ဘရူနိုကန်မယ့်အချိန်မှာ ရော်နယ်ဒိုကို မင်းကန်လေလို့ ပြောခဲ့တာပါ။

ဗီလာက ၁-၀ နဲ့ အနိုင်ရရှိခဲ့တဲ့ပွဲမှာ ပွဲပြိးခါနီး ယူနိုက်တက်တို့ ပင်နယ်တီရရှိခဲ့ပေမယ့် ဘရူနိုဖာနန်ဒက်စ်ကန်သွင်းခဲ့ရာမှာ လွဲချော်ခဲ့တာကြောင့် ဗီလာတို့အဖိုးတန်သုံးမှတ်ရရှိသွားခဲ့ပါတယ်။


ဗီလာဂိုးသမားအီမီလီယာနိုမာတီနက်ဇ်ဟာ မနေ့က ယူနိုက်တက်ကို အနိုင်ရရှိခဲ့တဲ့ပွဲမှာ ယူနိုက်တက်ပရိသတ်တွေ မခံချိမခံသာဖြစ်စေမယ့် လုပ်ရပ်တွေကို ပြုလုပ်ပြီး စနောက်သွားခဲ့ပါတယ်။ ဗီလာက ၁-၀ နဲ့ အနိုင်ရရှိခဲ့တဲ့ပွဲမှာ ပွဲပြိးခါနီး ယူနိုက်တက်တို့ ပင်နယ်တီရရှိခဲ့ပေမယ့် ဘရူနိုဖာနန်ဒက်စ်ကန်သွင်းခဲ့ရာမှာ လွဲချော်ခဲ့တာကြောင့် ဗီလာတို့အဖိုးတန်သုံးမှတ်ရရှိသွားခဲ့ပါတယ်။

အဆိုပါပင်နယ်တီမကန်သွင်းခင် ဖာနန်ဒက်စ်က ဘောလုံးတည်နေပြီး ကွင်းလယ်ဒိုင်နဲ့နှစ်ဖက်အသင်းသားတွေကြား စကားအချေအတင်ပြောဆိုနေစဉ်အတွင်း မာတီနက်ဇ်က ယူနိုက်တက်တိုက်စစ်မှူးရော်နယ်ဒိုကို "ရော်နယ်ဒို၊ မင်းကန်လေ၊ ရော်နယ်ဒို မင်းကန်လေ" လို့ ပြောဆိုခဲ့ကြောင်း သိရပါတယ်။ ဒီအခြေအနေမှာ ကာဗာနီက ဝင်ရောက်လာခဲ့ပြီး မာတီနက်ဇ်ကို စိတ်အေးအေးထားဖို့နဲ့ ဂိုးပေါက်ကို ပြန်သွားဖို့ပြောခဲ့ကြောင်း သိရပါတယ်။ 


ဖာနန်ဒက်စ်ကတော့ ပင်နယ်တီကန်သွင်းခဲ့ရာမှာ ဖိအားတွေရှိနေခဲ့ပြီးနောက် မိုးပေါ်ထောင်ကန်ပစ်ခဲ့ပါတယ်။ ဖာနန်ဒက်စ်ရဲ့ ကန်သွင်းမှုလွဲချော်သွားခဲ့ချိန်မှာတော့ မာတီနက်ဇ်ဟာ ယူနိုက်တက်ပရိသတ်တွေဘက်ကိုလှည့်ပြီး ကပြကာ အောင်ပွဲခံသွားခဲ့ပါတယ်။ ပင်နယ်တီကာကွယ်မှုမှာ နာမည်ကြီးတဲ့ မာတီနက်ဇ်ရဲ့ ပြုမူခဲ့ပုံက ပင်နယ်တီမဝင်လို့ စိတ်ပျက်နေတဲ့ ယူနိုက်တက်ပရိသတ်တွေအတွက် ခံပြင်းစရာလည်း ဖြစ်ခဲ့မှာ အသေချာအပါပဲ။


ပုုံမှန်အားဖြင့် ဖာနန်ဒက်စ်ကပဲ အသင်းရရှိတဲ့ ပင်နယ်တီတွေကို ဒိုင်ခံသွင်းယူနေတာဖြစ်ပါတယ်။ ဒါပေမယ့် အသင်းကို ရော်နယ်ဒိုရောက်လာပြီးနောက် ပင်နယ်တီကို ဘယ်သူကန်သွင်းမလဲဆိုတာ အားလုံးစိတ်ဝင်စားခဲ့ကြပါတယ်။ မနေ့ကပွဲမှာတော့ ဖာနန်ဒက်စ်တာဝန်ယူခဲ့တာဖြစ်ပြီး လွဲချော်ခဲ့တဲ့နောက် ရော်နယ်ဒိုက ချက်ချင်းပဲသွားရောက်နှစ်သိမ့်ပေးတာကိုလည်း မြင်တွေ့ခဲ့ရပါတယ်။ 

Share

က္က