AD
AD
AD

ဖေ့စ်ဘုတ်ပေါ်မှာ သူများတွေက ချစ်သူပေးတဲ့လက်ဆောင်တွေကို ဓာတ်ပုံရိုက်ပြီး တင်နေတာမြင်ပြီး ဝမ်းနည်းသလို အထီးကျန်သလို ခံစားမိကြဖူးလား။ ချစ်သူမရှိတဲ့ မဒီလေးတွေရော ၊ ချစ်သူက အဝေးမှာမို့လို့ ဝမ်းနည်းမိတဲ့ မဒီလေးတို့ကိုရော ချစ်သူများနေ့ရောက်ရင် အားငယ်မိတဲ့ ခံစားချက်တွေ ဝင်မနေပါနဲ့။ ချစ်သူများနေ့မှာ ချစ်သူမရှိတာ ပိုတောင်ကောင်းသေးတယ်။

၁။ အလုပ်မပျက်ဘူး

play
 

ရုံးဖွင့်ရက်၊ ကျောင်းဖွင့်ရက်ကြီးဆိုတော့ ချစ်သူနဲ့ လျှောက်လည်ချင်ရင် ကျောင်းပျက်၊ အလုပ်ပျက်တော့မှာ။ ဒီနေ့မှကွက်ပြီး အလုပ်ပျက်ရင် ကိုယ့်အထက်လူကြီးကလည်း ငြိုငြင်မယ်။ အလုပ်လည်းပျက်တယ်။

၂။ ငွေကုန်သက်သာတယ်

ချစ်သူကို လက်ဆောင်ပေးရင်လည်း ပိုက်ဆံကထွက်ဦးမယ်။ လျှောက်လည်ရင်လည်း ကုန်ဦးမယ်။ အဲ့ဒီပိုက်ဆံတွေကို တခြားမှာသုံးလို့ရတာပေါ့။ ဒီကြားထဲ ချစ်သူများနေ့မှ ဈေးတင်ရိုက်တဲ့ ဂျင်းဆိုင်တွေရဲ့ ဂျင်းပစ္စည်းတွေလည်း ရှိသေးတာ။ ကိုယ်က အဲ့လိုဂျင်းတွေ မမိတော့ဘူးလေ။ အေးဆေးပဲ။

၃။ အလုပ်မရှုပ်ဘူး

play
 

ချစ်သူနဲ့တွေ့ဖို့ ချိန်းထားလို့ ပြင်ရ ဆင်ရတာတွေ၊ အဝတ်အစားသစ်တွေ၊ မိတ်ကပ်ဖိုးတွေ မကုန်တော့ဘူး။ သူက ဘုရားသွားဖို့ပြော ၊ ကိုယ်ကလည်း ရာသီဥတုပူလို့ အရှည်မဝတ်ချင် .... အဲ့လိုမျိုးအဖြစ်တွေ ဖြစ်လာစရာမရှိတော့ဘူးလေ။ ကိုယ်ကြိုက်လို့ ကိုယ်လုပ်တာပဲရှိမှာ။ သူ့အကြိုက်လိုက်လုပ်စရာကို မလိုတော့တာ။

၎။ အမှတ်ကောင်းရတယ်

သူများတွေက ချစ်သူများနေ့ လျှောက်သွားကြချိန် ကိုယ်ကတော့ ပုံမှန်ပဲ။ ရုံးလည်းမပျက်ဘူး။ ကျောင်းသူဆိုလည်း အတန်းမပျက်ဘူး အိမ်ကိုပုံမှန်ချိန်အတိုင်း ပြန်ရောက်လာတယ်။ အဲ့ဒီကျတော့ လူကြီးတွေက သဘောကျမှာ သေချာတယ်လေ။ ကိုယ့်ဘာသာကိုယ် နေရင်းထိုင်ရင်းကို အမှတ်ကောင်းရနေတာ။

၅။ Anti-Valentine's Day

play
 

ဒီလိုပွဲတွေရှိရင် သွားပလိုက်တော့။ အားပေးတယ်။ ချစ်သူရည်းစားမရှိတဲ့ single တွေချည်း စုပြီး နွှဲကြတဲ့ ပွဲတွေမှာ သူငယ်ချင်းအသစ်တွေလည်း ရဦးမယ်။ အားငယ်သလို အထီးကျန်သလိုဖြစ်နေတာလည်း ပျောက်သွားမယ်။ အခန့်သင့်ရင် ကိုယ့်လက်တွဲဖော်ဖြစ်လာနိုင်သူကိုလည်း တွေ့ချင်တွေ့ဦးမှာ။

ဤအကြောင်းအရာကို သင်ဘယ်လိုထင်ပါသလဲ။
AD

AD