နယူးကာဆယ်တောင်ပံကြယ်ပွင့် အလန် စိန့်-မက်ဆီမင်က ၎င်းရဲ့အသင်းက မန်ချက်စတာယူနိုက်တက်ကို အနိုင်ရရှိခဲ့ပြီးနောက် တွစ်တာပေါ်မှာ သရဲနီပရိသတ်တစ်ဦးကို ရယ်မောဖွယ်ကောင်းတဲ့ တုံ့ပြန်မှု ပြုလုပ်ခဲ့ပါတယ်။
ငှက်ကျားတွေဟာ တနင်္ဂနွေနေ့က မန်ချက်စတာယူနိုက်တက်အသင်းကို ၂-၀ နဲ့ ထိုက်ထိုက်တန်တန် နိုင်ပွဲ ရယူပြီးနောက် အမှတ်ပေးဇယားအဆင့် ၃ နေရာကို တက်လှမ်းနိုင်ခဲ့တာ ဖြစ်ပြီး တန်ဟက်ရဲ့အသင်းကတော့ စပါးစ်က အဲဗာတန်နဲ့ ၁-၁ သရေကျခဲ့တာကြောင့် အဆင့် ၅ နေရာအထိ ဆင်းပေးခဲ့ရတာဖြစ်ပါတယ်။
အလန် စိန့်-မက်ဆီမင်က စိန့် ဂျိမ်းစ်ပါ့ခ်က နိုင်ပွဲအတွင်း ပါဝင်ကစားပေးနေတဲ့ ၎င်းရဲ့ ပုံကို တင်ခဲ့တာဖြစ်ပြီး ပြင်သစ်တောင်ပံကစားသမားဟာ မန်ချက်စတာယူနိုက်တက် ပရိသတ်တစ်ဦးဆီကနေ တုံ့ပြန်မှုကို ရရှိခဲ့တာဖြစ်ပါတယ်။
မန်ချက်စတာယူနိုက်တက်ပရိသတ်က စိန့်-မက်ဆီမင်ကို ဖေဖော်ဝါရီလတုန်းက ကာရာဘောင်းဖလားဗိုလ်လုပွဲမှာ မန်ချက်စတာယူနိုက်တက်ကို နယူးကာဆယ်က ရှုံးနိမ့်ခဲ့တာကို ပြန်သတိပေးတဲ့အနေနဲ့ မင်းတို့ဖလားက ဘယ်မှာလဲလို့ မှတ်ချက်ပေးခဲ့တာဖြစ်ပါတယ်။
နယူးကာဆယ်ကြယ်ပွင့်က မန်ချက်စတာယူနိုက်တက်ပရိသတ်ကို အလွန်ရယ်စရာကောင်းတဲ့ ဗီဒီယိုဖိုင်နဲ့အတူ မငိုနဲ့တိတ်တော့လို့ လှောင်ပြောင်ခဲ့တာ ဖြစ်ပါတယ်။ နယူးကာဆယ်ဟာ အမှတ်ပေးဇယား အဆင့် ၃ နေရာမှာ စတုတ္ထနေရာက စပါးစ်၊ ပဉ္စမနေရာက မန်ယူနိုက်တက်နဲ့ ရမှတ်တူညီနေပေမယ့်လည်း ဂိုးကွာခြားချက်အသာစီး ရရှိထားတာဖြစ်ပါတယ်။