အာစီ လွန်းစ်နောက်ခံလူ ကီဗင် ဒန်ဆိုက ပီအက်စ်ဂျီအသင်းပရိသတ်တွေက လီယွန်နယ် မက်ဆီကို လှောင်ပြောင်ခဲ့တဲ့ကိစ္စနဲ့ပတ်သက်ပြီး လက်ရှိမှာ ပြောဆိုလိုက်ပြီဖြစ်ပါတယ်။
လီယွန်နယ် မက်ဆီဟာ မကြာသေးမီအချိန်အတွင်း ၂ ကြိမ်အထိ ပီအက်စ်ဂျီအသင်းပရိသတ်တွေဆီကနေ လှောင်ပြောင်မှုတွေ ခံခဲ့ရတာဖြစ်ပြီး လွန်းစ်နောက်ခံလူက ပရိသတ်တွေအနေနဲ့ အာဂျင်တီးနားကြယ်ပွင့်ဆီမှာ ရှိနေတဲ့ သူမတူတဲ့ အရည်အချင်းနဲ့ ရင်ဆိုင်နေရတာကို ထည့်သွင်းစဉ်းစားသင့်တယ်လို့ ယုံကြည်နေတာဖြစ်ပါတယ်။
ပီအက်စ်ဂျီနဲ့ ယှဉ်ပြိုင်ကစားရမယ့် လီဂူးဝမ်းပွဲစဉ်မတိုင်ခင် နောက်ခံလူက သူက ရော်နယ်လ်ဒိုလိုပဲ ကျွန်တော့်အတွက်တော့ ကမ္ဘာ့အပြင်ဘက်ကနေ လာတဲ့သူပါ။ မက်ဆီက ပွဲစဉ်တွေမှာ ထူးထူးချွန်ချွန် ကစားနေဆဲပါ။ ကျွန်တော် ပရိသတ်တွေကို နားလည်တယ်။ ဒါပေမယ့် သူတို့တွေအနေနဲ့ မက်ဆီဆိုတာကို သိထားသင့်တယ်။ သူက မနှစ်ကထက်တောင် ပိုများတဲ့ သွင်းဂိုးတွေ၊ ဂိုးဖန်တီးမှုတွေ အများကြီးနဲ့ ကောင်းမွန်တဲ့ရာသီကို ပိုင်ဆိုင်နေတယ်လို့ ပြောကြားခဲ့တာဖြစ်ပါတယ်။