ဘာစီလိုနာကွင်းလယ်ကစားသမားဟောင်း ဖာဘရီဂတ်စ်က ရီးရဲလ်မက်ဒရစ်တောင်ပံကစားသမား ဗင်နီးရှပ်စ် ဂျူနီယာကို ချီးကျူး ပြောဆိုမှုတွေ ပြုလုပ်ခဲ့ပါတယ်။
စပိန်ကွင်းလယ်ကြယ်ပွင့်ဟောင်းဟာ ဘရာဇီးလ်တောင်ပံကစားသမားဟာ နေမာနဲ့ ရော်နယ်လ်ဒင်ညိုတို့လိုမျိုး ရပ်တန့်လို့မရနိုင်တဲ့သူဖြစ်လာနိုင်တယ်လို့ ပြောကြားခဲ့တာ ဖြစ်ပါတယ်။ ဗင်နီးရှပ်စ်ဟာ ရီးရဲလ်မက်ဒရစ်အသင်းနဲ့ တောက်ပတဲ့ ခြေစွမ်းပြသခဲ့ပြီးနောက်ပိုင်း လက်ရှိမှာ ကမ္ဘာပေါ်က အကောင်းဆုံး တောင်ပံကစားသမားတွေထဲက တစ်ဦးအဖြစ် ယူဆခြင်းခံထားရသူဖြစ်ပါတယ်။
ဘရာဇီးလ်ကြယ်ပွင့်ဟာ ရီးရဲလ်မက်ဒရစ်အသင်းအတွက် အဓိကကစားသမားဖြစ်လာဖို့ လုံလောက်တဲ့ ရင့်ကျက်မှုမျိုး ပြသနိုင်ခဲ့သူဖြစ်ပြီး ကာရင် ဘန်ဇီးမားနဲ့အတူ ကြောက်မက်ဖွယ် တိုက်စစ်အတွဲကို ပုံဖော်နိုင်ခဲ့တာဖြစ်ပါတယ်။ ဖာဘရီဂတ်စ်က ဗင်နီးရှပ်စ် ဂျူနီယာဟာ ၎င်းနဲ့ တစ်နိုင်ငံတည်းသားတွေဖြစ်တဲ့ ရော်နယ်လ်ဒင်ညိုနဲ့ နေမာတို့လိုမျိုး ရပ်တန့်လို့မရနိုင်တဲ့သူ ဖြစ်လာလိမ့်မယ်လို့ ယုံကြည်နေတာဖြစ်ပါတယ်။
"ဗင်နီးရှပ်စ်က အလုပ်တွေ အများကြီး လုပ်နိုင်တဲ့သူပါ။ သူက တောင်ပံကစားသမားဖြစ်ခဲ့ရင် သူ သူ့နေရာကို သူ ကာဗာလုပ်နိုင်ဖို့ ကြိုးပမ်းပါလိမ့်မယ်။ တခြားကစားသမားတွေနဲ့ဆို လုပ်မယ်လို့ ကျွန်တော် မထင်တဲ့ အရာကိုတောင် လုပ်နေပါတယ်။ ဘာလို့လဲဆိုတော့ ဒီတစ်ယောက် ပိုပြီးကောင်းမွန်လို့ပါ။ ခင်ဗျား သူ့ကို ပွဲထဲကနေ ထုတ်ပစ်နိုင်ဖို့ ကြိုးပမ်းရမှာပါ။ ဘာလို့လဲဆိုတော့ သူက အရမ်း ကောင်းလို့ပါ"
"ဟုတ်တာပေါ့။ ကစားသမားက ဒါကို ဒေါသထွက်ပြီး ထွက်သွားလို့ မရပါဘူး။ သူက အရမ်းငယ်ရွယ်တဲ့ကောင်လေးပါ။ ခင်ဗျားအဲဒါကိုလည်း ထည့်တွက်ရမှာပါ။ သူ ဒီဟာ(ပြိုင်ဘက်တွေရဲ့ ပစ်မှတ်ထားတိုက်ခိုက်ခံရမှု)ကို ကောင်းကောင်း ထိန်းချုပ်နိုင်ရင် သူက ရော်နယ်လ်ဒင်ညိုနဲ့ နေမာတို့လိုပဲ ရပ်တန့်လို့မရနိုင်တဲ့သူ ဖြစ်လာနိုင်ပါတယ်"လို့ ပြောကြားခဲ့ပါတယ်။