စိတ်ဖိစီးမှုတွေနဲ့ချည်း နေ့စဉ်ရင်ဆိုင်နေရတယ်။ ဘာမဟုတ်တာလေးတွေကို စိုးရိမ်ပူပန်နေရပြီး နှလုံးခုန်မြန်တာ၊ လက်ဖဝါးမှာ ချွေးစီးတွေပြန်တာ ၊ စိတ်ဖိစီးမှုတွေ များနေရပါတယ်ဆိုတဲ့သူတွေအတွက် စိတ်ပြန်တည်ငြိမ်ပြီး စိုးရိမ်စိတ်တွေ လျော့ကျစေနိုင်မယ့် နည်းလမ်းကောင်းလေးတွေ ဝေမျှပေးပါရစေ။ 

၁။ကိုယ့်ရဲ့ စိုးရိမ်စိတ်ကို မေးခွန်းထုတ်ပါ 

ကိုယ်က တစ်ခုခု ကို အလွန်အမင်းစိုးရိမ်နေမိပြီဆိုရင် အဲဒီစိတ်နဲ့ ပတ်သက်ပြီး သေချာ ကိုယ့်ကိုယ်ကိုယ် မေးခွန်းပြန်ထုတ်ပါ။ ကိစ္စရပ်တွေအပေါ် အဆိုးမြင်နေတာတွေ များနေပြီဆိုရင်လည်း ဘာမှမဟုတ်ဘဲနဲ့ကို စိုးရိမ်နေတတ်ပါတယ်။ တကယ်ကော ဒီကိစ္စက စိုးရိမ်ရသလား၊ ဖြေရှင်းဖို့ နည်းလမ်းမရှိနိုင်တော့ဘူးလားဆိုတာကို သေချာပြန်တွေးပြီး မေးခွန်းထုတ်ဖို့ လိုပါတယ်။ 

Photo: Sunwarrior

၂။ အသက်ရှုသွင်း ရှုထုတ်လုပ်ကြည့်ပါ 

Photo: Medical News Today

၃။ရနံ့ကုထုံးကိုသုံးပါ

ခုနောက်ပိုင်းမှာ ဆိုရှယ်မီဒီယာကနေ ဝယ်ယူလို့ရတဲ့ ရနံ့ကုထုံးတွေအများကြီးပါပဲနော်။ ဆီပုံစံ ၊ နံ့သာဆီမီးပုံစံ ၊  ဖယောင်းတိုင်ပုံစံ စတဲ့ ပုံစံမျိုးစုံရှိပါတယ်။ ရနံ့တွေမှာလည်း လာဗင်ဒါရနံ့ ၊ chamomile ရနံ့ စန္ဒကူးနံ့သာ စတဲ့ ကိုယ်ကြိုက်နှစ်သက်ရာ ရနံ့တွေကို ဝယ်ယူအသုံးပြုနိုင်ပါတယ်။ ရနံ့ကုထုံးတွေဟာလည်း စိတ်ကို သက်သောင့်သက်သာဖြစ်စေပြီး အတွေးတွေ၊ စိုးရိမ်ပူပန်မှုတွေကို လျော့ချပေးနိုင်ပါတယ်။

Photo: Shape Magzine

၄။လမ်းလျှောက်တာ ဒါမှမဟုတ် ယောဂကျင့်တာ ပြုလုပ်ပါ 

စိုးရိမ်ပူပန်မှုတွေ လျော့ချဖို့ဆိုတာ ကိုယ့်ရဲ့ အတွေးတွေကို ပစ်ချဖို့လိုအပ်ပါတယ်။ ၁၅ မိနစ်လောက် လမ်းလျှောက်တာ ဒါမှမဟုတ် ယောဂကျင့်တာတွေက စိုးရိမ်သောကရောက်နေတဲ့ အခြေအနေတွေကို လျှော့ချပစ်ဖို့အကောင်းဆုံး နည်းလမ်းတွေထဲက တစ်ခုပါပဲ။ ကိုယ့်ရဲ့ ခန္ဓာကိုယ်ပေါ် အာရုံတွေ စုစည်းလိုက်တာဟာ ကိုယ့်ရဲ့ အတွေးထဲက စိုးရိမ်မှုတွေကို ရှင်းထုတ်လိုက်နိုင်စေပါတယ်။ 

Photo: Gulf News

၅။အတွေးတွေကို ချရေးပါ 

ခေါင်းထဲမှာ စိုးရိမ်ပူပန်စရာတွေက များနေတယ်။ ဘာလုပ်ရမလဲမသိတော့ဘူးဆိုရင် ကိုယ့်ကို စိုးရိမ်ပူပန်စေတဲ့ အတွေးတွေကို ချရေးလိုက်တာကလည်း အကောင်းဆုံးနည်းလမ်းဖြစ်ပါတယ်။ ကိုယ့်ရဲ့ စိုးရိမ်ပူပန်မှုတွေကို နံပါတ်စဉ်တပ်ပြီး ချ‌ရေးလိုက်ခြင်းဟာ အတွေးထဲက ကြောက်နေတဲ့ စိုးရိမ်သောကတွေကို လျော့နည်းသွားစေတာကို အံ့သြဖွယ်ကောင်းအောင် ကြုံတွေ့ရပါလိမ့်မယ်။ 

ဒီအချက် ၅ ချက်ကတော့ နေ့စဉ်ဘဝမှာ ခြေမကိုင်မိ လက်မကိုင်မိဖြစ်နေအောင် စိုးရိမ်သောကများသူတွေအတွက် အသုံးတည့်မယ့် နည်းလမ်းလေးတွေပဲဖြစ်ပါတယ်။ 

Ref; healthline.com