချင်တာလုပ်လို့ရတယ်။ ဘယ်သူ့ကိုမှလည်း ငဲ့ညှာစရာမလိုသလို ကိုယ့်ခြေထောက်ပေါ်ကိုယ်ရပ်နေလို့ ယုံကြည်ချက်လည်း ပိုခိုင်မာတယ်လေ။ အဲ့လိုမျိုး သာယာချင်လို့ အိမ်ထောင်မပြုဘဲ နေနေတဲ့ single တွေကို "အိမ်ထောင်မပြုသေးဘူးလား"ဆိုပြီး ခဏခဏ လာမေးမနေပါနဲ့။ ကြားရတာလည်း ငြီးငွေ့လှပါပြီ။ အဲ့လိုစကားတွေအပြင် နောက်ထပ် မကြားချင်တာတွေလည်း ရှိသေးတယ်။

၁။ ခြေငြိမ်တော့.... အိမ်ထောင်ပြု ကလေးယူတော့

play
 

ဘဝလက်တွဲဖော် ရှာတွေ့ပြီး လက်ထပ်၊ ကလေးတွေမွေးတယ်ဆိုတာ အရမ်းကို အံ့သြပျော်ရွှင်စရာကိစ္စပါ၊ ကိုယ်သာ တကယ်အလိုရှိတယ်ဆိုရင်ပေါ့လေ။ ဒါပေမဲ့ အဲ့ဒီကိစ္စက လူတိုင်းအဆင်ပြေချင်မှ ပြေမှာ။ အိမ်ထောင်မပြုချင်လို့ single ဘဝနဲ့ သာသာယာယာ နေနေပါတယ်ဆိုမှ အတင်းကာရော အိမ်ထောင်ပြုခိုင်းနေတယ်။ ကိုယ့်အတွက် တကယ်အဆင်ပြေတဲ့လူ ပေါ်လာရင် အိမ်ထောင်ပြုမှာပါ။ မပူပါနဲ့ အဲ့ကျရင် မယူပါနဲ့ပြောလည်း ယူဖြစ်အောင်ယူမှာ။

 

၂။ နင်နဲ့ကိုက်ညီမယ့်လူကို တွေ့ထားတယ်

နင့်အသက်အရွယ်၊ အလုပ်အကိုင်နဲ့ အပ်စပ်မယ့်လူကို ငါတွေ့ထားတယ်။ မိတ်ဆက်ပေးရမလားတို့ ဘာတို့ လာမပြောပါနဲ့။ အိမ်ထောင်ပြုတယ်ဆိုတာ နှလုံးသားချင်းရင်းနှီးမှရတာ။ တစ်သက်လုံးပေါင်းရမယ့်လူကို ကိုယ့်ဘာသာရွေးပါ့မယ်။

၃။ အသက်ကြီးလာပြီနော်

play
 

ဘယ်အသက်အရွယ်ပဲရောက်ရောက် ကိုယ့်အတွက် အဆင်ပြေနေရင် အသက်ဆိုတာ ကိန်းဂဏန်းနံပတ်တစ်ခုပဲ။ တစ်ယောက်ယောက်ကိုချစ်ဖို့နဲ့ လက်တွဲဖော်ကို ရှာဖို့ဆိုတာ ဘယ်တော့မှ သက်တမ်းကုန်ဆုံးရက်ရယ်လို့ မရှိပါဘူး။ ချစ်ရမယ့်လူ မတွေ့သေးလို့ single ဘဝနဲ့ ပျော်နေတာ။

၎။ သိပ်ပြီးရွေးမနေနဲ့

မသိရင် ကိုယ်ကပဲ စံနှုန်းသတ်မှတ်ချက်တွေ များလွန်းလို့ ယူမယ့်လူမရှိတဲ့ဘဝကို ရောက်နေသလိုမျိုး အားမနာလျှာမကျိုး ပြောတာမျိုးဆို သိပ်မုန်းတာ။ ကိုယ့်ကိုယ်ကိုယ် တန်ဖိုးထားတဲ့လူတစ်ယောက်ဟာ ကိုယ့်ကိုတန်ဖိုးထားပေးမယ့်လူကိုပဲ လက်ထပ်ချင်ကြပါတယ်။ ကိုယ်နဲ့ တစ်သက်လုံးပေါင်းရမယ့်လူမို့လို့ လွယ်လွယ်နဲ့ မဆုံးဖြတ်ချင်တာပါ။ မပျော်ရွှင်တဲ့ အိမ်ထောင်သည်ဘဝထက် သာယာတဲ့ အပျို/လူပျိုဘဝ အများကြီးသာတယ်။

၅။ နည်းနည်းလောက်အားစိုက်စမ်းပါ

play
 

အမလေးးး ရှက်တတ်တဲ့ မိန်းကလေးတွေသာဆို ဒီစကားကြားရင် မိုးကြိုးပစ်ချခံရသလို ဖြစ်သွားမှာ။ သူပြောမှပဲ ကိုယ်က ဆတ်စလူးထပြရတော့မလို၊ ယောက်ျားတွေနဲ့ လိုက်ကျူနေရတော့မလိုပဲ။ ယောက်ျားလေးတွေဆိုလည်း ဘာထူးလဲ။ မိန်းမတွေနဲ့ ပရောပရီလုပ်၊ အီနေရမှာလား။ ဆောရီးပါ။ အဲ့လိုတွေမလုပ်လည်း အသည်းတစ်ခြမ်းကို တစ်နေ့နေ့မှာ တွေ့လာမယ်လို့ ယုံပြီးသားပါ။

Postby

 

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ