ဒီစီမံကိန်းက သဘာဝပတ်ဝန်းကျင်ကို ထိန်းသိမ်းပြီး အောင်မြင်မှုရရှိခဲ့တဲ့ Genius Coffee ရဲ့ နာမည်ကြီး ကော်ဖီစိုက်ပျိုးနည်း မော်ဒယ်ကို နမူနာယူထားတာ ဖြစ်ပါတယ်။ ရှမ်းပြည်နယ်တောင်ပိုင်း၊ ရပ်စောက်မြို့နယ်၊ နောင်တပန်ကျေးရွာက တောင်သူတွေနဲ့ Aung Nay Lin Htun Co., Ltd. (Genius) တို့ စနစ်တကျ လက်တွဲပြီး အကောင်အထည်ဖော်ထားတာပါ ။

သာမန်ကြက်သွန်ဖြူတွေနဲ့ ဘာတွေကွာခြားသွားလဲ?

၁။ ဆေးဝါးလုံးဝကင်းစင်ခြင်း ဓာတုပိုးသတ်ဆေးတွေနဲ့ ပြင်းထန်တဲ့ဓာတ်မြေဩဇာတွေအစား ဇီဝပိုးသတ်ဆေး (Bio-pesticides) နဲ့ သဘာဝမြေဆွေးတွေကိုပဲ အစားထိုးသုံးစွဲထားပါတယ် ။ ဒါကြောင့် စားသုံးသူတွေအတွက် ဓာတုကြွင်းကျန်မှုအန္တရာယ် လုံးဝမရှိတော့ဘဲ စိတ်ချလက်ချ စားသုံးနိုင်မှာပါ ။

၂။ ရာသီဥတုနဲ့ညီညွတ်တဲ့ စိုက်ပျိုးနည်းစနစ် (CSA) ခေတ်မီ 'Climate-Smart Mulching' စနစ်ကို သုံးထားတာကြောင့် မြေဆီလွှာတိုက်စားမှုကို ကာကွယ်ပေးသလို၊ မြေဆီလွှာရဲ့ အစိုဓာတ်ကိုလည်း သဘာဝအတိုင်း ထိန်းသိမ်းပေးတဲ့အတွက် ပတ်ဝန်းကျင်ကိုပါ ကာကွယ်ပြီးသား ဖြစ်သွားပါတယ် ။

၃။ တောင်သူတွေအတွက် တရားမျှတတဲ့ဈေးကွက် (Fair Trade) နိုင်ငံရေးနဲ့ စီးပွားရေး မတည်ငြိမ်မှုတွေကြားက တောင်သူတွေရဲ့ လူမှုစီးပွားဘဝကို ကာကွယ်ပေးဖို့ Genius ဘက်ကနေ GAP ကြက်သွန်ဖြူ ပိဿာချိန် ၈,၁၀၀ (၁၃ မက်ထရစ်တန်) ကို ဒေသတွင်း ပေါက်ဈေးထက် ၂၀% ပိုပေးပြီး တိုက်ရိုက်ဝယ်ယူခဲ့ပါတယ် ။

၄။ ကျေးရွာအတွက်ပါ အပိုဆောင်း Premium ကြေးပေးခြင်း ဒါတင်မကသေးပါဘူး... ပြည်ပတင်ပို့မှုကရတဲ့ အကျိုးအမြတ်ထဲက ၁၀% ကိုပါ နောင်တပန်ကျေးရွာရဲ့ အခြေခံအဆောက်အအုံ ဖွံ့ဖြိုးတိုးတက်ရေးအတွက် အပိုဆောင်း ပံ့ပိုးပေးသွားဦးမှာ ဖြစ်ပါတယ် ။

အခု ထွက်ရှိလာတဲ့ အရည်အသွေးမြင့် GAP ကြက်သွန်ဖြူတွေကို အာဆီယံ အရည်အသွေး စံချိန်စံညွှန်းတွေအတိုင်း ထိုင်းနိုင်ငံအပါအဝင် ဒေသတွင်း ပြည်ပပို့ကုန်ဈေးကွက်တွေဆီ တင်ပို့နိုင်ဖို့ ချိတ်ဆက် ဆောင်ရွက်နေပြီ ဖြစ်ပါတယ် ။

စားသုံးသူတွေအတွက် ကျန်းမာရေး၊ တောင်သူတွေအတွက် လူမှုစီးပွားဘဝနဲ့ သဘာဝပတ်ဝန်းကျင်ကိုပါ တစ်ပြိုင်နက်တည်း အကျိုးပြုမယ့် ဒီစံပြမော်ဒယ်ပြပွဲကြီးကို ဒီနေ့ ဇွန်လ ၂၈ ရက်၊ ရန်ကုန်မြို့ YCC မှာ ကျင်းပပြုလုပ်လျက် ရှိပါတယ် ။

ပြည်တွင်းဖြစ် စိုက်ပျိုးရေးထုတ်ကုန်တွေကို အခုလို နိုင်ငံတကာအဆင့်မီအောင် အဆင့်မြှင့်တင်လာနိုင်တာ တွေ့ရတာ တကယ့်ကို ဝမ်းသာဂုဏ်ယူစရာပါပဲ။

သတင်းအချက်အလက် ထပ်မံစုံစမ်းချင်သူတွေအတွက် Website: https://geniusshan.com/ , Email: garlic@geniusshan.com နဲ့ Phone: +959 970 200 702 တို့ကိုဆက်သွယ်မေးမြန်းနိုင်ပါတယ်။