ဖင်လန်နိုင်ငံမှာ ၂၀၁၉ ခုနှစ် ဒီဇင်ဘာလက သမိုင်းမှတ်တမ်းဝင်ပြီး ထူးခြားတဲ့အပြောင်းအလဲတစ်ရပ် ဖြစ်ပေါ်လာခဲ့ပါတယ်။ ဖင်လန်နိုင်ငံ သမိုင်းတလျှောက် အသက်အငယ်ဆုံး အမျိုးသမီး ဝန်ကြီးချုပ်သစ်ရှိလာခဲ့ပြီး ညွန့်ပေါင်းအစိုးရသစ်ကို အသက် ၃၄ နှစ်ကျော် တစ်ဦးတည်းသာပါဝင်တဲ့ အမျိုးသမီး ၅ ဦးက ဦးဆောင်လာခဲ့တာ ဖြစ်ပါတယ်။

ငယ်ပေမဲ့ ထက်ထက်မြက်မြက်ရှိသူ

မာရင်က အသက် ၁၅ နှစ်အရွယ်မှာကတည်းက မုန့်ဖုတ်သူအဖြစ် အလုပ်လုပ်ကိုင်ခဲ့ပါတယ်။ အထက်တန်းကျောင်းပြီးတဲ့နောက်မှာ ငွေကိုင်စာရေးအဖြစ် အလုပ်ရခဲ့ပါတယ်။ မာရင်ဟာ သူမရဲ့ မိသားစုထဲမှာ ပထမဆုံး တက္ကသိုလ်တက်ခွင့်ရခဲ့သူဖြစ်ပြီး University of Tampere ကနေ အုပ်ချုပ်ရေးသိပ္ပံဘွဲ့ရရှိခဲ့ပါတယ်။

အသက် ၂၀ အရွယ်မှာ မာရင်က နိုင်ငံရေးနယ်ပယ်ကို ဝင်ရောက်ခဲ့ပြီးနောက် Social Democratic ပါတီ အဖွဲ့ဝင်ဖြစ်လာခဲ့ပါတယ်။ မာရင်ဟာ အသက် ၂၇ နှစ်အရွယ်မှာTampere မြို့ကောင်စီဥက္ကဌအဖြစ် ရွေးချယ်ခံခဲ့ရသလို နောက် ၃ နှစ်အကြာ သူမရဲ့အသက် ၃၀ အရွယ်မှာပင် ပို့ဆောင်ရေးနဲ့ ဆက်သွယ်ရေးဝန်ကြီးအဖြစ် ခန့်အပ်ခံခဲ့ရတဲ့အထိ သူမရဲ့ နိုင်ငံရေး အရည်အချင်းကို ပြသနိုင်ခဲ့သူပါ။

သဘာဝပတ်ဝန်းကျင်ဆိုင်ရာ တက်ကြွလှုပ်ရှားသူ

လိင်တူစုံမက်သူ စုံတွဲက ပြုစုပျိုးထောင်ပေးခဲ့သူ

ဖခင်ဖြစ်သူ အရက်စွဲမှုနဲ့ ငွေရေကြေးရေးပြဿနာတွေကြောင့် မာရင်ရဲ့မိဘတွေ ကွာရှင်းခဲ့ကြပါတယ်။ ထို့နောက်မှာတော့ မာရင်ကို သူမရဲ့မိခင်နဲ့ မိခင်ဖြစ်သူရဲ့ အမျိုးသမီး လက်တွဲဖော်တို့က ပြုစုပျိုးထောင်ခဲ့ကြပါတယ်။ မာရင်က ကိုယ့်ကိုယ်ကိုယ် ရိန်းဘိုးမိသားစု "rainbow family" ကနေ လာခဲ့သူလို့ ပြောလေ့ရှိပါတယ်။

ဝန်ကြီးချုပ်ဖြစ်လာပြီးနောက် ၂၀၂၀ ခုနှစ်မှာ မာရင်က ၁၆ နှစ်ကြာတွဲလာခဲ့တဲ့ သူမရဲ့ချစ်သူ ပရော်ဖက်ရှင်နယ် ဘောလုံးကစားသမားဟောင်း Markus Raikkonen နဲ့ လက်ထပ်ခဲ့ပါတယ်။ မာရင်နဲ့ Markus Raikkonen တို့ဟာ ၂၀၁၈ ခုနှစ်မှာ သမီးလေး အမ်မာ (Emma) ကို မွေးဖွားခဲ့ပါတယ်။

ဂုဏ်ပြုခံရမှုများ

ဖင်လန်ဝန်ကြီးချုပ်မာရင်ကို BBC သတင်းဌာနက ၂၀၂၀၂ ခုနှစ် BBC's 100 Women စာရင်းမှာ ထည့်သွင်းရွေးချယ်ခဲ့ပါတယ်။ ထို့အတူ Forbes မဂ္ဂဇင်းရဲ့ ဩဇာလွှမ်းမိုးမှုအရှိဆုံး အမျိုးသမီး ၁၀၀ စာရင်းမှာလည်း မာရင် ပါဝင်ခဲ့ပါတယ်။ မာရင်ဟာ ၂၀၂၀ ခုနှစ်မှာ ကမ္ဘာ့စီးပွားရေးဖိုရမ် (World Economic Forum) ရဲ့ Young Global Leader ဖြစ်ခဲ့ပါတယ်။

Ref: Wikipedia, SCMP, BBC

Photo: Sanna Marin, Pirkkala High School